kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

zane haseen thii aur phool chun kar laati thii main she'r kahtaa tha vo dastaan sunaati thii arab lahu tha ragon men badan sunhara tha vo muskuraati nahin thii dii.e jalaati thii ali se door raho log usse kahte the vo meraa sach hai bahut cheekh kar bataati thii ali ye log tumhein jaante nahin hain abhii gale lagaakar meraa hausla badhaati thii ye phool dekh rahe ho ye uskaa lahjaa tha ye jheel dekh rahe ho yahaañ vo aati thii main uske baad k abhii theek se nahin jaaga vo mujh...ko khwaab nahin neend se jagati thii use kisi se mohabbat thii aur vo main nahin tha ye baat mujhse zyaada use roolaati thii main kuchh bataa nahin saka vo meri kya thii ali ki us..ko dekhkar bas apni yaad aati thii

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

kabhi jo aankh pe gesoo-e-yaar hota hai sharaab-khaane pe abr-e-bahaar hota hai kisi ka gham ho mire dil pe baar hota hai usii ka naam gham-e-rozgaar hota hai ilaahi KHair ho un be-zabaan asiroon ki qafas ke saamne zikr-e-bahaar hota hai chaman men aise bhi do chaar hain chaman waale ki jin ko mausam-e-gul naagawaar hota hai sawaal-e-jaam tire may-kade men ai saaqi jawaab-e-gardish-e-lail-o-nahaar hota hai ha men vafaa pe vafaa aaj tak na raas aayi unhen sitam pe sitam saazgaar hota hai labon pe aa gaya dam band ho chuki aañkhen chale bhi aao ki khatm intizaar hota hai kahaan vo vasl ki raatein kahaan ye hijr ke din khayaal-e-gardish-e-lail-o-nahaar hota hai junoon to ek badi cheez hai mohabbat men zaraa se ashk se raaz aashkaar hota hai mire janaaze ko dekha to yaas se bole yahaañ pe aadmi be-ikhtiyaar hota hai KHuda rakhe tumhein kya koi jaur bhool ga.e jo ab talash hamaara mazaar hota hai hamaara zor hai kya baagbaan utha lenge ye aashiyaan jo tujhe naagawaar hota hai ajeeb kashmakash-e-bahr-e-gham men dil hai qamarna doobta hai ye beda na paar hota hai

surkhiyaan kyun Dhoondh kar laaun fasaane ke li.e bas tumhaara naam kaafi hai zamaane ke li.e maujen saahil se hataati hain habaabon ka hujoom vo chale aa.e hain saahil par nahaane ke li.e sochta hooñ ab kahii bijli giri to kyun giri tinke laaya tha kahaan se aashiyaane ke li.e chhod kar bastii ye deewane kahaan se aa ga.e dasht ki baithi-bithaai KHaak udaane ke li.e hañs ke kahte ho zamaana bhar mujhi par jaan de rah ga.e ho kya tumheen saare zamaane ke li.e shaam ko aaoge tum achha abhii hoti hai shaam gesuon ko khol do suraj chhupaane ke li.e kaayenaat-e-ishq ik dil ke siva kuchh bhi nahin vo hi aane ke li.e hai vo hi jaane ke li.e ai zamaane bhar ko khushiyaan dene waale ye bataa kya qamar hi rah gaya hai gham uthaane ke li.e

kisi soorat sehar nahin hoti raat idhar se udhar nahin hoti khauf sayyaad se na barq ka dar baat ye apne ghar nahin hoti ek vo hain ki roz aate hain ek ham hain khabar nahin hoti ab main samjha hooñ kaat kar shab-e-gham zindagi mukhtasar nahin hoti kitnii paaband-e-waz'a hai shab-e-gham kabhi ghairoon ke ghar nahin hoti kitnii seedhi hai raah-e-mulk-e-adam haajat-e-raahbar nahin hoti sun liya hogaa tum ne haal-e-mareez ab davaa kaargar nahin hoti arsh milta hai meri aahon se lekin un ko khabar nahin hoti

ab to munh se bol mujh ko dekh din bhar ho gaya ai but-e-khaamosh kya sach-much ka patthar ho gaya ab to chup ho baagh men naalon se mahshar ho gaya ye bhi ai bulbul koi sayyaad ka ghar ho gaya iltimaas-e-qatl par kahte ho furqat hi nahin ab tumhein itnaa ghuroor allahu-akbar ho gaya mehfil-e-dushman men jo guzri vo mere dil se pooch har ishaara jumbish-e-abroo ka khanjar ho gaya aashiyaane ka bataayen kya pata khaana-ba-dosh chaar tinke rakh li.e jis shaakh par ghar ho gaya hirs to dekho falak bhi mujh pe karta hai sitam koi pooche to bhi kya un ke barabar ho gaya sokhta dil men na milta teer ko khun ai qamar ye bhi kuchh mehmaan ki qismat se muyassar ho gaya

kisi ka naam lo be-naam afsaane bahut se hainna jaane kis ko tum kahte ho deewane bahut se hain jafaon ke gale tum se KHuda jaane bahut se hain magar mahshar ka din hai apne begaane bahut se hain banaaye de rahi hain ajnabi naadaariyaan mujh ko tiri mehfil men warna jaane-pahchaane bahut se hain dhari rah jaayegi paabandi-e-zindaan jo ab chheda ye darbaanon ko samjha do ki deewane bahut se hain bas ab so jaao neend aankhoñ men hai kal phir sunaayenge zaraa si rah gaii hai raat afsaane bahut se hain tumhein kis ne bulaayaa may-kashon se ye na kah saaqi tabi'at mil gaii hai warna maykhaane bahut se hain badi qurbaaniyon ke baa'd rahna baagh men hogaa abhii to aashiyaan bijli se jalwaane bahut se hain likhi hai KHaak udaani hi agar apne muqaddar men tire kooche pe kya mauqoof veeraane bahut se hain na ro ai shama' maujooda patangon ki museebat par abhii mehfil se baahar tere parwaane bahut se hain mire kehne se hogii tark-e-rasm-o-raah ghairoon se baja hai aap ne kehne mire maane bahut se hain qamar allah saath eimaan ke manzil pe pahuncha de haram ki raah men sunte hain but-khaane bahut se hain