vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

ashk ज़ाया' ho rahe the dekh kar rota na tha jis jagah banta tha rona main udhar rota na tha sirf teri chup ne mere gaal geelay kar diye main to vo hooñ jo kisi ki maut par rota na tha mujhpe kitne saanihe guzre par un aankhoñ ko kya meraa dukh ye hain ki meraa hamsafar rota na tha maine uske vasl men bhi hijr kaata hai kahii vo mere kaandhe pe rakh leta tha sar rota na tha pyaar to pahle bhi usse tha magar itnaa nahin tab main us..ko choo to leta tha magar rota na tha giryaa-o-zaari ko bhi ik khaas mausam chahiye meri aañkhen dekh lo main vaqt par rota na tha

hazaaron khwaahishein aisi ki har KHvaahish pe dam nikle bahut nikle mire armaan lekin phir bhi kam nikle dare kyun meraa qaateel kya rahega us ki gardan par vo khun jo chashm-e-tar se umr bhar yuñ dam-b-dam nikle nikalna khuld se aadam ka sunte aa.e hain lekin bahut be-aabroo ho kar tire kooche se ham nikle bharam khul jaa.e zalim tere qamat ki daraazi ka agar is turra-e-pur-pech-o-kham ka pech-o-kham nikle magar likhw aa.e koi us ko khat to ham se likhw aa.e hui subh aur ghar se kaan par rakh kar qalam nikle hui is daur men mansoob mujh se baada-aashaami phir aaya vo zamaana jo jahaan men jaam-e-jam nikle hui jin se tavakko khastagi ki daad paane ki vo ham se bhi ziyaada khasta-e-teg-e-sitam nikle mohabbat men nahin hai farq jeene aur marne ka usii ko dekh kar jeete hain jis kaafir pe dam nikle kahaan may-khaane ka darwaaza ghalib aur kahaan wa'iz par itnaa jaante hain kal vo jaata tha ki ham nikle

itnaa majboor na kar baat banaane lag jaayen ham tere sar kii qasam jhooth hi khaane lag jaayen itne sannaate pi.e meri sama'at ne ki ab sirf aavaaz pe chaahoon to nishaane lag jaayen chaliye kuchh aur nahin aah-shumaarii hi sahi ham kisi kaam to is dil ke bahaane lag jaayen ham vo gum-gasht-e-mohabbat hain ki tum to kya ho khud ko ham dhoondhne niklen to zamaane lag jaayen khvaab kuchh aise dikhaaye hain faqiri ne mujhe jin kii ta'beer men shahon ke khazaane lag jaayen main agar apni jawaani ke suna doon qisse ye jo launde hain mire paanv dabane lag jaayen

dar-guzar jitna kiya hai vahii kaafi hai mujhe ab tujhe qatl bhi kar doon to muaafi hai mujhe mas'ala aise koi hal to na hogaa shaayad she'r kehna hi mire gham ki talaafi hai mujhe dafatan ik naye ehsaas ne chauka sa diya main to samjha tha ki har saans izafi hai mujhe main na kahtaa tha dawaayein nahin kaam aayengi jaanta tha tiri awaaz hi shaafi hai mujhe is se andaaza lagao ki main kis haal men hooñ gair ka dhyaan bhi ab va'da-khilaafi hai mujhe vo kahii saamne aa jaa.e to kya ho javvaad yaad hi us ki agar seena-shigaafi hai mujhe

KHud ko hujoom-e-dahr men khona pada mujhe jaise the log waisa hi hona pada mujhe dushman ko marte dekh ke logon ke saamne dil hañs raha tha aankh se rona pada mujhe kuchh is qadar the phool zameen par khile hue taaron ko aasmaan men bona pada mujhe aisi shikast thii ki kati ungliyon ke saath kaanton ka ek haar pirona pada mujhe kaari nahin tha vaar magar ek umr tak aab-e-namak se zakham ko dhona pada mujhe aasaan nahin hai likhna gham-e-dil ki waardaat apna qalam lahu men dubona pada mujhe itni taveel o sard shab-e-hijr thii naseem kitnii hi baar jaagna sona pada mujhe

libaas-e-khaak sahi par kahii zaroor hooñ main bataa rahi hai chamak aankh ki ki noor hooñ main koi nahin jo mirii lau se raasta dekhe hawaa-e-tund bujha de tire huzoor hooñ main panaah deta nahin koi aur sayyaara bhatk raha hooñ khala men zameen se door hooñ main na ho giraa ke mujhe tu bhi KHaak men mil jaa.e mujhe gale se laga le tira ghuroor hooñ main nikal pada hooñ yoonhi itni barf-baari men badan ke garm lahu ka ajab suroor hooñ main saza bhi kaat chuka hooñ main jis KHataa ki naseem kise pukaaroon kahooñ is men be-qusoor hooñ main

us ke chehre ki chamak ke saamne saada laga aasmaañ pe chaand poora tha magar aadha laga jis ghadi aaya palat kar ik mira bichhda hua aam se kapdon men tha vo phir bhi shehzaada laga har ghadi taiyyaar hai dil jaan dene ke liyeus ne poocha bhi nahin ye phir bhi aamada laga kaarwaan hai ya saraab-e-zindagi hai kya hai ye ek manzil ka nishaan ik aur hi jaada laga raushni aisi ajab thii rang-bhoomi ki naseem ho ga.e kirdaar mudgham krishna bhi radha laga

tamaam umr safar ka samar milega mujhe pas-e-ufuq hi kahii ab to ghar milega mujhe ye kis li.e main khala-dar-khala bhatkata hooñ vo kaun hai jo mira chaand par milega mujhe mila na jis ke li.e ghar ka narm garm sukoon yahiin kahii vo sar-e-rahguzar milega mujhe azaab ye hai ki tanhaa kategi umr tamaam safar ke baad koi hum-safar milega mujhe kahii dikhaai na de kaash chhodne vaala kahunga kya main use ab agar milega mujhe

haath haathon men na de baat hi karta jaa.e hai bahut lamba safar yuñ to na dartaa jaa.e jee men thaanii hai ki jeena hai bahr-haal mujhe jis ko marna hai vo chup-chaap hi marta jaa.e KHud ko mazboot banaa rakhe pahaadon ki tarah ret ka aadmi andar se bikharta jaa.e surkh phoolon ka nahin zard udaasi ka sahi rang kuchh to mirii tasveer men bharta jaa.e mujh se nafrat hai agar us ko to izhaar kare kab main kahtaa hooñ mujhe pyaar hi karta jaa.e ghar ki deewaar ko itnaa bhi tu ooncha na banaa teraa ham-saaya tire saa.e se dartaa jaa.e