kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

husn ik gulsitaan ka maali hai aankh shahtoot badan daali hai maine kuchh der udaasi hañs kar maari hai maar nahin daali hai saaj-o-shringaar se chamkaaya badan ek hi note vo bhi jaali hai

bachi hai raushni jo bhi charaaghon se nikal jaa.e jo mere dil se niklaa hai duaon se nikal jaa.e ham aise log jo dushman ke rone par thehar jaayen vo aisa shaKHs jo apnon ki laashon se nikal jaa.e padaane ka agar matlab hai haathon se nikal jaana khudaaya phir mirii beti bhi haathon se nikal jaa.e vahii ik shaKHs tha meraa yahaañ par jee lagaane ko usii ko chahte the sab ki gaav se nikal jaa.e idhar to choo rahi hai jism meraa thande haathon se udhar vo chahti hai raat baaton se nikal jaa.e numaish baap ki daulat ki kar ke sochta tha main ki shaayad imtihaan-e-ishq paison se nikal jaa.e

maine to bas mazaq men poocha KHaraab hai vo peer haath dekh ke bola kharaab hai har din use dikhaaya ki kitne shareef hain har raat uske baare men socha kharaab hai ye ishq ho chuka hai turup-chaal taash ki aage ghulaam ke mira ikka kharaab hai azaad ladkiyon se bhalii qaid auratein matlab ki jheel theek hai dariyaa kharaab hai ham jis KHuda ki aas men baithe hain raat din vo ja chuka hai bol ke duniya kharaab hai zyaada kisi ki maut pe rona nahin sahi aur janmdin pe shor sharaaba kharaab hai aadha bhi uske jitna main raushan nahin hua main jis diye ko bol raha tha kharaab hai

jis shaam us..ko train men baitha ke aaya tha main us..ko uske pyaar se milva ke aaya tha uski basi basaai main duniya ujaad kar jo kha nahin sakaa use faila ke aaya tha mere naseeb men kahii baitha tumhaara dukh lagta tha jaise maa ki qasam kha ke aaya tha

kya ho ki meri zindagi se tu nikal sake jis se ki mere dard ka pahluu nikal sake darkaar is li.e hai mujhe doosra badanus ki dil-o-dimaagh se KHushboo nikal sake sab apni apni laashon ko mandir men le chalo shaayad KHuda ki aankh se aañsu nikal sake gahri hui jaden to ye shaakhen hari hui paav ja men to ped ke baazu nikal sake main us ke baa'd sirf inheen koshishon men hooñ gardan se us ke naam ka tattoo nikal sake apni hateliyon men ye aañkhen nichod luun mumkin hai tere hijr se chullu nikal sake main chahta hooñ raat men soorj-mukhi khile main chahta hooñ din men bhi jugnoo nikal sake