vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

mujhe garz hai sitaare na mahtaab ke saath chamak raha hai ye dil poori aab-o-taab ke saath napi-tuli si mohabbat laga bandha sa karam nibha rahe ho ta'alluq bade hisaab ke saath main is li.e nahin thakta tire ta'aqub se mujhe yaqeen hai ki paani bhi hai saraab ke saath sawaal-e-wasl pe inkaar karne waale sun sawaal khatm nahin hogaa is javaab ke saath KHamosh jheel ke paani men vo udaasi thii ki dil bhi doob gaya raat mahtaab ke saath jata diya ki mohabbat men gham bhi hote hain diya gulaab to kaañte bhi the gulaab ke saath main le udoonga tire khadd-o-khaal se ta'beerna dekh mirii taraf chashm-e-neem-khwaab ke saath are ye sirf bahaana hai baat karne ka mirii majaal ki jhagda karoon janab ke saath visaal-o-hijr ki sarhad pe jhut-pute men kahii vo be-hijaab hua tha magar hijaab ke saath shikasta aaina dekha phir apna dil dekha dikhaai dii mujhe taa'beer-e-KHvaab KHvaab ke saath vahaañ miloonga jahaan dono vaqt milte hain main kam-naseeb tire jaise kaamyaab ke saath dayaar-e-hijr ke roza-guzaar chahte hain ki roza khole tire aur sharaab-e-naab ke saath tum achchhii dost ho so meraa mashwara ye hai mila-jula na karo faaris'-e-kharaab ke saath

nazar uthaaye to kya kya fasana banta hai sau peshe-e-yaar nigaahen jhuk aanaa banta hai vo laakh be-khabr-o-be-wafa sahi lekin talab kiya hai gar us ne to j aanaa banta hai ragon talak utar aayi hai zulmat-e-shab-e-gham so ab charaaghh nahin dil jalana banta hai paraai aag mira ghar jala rahi hai so ab KHamosh rahna nahin ghul mach aanaa banta hai qadam qadam pe tawazun ki baat mat kijeye ye may-kada hai yahaañ ladkhadana banta hai bichhadne waale tujhe kis tarah bataaun main ki yaad aanaa nahin teraa aanaa banta hai ye dekh kar ki tire aashiqon men main bhi hooñ jamaal-e-yaar tira muskurana banta hai junoon bhi sirf dikhaava hai vahshatein bhi galat deewana hai nahin faaris deewana banta hai

sar-b-sar yaar ki marzi pe fida ho jaana kya ghazab kaam hai raazi-b-raza ho jaana band aankhoñ vo chale aayen to vaa ho jaana aur yuñ phoot ke rona ki fana ho jaana ishq men kaam nahin zor-zabardasti ka jab bhi tum chaaho juda hona juda ho jaana teri jaanib hai b-tadreej tarqqi mirii mire hone ki hai me'raaj tira ho jaana tere aane ki basharat ke siva kuchh bhi nahin baagh men sukhe darakhton ka haraa ho jaana ik nishaani hai kisi shahar ki barbaa dii ki naarwa baat ka yak-lakht rawa ho jaana tang aa jaaun mohabbat se to gahe gahe achha lagta hai mujhe teraa KHafaa ho jaana si diye jaayen mire hont to ai jaan-e-ghazal aisa karna mirii aankhoñ se ada ho jaana be-niyaazi bhi vahii aur ta'alluq bhi vahii tumhein aata hai mohabbat men KHuda ho jaana azdaha ban ke rag-o-pai ko jakad leta hai itnaa aasaan nahin gham se rihaa ho jaana achchhe achhon pe bure din hain lihaaza faaris achchhe hone se to achha hai bura ho jaana

yahii dua hai yahii hai salaam ishq ba-khair mire s abhii rufqa-e-kiraam ishq ba-khair dayaar-e-hijr ki sooni udaas galiyon men pukaarta hai koi subh-o-shaam ishq ba-khair main kar raha tha dua ki guzaarishein us se so kah gaii hai udaasi ki shaam ishq ba-khair bade ajeeb hain shahr-e-junoon ke baashinde hamesha kahte hain ba'd-az-salaam ishq ba-khair ye rah zaroor tumhaare hi ghar ko jaati hai likha hua hai yahaañ gaam gaam ishq ba-khair bayaan ki hai ghazal-waar daastaan-e-ishq so is kitaab ka rakha hai naam ishq ba-khair ufuq ke paar mujhe yaad kar raha hai koi abhii mila hai udhar se payaam-e-ishq ba-khair

main kaar-aamad hooñ ya be-kaar hooñ main magar ai yaar teraa yaar hooñ main jo dekha hai kisi ko mat bataana ilaaqe bhar men izzat-daar hooñ main KHud apni zaat ke armaaye men bhi sifar feesad ka hisse-daar hooñ main aur ab kyun bein karte aa ga.e hon kaha tha na bahut beemaar hooñ main mirii to saari duniya bas tumhi ho galat kya hai jo duniya-daar hooñ main kahaanii men jo hota hi nahin hai kahaanii ka vahii kirdaar hooñ main ye tay karta hai dastak dene vaala kahaan dar hooñ kahaan deewaar hooñ main koi samjhaaye mere dushmanon ko zaraa si dosti ki maar hooñ main mujhe patthar samajh kar pesh mat aa zaraa sa rahm kar jaan-daar hooñ main bas itnaa soch kar kijeye koi hukm badaa munh-zor khidmat-gaar hooñ main koi shak hai to be-shak aazma le tira hone ka da'we-daar hooñ main agar har haal men KHush rahna fan hai to phir sab se badaa fankaar hooñ main zamaana to mujhe kahtaa hai faaris magar faaris ka parda-daar hooñ main unhen khilna sikhaata hooñ main faaris gulaabon ka suhoolat-kaar hooñ main