vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

kahii vo mirii mohabbat men ghul raha hi na ho KHuda kare use ye tajurba hua hi na ho supurdagi miraa mea'ar to nahin lekin main sochta hooñ tire roop men KHuda hi na ho main tujh ko pa ke bhi kis shaKHs ki talash men hooñ mire khayal men koi tire siva hi na ho vo uzr kar ki mire dil ko bhi yaqeen aa.e vo geet ga ki jo main ne k abhii suna hi na ho vo baat kar jise faila ke main ghazal kah luun sunaau she'r jo main ne abhii likha hi na ho sehar ko dil ki taraf ye dhuaan sa kaisa hai kahii ye miraa diya raat-bhar jala hi na ho ho kaise jabr-e-mashiyyat ko is dua ka lihaaz jo ek baar mile phir k abhii juda hi na ho ye abr-o-kisht ki duniya men kaise mumkin hai ki umr-bhar ki vafaa ka koi sila hi na ho mirii nigaah men vo ped bhi hai bad-kirdaar lada hua ho jo phal se magar jhuka hi na ho jo dasht dasht se phoolon ki bheek maangata tha kahii vo tod ke kashkol mar gaya hi na ho tuloo-e-subh ne chamka diye hain abr ke chaak nadeem ye miraa daaman-e-muddaa hi na ho

phir bhayaanak teergii men aa ga.e ham gajr bajne se dhoka kha ga.e haaye KHvaabon ki khayaaban-saaziyaan aankh kya khuli chaman murjha ga.e kaun the aaKHir jo manzil ke qareeb aaine ki chadaren faila ga.e kis tajalli ka diya ham ko fareb kis dhundlake men ha men pahuncha ga.e un ka aanaa hashr se kuchh kam na tha aur jab palte qayamat dhaa ga.e ik paheli ka ha men de kar javaab ik paheli ban ke har soo chha ga.e phir vahii akhtar-shumaari ka nizaam ham to is takraar se ukta ga.e rehnumaao raat abhii baaki sahi aaj sayyaare agar takra ga.e kya rasaa nikli dua-e-ijtihaad vo chhupaate hi rahe ham pa ga.e bas vahii memaar-e-fardaa hain nadeem jin ko mere valvale raas aa ga.e

tu bigadta bhi hai khaas apne hi andaaz ke saath phool khilte hain tire shola-e-aawaaz ke saath ek baar aur bhi kyun arz-e-tamanna na karoon ki tu inkaar bhi karta hai ajab naaz ke saath lay jo tooti to sadaa aayi shikast-e-dil ki rag-e-jaan ka koi rishta hai rag-e-saaz ke saath tu pukaare to chamak uthatii hain meri aañkhen teri soorat bhi hai shaamil tiri awaaz ke saath jab tak arzaan hai zamaane men kabootar ka lahu zulm hai rabt rakhoon gar kisi shahbaaz ke saath past itni to na thii meri shikast ai yaaro par samete hain magar hasrat parwaaz ke saath pahre baithe hain qafas par ki hai sayyaad ko vaham par-shikaston ko bhi ik rabt hai parwaaz ke saath umr bhar sang-zanee karte rahe ahl-e-watan ye alag baat ki dafnaayenge e'zaaz ke saath

jab tira hukm mila tark mohabbat kar dii dil magar is pe vo dhadka ki qayamat kar dii tujh se kis tarah main izhaar-e-tamanna karta lafz soojha to mua'ni ne baghaavat kar dii main to samjha tha ki laut aate hain jaane waale tu ne ja kar to judaai mirii qismat kar dii tujh ko pooja hai ki asnaam-parasti ki hai main ne wahdat ke mafaahim ki kasrat kar dii mujh ko dushman ke iraadon pe bhi pyaar aata hai tiri ulfat ne mohabbat mirii aadat kar dii pooch baitha hooñ main tujh se tire kooche ka pata tere haalaat ne kaisi tiri soorat kar dii kya tira jism tire husn ki hiddat men jala raakh kis ne tiri sone ki si rangat kar dii

ehsaas men phool khil rahe hain patjhad ke ajeeb silsile hain kuchh itni shadeed teergii hai aankhoñ men sitaare tairte hain dekhen to hawa jamee hui hai sochen to darakht jhoomte hain suqraat ne zahar pee liya tha ham ne jeene ke dukh sahe hain ham tujh se bigad ke jab bhi uthe phir tere huzoor aa ga.e hain ham aks hain ek doosre ka chehre ye nahin hain aaine hain lamhon ka ghubaar chha raha hai yaadon ke charaaghh jal rahe hain suraj ne ghane sanobaron men jaale se shua'on ke bune hain yaksaan hain firaq-o-wasl dono ye marhale ek se karde hain pa kar bhi to neend ud gaii thii kho kar bhi to rat-jage mile hain jo din tiri yaad men kate the maazi ke khandar bane khade hain jab teraa jamaal dhoondte the ab teraa khayal dhoondte hain ham dil ke gudaaz se hain majboor jab KHush bhi hue to roye hain ham zinda hain ai firaq ki raat pyaari tire baal kyun khule hain