na shikva tha na koi ghham kabhi meri kahani men achanak aa gae tufan kai is zindagani men jo apna tha paraya ho gaya mujh se vo pal bhar men isi ke ghham men budha ho gaya huun naujavani men kisi din chand ban kar jan-e-jan aa jaao mere ghar karunga main kushada dil ko teri mezbani men suna tha ye mohabbat karne vaale kuchh na kar paae mohabbat ki kahani ne lagai aag paani men chalo ik dusre ka haath thame saath chalte hain rahega kaun zinda 'mauj' is duniya-e-fani men na shikwa tha na koi gham kabhi meri kahani mein achanak aa gae tufan kai is zindagani mein jo apna tha paraya ho gaya mujh se wo pal bhar mein isi ke gham mein budha ho gaya hun naujawani mein kisi din chand ban kar jaan-e-jaan aa jao mere ghar karunga main kushada dil ko teri mezbani mein suna tha ye mohabbat karne wale kuchh na kar pae mohabbat ki kahani ne lagai aag pani mein chalo ek dusre ka hath thame sath chalte hain rahega kaun zinda 'mauj' is duniya-e-fani mein
Related Ghazal
pooch lete vo bas mizaaj mira kitna aasaan tha ilaaj mira chaara-gar ki nazar bataati hai haal achha nahin hai aaj mira main to rehta hooñ dasht men masroof qais karta hai kaam-kaaj mira koi kaasa madad ko bhej allah mere bas men nahin hai taaj mira main mohabbat ki baadshaahat hooñ mujh pe chaltaa nahin hai raaj mira
Fahmi Badayuni
96 likes
vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko
Naseer Turabi
244 likes
chala hai silsila kaisa ye raaton ko manaane ka tumhein haq de diya kisne diyon ke dil dukhaane ka iraada chhodiye apni hadon se door jaane ka zamaana hai zamaane ki nigaahon men na aane ka kahaan ki dosti kin doston ki baat karte ho miyaan dushman nahin milta koi ab to thikaane ka nigaahon men koi bhi doosra chehra nahin aaya bharosa hi kuchh aisa tha tumhaare laut aane ka ye main hi tha bacha ke KHud ko le aaya kinaare tak samandar ne bahut mauqa' diya tha doob jaane ka
Waseem Barelvi
103 likes
usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge
Tehzeeb Hafi
465 likes
kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla
Tehzeeb Hafi
435 likes
Similar Writers
Our suggestions based on Mohammad Moazzam Mauj.
Similar Moods
More moods that pair well with Mohammad Moazzam Mauj's ghazal.