vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

deewaar yaad aa gaii dar yaad aa gaya do gaam hi chale the ki ghar yaad aa gaya kuchh kehna chahte the ki KHaamosh ho ga.e dastaar yaad aa gaii sar yaad aa gaya duniya ki be-rukhi ka gilaa kar rahe the log ham ko tira tapaak magar yaad aa gaya phir teergi-e-raahguzar yaad aa gaii phir vo charaagh-e-raahguzar yaad aa gaya ajmal'-siraj ham use bhool hue to hain kya jaane kya karenge agar yaad aa gaya

bujh gaya raat vo sitaara bhi haal achha nahin hamaara bhi ye jo ham khoye khoye rahte hain is men kuchh dakhl hai tumhaara bhi doobna zaat ke samundar men hai ye toofaan bhi kinaara bhi ab mujhe neend hi nahin aati KHvaab hai KHvaab ka sahaara bhi log jeete hain kis tarah ajmal ham se hota nahin guzaara bhi

tere siva kisi ki tamannaa karunga main aisa kabhi hua hai jo aisa karunga main go gham aziz hai mujhe tere firaq ka phir bhi is imtihaan ka shikwa karunga main aankhoñ ko ashk o khun bhi faraham karunga main dil ke li.e bhi dard muhayya karunga main raahat bhi ranj ranj bhi raahat ho jab to phir kya etibaar-e-khwaahish-e-duniya karunga main rakha hai kya jahaan men ye aur baat hai ye aur baat hai ki taqaza karunga main ye raahguzaar ki jaa-e-qayaam-o-qaraar thii yaanii ab us gali se bhi guzra karunga main yaanii kuchh is tarah ki tujhe bhi khabar na ho is ehtiyaat se tujhe dekha karunga main hai dekhne ki cheez to ye iltifaat bhi dekhoge tum gurez bhi aisa karunga main hairaan o dil-shikasta hooñ is haal-e-zaar par kab jaanta tha apna tamasha karunga main haan kheench loonga vaqt ki zanjeer paanv se ab ke bahaar aayi to aisa karunga main

main ne ai dil tujhe seene se lagaaya hua hai aur tu hai ki mirii jaan ko aaya hua hai bas isee bojh se dohri hui jaati hai kamar zindagi ka jo ye ehsaan uthaya hua hai kya hua gar nahin baadal ye barsne vaala ye bhi kuchh kam to nahin hai jo ye aaya hua hai raah chalti hui is raahguzar par ajmal ham samjhte hain qadam ham ne jamaaya hua hai ham ye samjhe the ki ham bhool ga.e hain us ko aaj be-tarah ha men yaad jo aaya hua hai vo kisi roz hawaon ki tarah aayega raah men jis ki diya ham ne jalaya hua hai kaun batlaaye use apna yaqeen hai ki nahin vo jise ham ne KHuda apna banaya hua hai yoonhi deewaana banaa firta hai warna ajmal dil men baitha hua hai zehan pe chaaya hua hai

shaam apni be-maza jaati hai roz aur sitam ye hai ki aa jaati hai roz koi din aasaan nahin jaata mira koi mushkil aazma jaati hai roz mujh se pooche koi kya hai zindagi mere sar se ye bala jaati hai roz jaane kis ki surkh-rooi ke li.e khun men ye dharti naha jaati hai roz geet gaate hain parinde subh o shaam ya sama'at chahchaha jaati hai roz dekhne waalon ko ajmal zindagi rang kitne hi dikha jaati hai roz