vo munh lagata hai jab koi kaam hota hai jo uskaa hota hai samjho ghulaam hota hai kisi ka ho ke dobaara na aanaa meri taraf mohabbaton men halaala haraam hota hai ise bhi ginte hain ham log ahl-e-kh aanaa men hamaare yaa to shajar ka bhi naam hota hai tujh aise shaKHs ke hote hain khaas dost bahut tujh aisa shaKHs bahut jald aam hota hai kabhi lagii hai tumhein koi shaam aakhiri shaam hamaare saath ye har ek shaam hota hai

zane haseen thii aur phool chun kar laati thii main she'r kahtaa tha vo dastaan sunaati thii arab lahu tha ragon men badan sunhara tha vo muskuraati nahin thii dii.e jalaati thii ali se door raho log usse kahte the vo meraa sach hai bahut cheekh kar bataati thii ali ye log tumhein jaante nahin hain abhii gale lagaakar meraa hausla badhaati thii ye phool dekh rahe ho ye uskaa lahjaa tha ye jheel dekh rahe ho yahaañ vo aati thii main uske baad k abhii theek se nahin jaaga vo mujh...ko khwaab nahin neend se jagati thii use kisi se mohabbat thii aur vo main nahin tha ye baat mujhse zyaada use roolaati thii main kuchh bataa nahin saka vo meri kya thii ali ki us..ko dekhkar bas apni yaad aati thii

chadar ki izzat karta hoon aur parde ko maanta hoon har parda parda nahin hota itnaa main bhi jaanta hoon saare mard ek jaise hain tumne kaise kah daala main bhi to ek mard hoon tumko KHud se behtar maanta hoon maine usse pyaar kiya hai milkiiyat ka daava nahin vo jiske bhi saath hai main us..ko bhi apna maanta hoon chadar ki izzat karta hoon aur parde ko maanta hoon har parda parda nahin hota itnaa main bhi jaanta hoon

yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

uske haathon men jo khanjar hai zyaada tez hai aur phir bachpan se hi uskaa nishaana tez hai jab kabhi us paar jaane ka khyaal aata mujhe koi aahista se kahtaa tha ki dariyaa tez hai aaj milnaa tha bichhad jaane ki niyat se ha men aaj bhi vo der se pahuncha hai kitna tez hai apna sab kuchh haar ke laut aaye ho na mere paas main tumhe kahtaa bhi rehta ki duniya tez hai aaj uske gaal choo men hain to andaaza hua chaai achchhii hai magar thoda sa meetha tez hai

be-qaraari si be-qaraari hai ab yahii zindagi hamaari hai main ne us ko pichaadna hai miyaan meri saa.e se jang jaarii hai ishq karna bhi laazmi hai magar mujh pe ghar ki bhi zimmedaari hai pyaar hai mujh ko zindagi se bahut aur tu zindagi se pyaari hai main kabhi KHud ko chhodta hi nahin meri KHud se alag si yaari hai shahar ka shahar so gaya taabish ab mire jaagne ki baari hai

kuchh ne aañkhen kuchh ne chehra dekha hai sab ne tujh ko thoda thoda dekha hai tum par pyaas ke maani khulne waale nahin tum ne paani pee kar dariyaa dekha hai jin haathon ko choomne aa jaate the log aaj unhin haathon men kaasa dekha hai roti aañkhen ye sun kar KHaamosh hui malbe men ik shaKHs ko zinda dekha hai baba bola meri qismat achchhii haius ne shaayad haath tumhaara dekha hai lagta hai main pyaas se marne vaala hooñ main ne kal shab KHvaab men sehra dekha hai andhi duniya ko main kaise samjhaaoon in aankhoñ se main ne kya kya dekha hai qaai dii raat ko bhaagne vaala hai taabishus ne KHvaab men kufiya rastaa dekha hai

aaine ke roo-b-roo ik aaina rakhta hooñ main raat-din hairat men KHud ko mubtala rakhta hooñ main doston waali bhi ik khoobi hai un men is li.e dushmanon se bhi musalsal raabta rakhta hooñ main roz-o-shab main ghoomta hooñ vaqt ki pur-kaar par apne chaaron samt koi dayra rakhta hooñ main khatkhatane ki bhi zahmat koi aaKHir kyun kare is li.e bhi ghar ka darwaaza khula rakhta hooñ main aaj-kal KHud se bhi hai ranjish ka koi silsila aaj-kal KHud se bhi thoda fasla rakhta hooñ main chand yaaden ek chehra ek KHvaahish ek KHvaab apne dil men aur kya un ke siva rakhta hooñ main chand tasveerein kitaaben khushbuen aur ek phool apni almaari men taabish aur kya rakhta hooñ main