kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

kal tak jo shakhs saath mere tha chala gaya aisa laga ki aankh men tinka chala gaya milne vo aa.e aur akelaa hi aa.e hain yaanii ki catch chhoot ke chauka chala gaya main bol jab raha tha nahin rok paa.e vo so raat bhar main she'r sunaata chala gaya kamzoriyaan bataa ke use sochta hooñ main aate men paani had se ziyaada chala gaya be-fikr tha tanoj KHabar hi nahin hui vo paas aaya dil ko nikala chala gaya

chamchamaati car men uski bidaai ho gayi par yaqeen aata nahin hai bewafaai ho gayi park men sab dost mere raah dekhen hain meri ab to jaane do mujhe ab to padhaai ho gayi aadmi ko aur bacchon ko pata chaltaa nahin roti sabzi kab banii aur kab safaaii ho gayi aao baitho ab suno taarif meri doston jisne chhoda hai mujhe uski buraai ho gayi aakhri choti se girkar ham mare hain ishq ki ham samjhte the himalaya ki chadhaai ho gayi

kal uski aarti maine utaari magar mat poochna kaise utaari gale tak aa gayi thii baat mere so paani pee liya neeche utaari use bhi maut ne kuchh din pukaara vo jisne laash pankhe se utaari

dartaa nahin hooñ main kisi bhi imtehaan se dooñga s abhii javaab magar itminaan se laut aati hai sadaa yuñ mere jism se meri jaise ki laut aayi ho khaali makaan se usne liya gulaab magar kuchh nahin kaha niklaa nahin hai teer abhii bhi kamaan se lankesh ko haraaya tha seeta bachaai thii banta tha ghar ko lautna pushpak vimaan se KHud ka hi aasmaan hai kaafi tanoj ko jalta nahin vo aur kisi ki udaan se

kaii logon se behtar hañs raha hai agar tu apne u uupar hañs raha hai dashanan ke ahem ko todker ke bahut chhota sa bandar hañs raha hai mujhe koii nahin KHat bhejta ab meri chhat ka kabootar hañs raha hai muqaddar par ye mehnat hañs rahi hai ya mehnat par muqaddar hañs raha hai hazaaron gham hain uski zindagi men magar phir bhi sukhnavar hañs raha hai kaha maine ki duniya jeetni haina jaane kyuuñ sikandar hañs raha hai