kuchh apni jo hurmat tujhe manzur ho ai shaikh tu bahs na mai-khvaron se chal duur ho ai shaikh masjid men zara vaqt-e-sahar dekh to ja kar shayad koi us chashm ka makhmur ho ai shaikh sad dana-e-tasbih rakhe haath men apne chaunke to jo yak-dana-e-angur ho ai shaikh tu mujh ko kahe ek main sau tujh ko sunaun ai kaash ki itna mujhe maqdur ho ai shaikh aaya hai vo badmast liye haath men shamshir majlis se shitabi kahin kafur ho ai shaikh karta hai hamen mana tu paimana-kashi se paimana tiri umr ka maamur ho ai shaikh albatta kare mana hamen ishq-e-butan se tujh sa jo koi aql se maazur ho ai shaikh phir dum hai vo shimla jo hua had se ziyada rakh shimla tu shimle ka jo dastur ho ai shaikh har harf men sakhti hai tire sang-e-jafa se darta huun na phir shisha-e-dil chuur ho ai shaikh kya huur ki baton se lubhave hai tu mujh ko hasha ki mujhe arzu-e-hur ho ai shaikh shekhi men to sunta hi nahin baat kisi ki is dadhi par itna bhi na maghhrur ho ai shaikh kyuun 'mushafi' ko itni tu karta hai nasihat sar chadh na bahut us ke jo majbur ho ai shaikh kuchh apni jo hurmat tujhe manzur ho ai shaikh tu bahs na mai-khwaron se chal dur ho ai shaikh masjid mein zara waqt-e-sahar dekh to ja kar shayad koi us chashm ka makhmur ho ai shaikh sad dana-e-tasbih rakhe hath mein apne chaunke to jo yak-dana-e-angur ho ai shaikh tu mujh ko kahe ek main sau tujh ko sunaun ai kash ki itna mujhe maqdur ho ai shaikh aaya hai wo badmast liye hath mein shamshir majlis se shitabi kahin kafur ho ai shaikh karta hai hamein mana tu paimana-kashi se paimana teri umr ka mamur ho ai shaikh albatta kare mana hamein ishq-e-butan se tujh sa jo koi aql se mazur ho ai shaikh phir dum hai wo shimla jo hua had se ziyaada rakh shimla tu shimle ka jo dastur ho ai shaikh har harf mein sakhti hai tere sang-e-jafa se darta hun na phir shisha-e-dil chur ho ai shaikh kya hur ki baaton se lubhawe hai tu mujh ko hasha ki mujhe aarzu-e-hur ho ai shaikh shekhi mein to sunta hi nahin baat kisi ki is dadhi par itna bhi na maghrur ho ai shaikh kyun 'mushafi' ko itni tu karta hai nasihat sar chadh na bahut us ke jo majbur ho ai shaikh
Related Ghazal
yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle
Anand Raj Singh
526 likes
usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge
Tehzeeb Hafi
465 likes
chaand sitaare phool parinde shaam savera ek taraf saari duniya uskaa charba uskaa chehra ek taraf vo ladhkar bhi so jaa.e to uskaa maatha choomun main usse muhabbat ek taraf hai usse jhagda ek taraf jis shay par vo ungli rakh de us..ko vo dilwaani hai uski khushiyaan sab se awwal sasta mehnga ek taraf zaKHmon par marham lagwao lekin uske haathon se chaarasaazi ek taraf hai uskaa choona ek taraf saari duniya jo bhi bole sab kuchh shor sharaaba hai sab ka kehna ek taraf hai uskaa kehna ek taraf usne saari duniya maangi maine us..ko maanga hai uske sapne ek taraf hai meraa sapna ek taraf
Varun Anand
406 likes
kyun darein zindagi men kya hogaa kuchh na hogaa to tajurba hogaa hansati aankhoñ men jhaank kar dekho koi aañsu kahii chhupa hogaa in dinon na-umeed sa hooñ main shaayad usne bhi ye suna hogaa dekhkar tumko sochta hooñ main kya kisi ne tumhein chhua hogaa
Javed Akhtar
371 likes
ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to
Jaun Elia
355 likes
Similar Writers
Our suggestions based on Mushafi Ghulam Hamdani.
Similar Moods
More moods that pair well with Mushafi Ghulam Hamdani's ghazal.