ab mere saath nahin hai samjhe naasamjhaane kii baat nahin hai samjhe naa tum maangoge aur tumhein mil jaayega pyaar hai ye khairaat nahin hai samjhe naa main baadal hooñ jis par chaahoon barsoonga meri koii zaat nahin hai samjhe naa apna khaali haath mujhe mat dikhlaao is men meraa haath nahin hai samjhe naa

seena dahak raha ho to kya chup rahe koi kyun cheekh cheekh kar na gala chheel le koi saabit hua sukoon-e-dil-o-jaan kahii nahin rishton men dhoondhta hai to dhoonda kare koi tark-e-taalluqaat koi mas'ala nahin ye to vo raasta hai ki bas chal pade koi deewaar jaanta tha jise main vo dhool thii ab mujh ko e'timaad ki daawat na de koi main KHud ye chahta hooñ ki haalaat hooñ KHaraab mere KHilaaf zahar ugalta phire koi ai shaKHs ab to mujh ko s abhii kuchh qubool hai ye bhi qubool hai ki tujhe cheen le koi haan theek hai main apni ana ka mareez hooñ aaKHir mere mizaaj men kyun dakhl de koi ik shaKHs kar raha hai abhii tak vafaa ka zikr kaash us zabaan-daraaz ka munh noch le koi

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

vo munh lagata hai jab koi kaam hota hai jo uskaa hota hai samjho ghulaam hota hai kisi ka ho ke dobaara na aanaa meri taraf mohabbaton men halaala haraam hota hai ise bhi ginte hain ham log ahl-e-kh aanaa men hamaare yaa to shajar ka bhi naam hota hai tujh aise shaKHs ke hote hain khaas dost bahut tujh aisa shaKHs bahut jald aam hota hai kabhi lagii hai tumhein koi shaam aakhiri shaam hamaare saath ye har ek shaam hota hai

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

chhote chhote kaii be-faiz mafaadaat ke saath log zinda hain ajab soorat-e-haalat ke saath faisla ye to bahr-haal tujhe karna hai zehan ke saath sulagna hai ki jazbaat ke saath guftugoo der se jaarii hai nateeje ke baghair ik nayi baat nikal aati hai har baat ke saath ab ke ye soch ke tum zakhm-e-judai dena dil bhi bujh jaayega dhalti hui is raat ke saath tum vahii ho ki jo pahle the mirii nazaron men kya izafa hua in atlas o baanaat ke saath itnaa paspa na ho deewaar se lag jaayega itne samjhaute na kar soorat-e-haalat ke saath bhejta rehta hai gum-naam khatoon men kuchh phool is qadar kis ko mohabbat hai mirii zaat ke saath

ghar ki dahleez se bazaar men mat aa jaana tum kisi chashm-e-kharidaar men mat aa jaana KHaak udhaana inheen galiyon men bhala lagta hai chalte firte kisi darbaar men mat aa jaana yoonhi KHushboo ki tarah failte rahna har soo tum kisi daam-e-talabgaar men mat aa jaana door saahil pe khade rah ke tamasha karna kisi ummeed ke manjhdhaar men mat aa jaana achchhe lagte ho ki khud-sar nahin khuddaar ho tum haan simat ke but-e-pindaar men mat aa jaana chaand kahtaa hooñ to matlab na galat lena tum raat ko rauzan-e-deewar men mat aa jaana

jo khayal the na qayaas the vahii log mujh se bichhad ga.e jo mohabbaton ki asaas the vahii log mujh se bichhad ga.e jinhen maanta hi nahin ye dil vahii log mire hain hum-safar mujhe har tarah se jo raas the vahii log mujh se bichhad ga.e mujhe lamha-bhar ki rafaqaton ke saraab aur sataaye'nge mirii umr-bhar ki jo pyaas the vahii log mujh se bichhad ga.e ye khayal saare hain aarzi ye gulaab saare hain kaaghazi gul-e-aarzoo ki jo baas the vahii log mujh se bichhad ga.e jinhen kar sakaa na qubool main vo shareek-e-raah-e-safar hue jo mirii talab mirii aas the vahii log mujh se bichhad ga.e mirii dhadkano ke qareeb the mirii chaah the mira KHvaab the vo jo roz-o-shab mire paas the vahii log mujh se bichhad ga.e

tumhein jab kabhi milen fursatein mire dil se bojh utaar do main bahut dinon se udaas hooñ mujhe koi shaam udhaar do mujhe apne roop ki dhoop do ki chamak saken mire khaal-o-khud mujhe apne rang men rang do mire saare rang utaar do kisi aur ko mire haal se na garz hai koi na vaasta main bikhar gaya hooñ samet lo main bigad gaya hooñ sanwaar do

mujh se mukhlis tha na waqif mire jazbaat se thaus ka rishta to faqat apne mafaadaat se tha ab jo bichhda hai to kya royen judaai pe tiri yahii andesha ha men pahli mulaqaat se tha dil ke bujhne ka hawaon se gilaa kya karna ye diya naz'a ke aalam men to kal raat se tha markaz-e-shahr men rahne pe musir thii khilqat aur main waabasta tire dil ke mazaafat se tha main kharaabon ka makeen aur ta'alluq meraa tere naate kabhi KHvaabon ke mahallaat se tha lab-kushaai pe khula us ke sukhun se iflaas kitna aaraasta vo atlas-o-banaat se tha