vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

teri mushkil na badaaunga chala jaaunga ashk aankhoñ men chhupaaunga chala jaaunga apni dahleez pe kuchh der pada rahne de jaise hi hosh men aaunga chala jaaunga KHvaab lene koi aa.e ki na aa.e koi main to awaaz lagaauñga chala jaaunga chand yaaden mujhe bacchon ki tarah pyaari hain unko seene se lagaauñga chala jaaunga muddaton baad main aaya hooñ purane ghar men KHud ko jee bhar ke rulaaunga chala jaaunga is jazeera men ziyaada nahin rahna ab to aajkal naav banaoonga chala jaaunga mausam-e-gul ki tarah laut ke aaunga hasan har taraf phool khilaaoonga chala jaaunga

vo munh lagata hai jab koi kaam hota hai jo uskaa hota hai samjho ghulaam hota hai kisi ka ho ke dobaara na aanaa meri taraf mohabbaton men halaala haraam hota hai ise bhi ginte hain ham log ahl-e-kh aanaa men hamaare yaa to shajar ka bhi naam hota hai tujh aise shaKHs ke hote hain khaas dost bahut tujh aisa shaKHs bahut jald aam hota hai kabhi lagii hai tumhein koi shaam aakhiri shaam hamaare saath ye har ek shaam hota hai

suna hai log use aankh bhar ke dekhte hain so us ke shahar men kuchh din thehar ke dekhte hain suna hai rabt hai us ko kharaab-haalon se so apne aap ko barbaad kar ke dekhte hain suna hai dard ki gaahak hai chashm-e-naaz us ki so ham bhi us ki gali se guzar ke dekhte hain suna hai us ko bhi hai she'r o shaayri se shagaf so ham bhi mo'jize apne hunar ke dekhte hain suna hai bole to baaton se phool jhadte hain ye baat hai to chalo baat kar ke dekhte hain suna hai raat use chaand takta rehta hai sitaare baam-e-falak se utar ke dekhte hain suna hai din ko use titliyan sataati hain suna hai raat ko jugnoo thehar ke dekhte hain suna hai hashr hain us ki ghazaal si aañkhen suna hai us ko hiran dasht bhar ke dekhte hain suna hai raat se badh kar hain kaakulen us ki suna hai shaam ko saa.e guzar ke dekhte hain suna hai us ki siyah-chashmagi qayamat hai so us ko surma-farosh aah bhar ke dekhte hain suna hai us ke labon se gulaab jalte hain so ham bahaar pe ilzaam dhar ke dekhte hain suna hai aaina timsaal hai jabeen us ki jo saada dil hain use ban-sanwar ke dekhte hain suna hai jab se hamaail hain us ki gardan men mizaaj aur hi laal o guhar ke dekhte hain suna hai chashm-e-tasavvur se dasht-e-imkaan men palang zaaviye us ki kamar ke dekhte hain suna hai us ke badan ki taraash aisi hai ki phool apni qabaayein katar ke dekhte hain vo sarv-qad hai magar be-gul-e-muraad nahin ki us shajar pe shagoofe samar ke dekhte hain bas ik nigaah se lutta hai qaafila dil ka so rah-ravaan-e-tamanna bhi dar ke dekhte hain suna hai us ke shabistaan se muttasil hai behisht makeen udhar ke bhi jalwe idhar ke dekhte hain ruke to gardishein us ka tawaaf karti hain chale to us ko zamaane thehar ke dekhte hain kise naseeb ki be-pairhan use dekhe kabhi kabhi dar o deewaar ghar ke dekhte hain kahaaniyaan hi sahi sab mubaalga hi sahi agar vo KHvaab hai taabeer kar ke dekhte hain ab us ke shahar men thehre ki kooch kar jaayen faraaz aao sitaare safar ke dekhte hain

sar jhukaoge to patthar devta ho jaayega itnaa mat chaaho use vo be-vafa ho jaayega ham bhi dariyaa hain ha men apna hunar maaloom hai jis taraf bhi chal padenge raasta ho jaayega kitnii sachchaai se mujh se zindagi ne kah diya tu nahin meraa to koi doosra ho jaayega main KHuda ka naam le kar pee raha hooñ dosto zahar bhi is men agar hogaa davaa ho jaayega sab usii ke hain hawa KHushboo zameen o aasmaañ main jahaan bhi jaaunga us ko pata ho jaayega

lagega ajnabi ab kyuuñ na shahar bhar mujh ko bacha gaya hai nazar tu bhi dekh kar mujh ko main ghoom phir ke usii samt aa nikalta hoonjakad rahi hai tire ghar ki raahguzaar mujh ko jhuls raha hai badan zer-e-saaya-e-deewaar bula raha hai koi dasht-e-be-shajar mujh ko main sang-dil hooñ tujhe bhoolta hi jaata hooñ main hañs raha hooñ to mil ke udaas kar mujh ko main dekhta hi rahoonga tujhe kinaare se tu dhoondhta hi rahega bhanwar bhanwar mujh ko banii hain tund hawaon ki zard deewarein uda raha hai magar shola-e-safar mujh ko banaa diya hai nidar zid dii khwahishon ne naseem KHud e'timaad na tha apne aap par mujh ko

is qadar bhi to na jazbaat pe qaabu rakho thak ga.e ho to mire kaandhe pe baazu rakho bhoolne paa.e na is dasht ki vehshat dil se shahar ke beech raho baagh men aahu rakho khushk ho jaayegi rote hue sehra ki tarah kuchh bacha kar bhi to is aankh men aañsu rakho raushni hogii to aa jaayega rah-rav dil kaus ki yaadon ke diye taq men har-soo rakho yaad aayegi tumhaari hi safar men us kous ke roomaal men ik achchhii si khushboo rakho ab vo mahboob nahin apna magar dost to haius se ye ek ta'alluq hi bahr-soo rakho

KHud ko hujoom-e-dahr men khona pada mujhe jaise the log waisa hi hona pada mujhe dushman ko marte dekh ke logon ke saamne dil hañs raha tha aankh se rona pada mujhe kuchh is qadar the phool zameen par khile hue taaron ko aasmaan men bona pada mujhe aisi shikast thii ki kati ungliyon ke saath kaanton ka ek haar pirona pada mujhe kaari nahin tha vaar magar ek umr tak aab-e-namak se zakham ko dhona pada mujhe aasaan nahin hai likhna gham-e-dil ki waardaat apna qalam lahu men dubona pada mujhe itni taveel o sard shab-e-hijr thii naseem kitnii hi baar jaagna sona pada mujhe

tamaam umr safar ka samar milega mujhe pas-e-ufuq hi kahii ab to ghar milega mujhe ye kis li.e main khala-dar-khala bhatkata hooñ vo kaun hai jo mira chaand par milega mujhe mila na jis ke li.e ghar ka narm garm sukoon yahiin kahii vo sar-e-rahguzar milega mujhe azaab ye hai ki tanhaa kategi umr tamaam safar ke baad koi hum-safar milega mujhe kahii dikhaai na de kaash chhodne vaala kahunga kya main use ab agar milega mujhe

saraaye chhod ke vo phir kabhi nahin aaya chala gaya jo musaafir kabhi nahin aaya har ek shay mire ghar men usii ke zauq ki hai jo mire ghar men ba-zaahir kabhi nahin aaya ye kaun mujh ko adhoora banaa ke chhod gaya palat ke meraa musavvir kabhi nahin aaya makaan hooñ jis men koi bhi makeen nahin rehta shajar hooñ jis pe ki taair kabhi nahin aaya