usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge

yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

chaand sitaare phool parinde shaam savera ek taraf saari duniya uskaa charba uskaa chehra ek taraf vo ladhkar bhi so jaa.e to uskaa maatha choomun main usse muhabbat ek taraf hai usse jhagda ek taraf jis shay par vo ungli rakh de us..ko vo dilwaani hai uski khushiyaan sab se awwal sasta mehnga ek taraf zaKHmon par marham lagwao lekin uske haathon se chaarasaazi ek taraf hai uskaa choona ek taraf saari duniya jo bhi bole sab kuchh shor sharaaba hai sab ka kehna ek taraf hai uskaa kehna ek taraf usne saari duniya maangi maine us..ko maanga hai uske sapne ek taraf hai meraa sapna ek taraf

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

itnaa majboor na kar baat banaane lag jaayen ham tere sar kii qasam jhooth hi khaane lag jaayen itne sannaate pi.e meri sama'at ne ki ab sirf aavaaz pe chaahoon to nishaane lag jaayen chaliye kuchh aur nahin aah-shumaarii hi sahi ham kisi kaam to is dil ke bahaane lag jaayen ham vo gum-gasht-e-mohabbat hain ki tum to kya ho khud ko ham dhoondhne niklen to zamaane lag jaayen khvaab kuchh aise dikhaaye hain faqiri ne mujhe jin kii ta'beer men shahon ke khazaane lag jaayen main agar apni jawaani ke suna doon qisse ye jo launde hain mire paanv dabane lag jaayen

ki jaise koi musaafir watan men laut aa.e hui jo shaam to phir se thakan men laut aa.e na aabshaar na sehra laga sake qeemat ham apni pyaas ko le kar dehan men laut aa.e safar taveel bahut tha kisi ki aankhoñ tak to us ke baad ham apne badan men laut aa.e kabhi ga.e the hawaon ka saamna karne sabhi charaaghh usii anjuman men laut aa.e kisi tarah to fazaaon ki KHaamushi toote to phir se shor-e-salaasil chalan men laut aa.e ameer imaam batao ye maajra kya hai tumhaare she'r usii baankpan men laut aa.e

un ko khala men koi nazar aanaa chahiye aankhoñ ko toote KHvaab ka harj aanaa chahiye vo kaam rah ke karna pada shahar men ha men majnoon ko jis ke vaaste veer aanaa chahiye is zakhm-e-dil pe aaj bhi surkhi ko dekh kar itra rahe hain ham ha men itrana chahiye tanhaaiyon pe apni nazar kar zaraa kabhi ai bewaqoof dil tujhe ghabr aanaa chahiye hai hijr to kebab na khaane se kya usool gar ishq hai to kya ha men mar j aanaa chahiye danaaiyan bhi khoob hain lekin agar mile dhokha haseen sa to use kh aanaa chahiye beete dinon ki koi nishaani to saath ho jaan-e-haya tumhein zaraa sharm aanaa chahiye is shaay'ri men kuchh nahin naqqaad ke li.e dildaar chahiye koi deew aanaa chahiye

vo apne band-e-qaba kholti to kya lagti KHuda ke vaaste koi kahe khuda-lagti yaqeen thii to yaqeen men samaa gaii kaise gumaan thii to gumaan se bhi maavra lagti agar bikhrti to suraj kabhi nahin ugta tira khayal ki vo zulf bas ghatta lagti tire mareez ko duniya men kuchh nahin lagta davaa lage na raqeebon ki bad-dua lagti hui hai qaid zamaane men raushni kis se bhala vo jism aur us ko koi qaba lagti lagii vo tujh si to aalam men munfarid thehri vagarna aam si lagti agar juda lagti

yuñ mire hone ko mujh par aashkaar us ne kiya mujh men poshida kisi dariyaa ko paar us ne kiya pahle sehra se mujhe laaya samundar ki taraf naav par kaaghaz ki phir mujh ko sawaar us ne kiya main tha ik awaaz mujh ko KHaamushi se tod kar kirchiyon ko der tak mirii shumaar us ne kiya din chadha to dhoop ki mujh ko saleeben de gaya raat aayi to mire bistar ko daar us ne kiya jis ko us ne raushni samjha tha mirii dhoop thii shaam hone ka mirii phir intizaar us ne kiya der tak bunta raha aankhoñ ke karghe par mujhe bun gaya jab main to mujh ko taar taar us ne kiya

aag ke saath main bahta hua paani sunna raat-bhar apne anaasir ki sunaani sunna dekhna roz andheron men shua'on ki numoo pattharon men kisi dariyaa ki ravaani sunna vo sunaayengi kabhi mirii kahaanii tum ko tum hawaon se kabhi mirii kahaanii sunna mirii khaamoshi mirii maskh hai is maskh men tum maar kar teer mirii tishna-dahaani sunna umr na-kaafi hai is hijrat-e-awwal ke li.e phir janam luun to mirii hijrat-e-saani sunna kam-sini par hai ajab haal tumhaara yaaro sun lo aasaan nahin us ki jawaani sunna geet mere jo pasand aate hain itne tum ko inheen geeton ki kabhi marsiya-khwani sunna kya naya tum ko sunaau ki naya kuchh bhi nahin naye lafzon men vahii baat puraani sunna