KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

baithe hain chain se kahii j aanaa to hai nahin ham be-gharon ka koi thik aanaa to hai nahin tum bhi ho beete vaqt ke maanind hoo-b-hoo tum ne bhi yaad aanaa hai aanaa to hai nahin ahad-e-wafaa se kis li.e khaif ho meri jaan kar lo ki tum ne ahd nibh aanaa to hai nahin vo jo ha men aziz hai kaisa hai kaun hai kyun poochte ho ham ne bat aanaa to hai nahin duniya ham ahl-e-ishq pe kyun fenkti hai jaal ham ne tire fareb men aanaa to hai nahin vo ishq to karega magar dekh bhaal ke faris vo tere jaisa deewana to hai nahin

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

vo zamaana guzar gaya kab ka tha jo deewaana mar gaya kab ka dhoondhta tha jo ik nayi duniya laut ke apne ghar gaya kab ka vo jo laaya tha ham ko dariyaa tak paar akelaa utar gaya kab ka us ka jo haal hai vahii jaane apna to zakham bhar gaya kab ka khwaab-dar-khwaab tha jo sheeraza ab kahaan hai bikhar gaya kab ka

palkon par hasrat ki ghataaein ham bhi paagal tum bhi jee na saken aur marte jaayen ham bhi paagal tum bhi dono apni aan ke sacche dono aql ke andhe haath badhaayein phir hat jaayen ham bhi paagal tum bhi KHvaab men jaise jaan chhuda kar bhag na sakne waale bhaagen aur wahin rah jaayen ham bhi paagal tum bhi sandal phoole jungle jaage naag fireen matwaale nange paanv chalen ghabraayein ham bhi paagal tum bhi

mohabbat ko gale ka haar bhi karte nahin banta kuchh aisi baat hai inkaar bhi karte nahin banta khuloos-e-naaz ki tauheen bhi dekhi nahin jaati shuur-e-husn ko bedaar bhi karte nahin banta tujhe ab kya kahein ai meherbaan apna hi rona hai ki saari zindagi eesaar bhi karte nahin banta sitam dekho ki us be-dard se apni ladai hai jise sharminda-e-paikaar bhi karte nahin banta ada ranjeedgi parwaanagi aansoo-bhari aañkhen ab itni saadgi kya pyaar bhi karte nahin banta jawaani meherbaani husn bhi achchhii museebat hai use achha use beemaar bhi karte nahin banta bhanwar se jee bhi ghabraata hai lekin kya kiya jaa.e tawaaf-e-mauj-e-kam-raftaar bhi karte nahin banta isee dil ko bharii duniya ke jhagde jhelne thehre yahii dil jis ko duniya-daar bhi karte nahin banta jalaati hai dilon ko sard-mehri bhi zamaane ki sawaal-e-garmi-e-baazaar bhi karte nahin banta khizaan un ki tavajjoh aisi naa-mumkin nahin lekin zaraa si baat par israar bhi karte nahin banta

sabab talash na kar bas yoonhi hai ye duniya vahii bahut hai jo kuchh jaanti hai ye duniya khulat men band hain konpal ke sote jaagte rang parat parat men nayi dilkashi hai ye duniya uljhte rahne men kuchh bhi nahin thakan ke siva bahut haqeer hain ham tum badi hai ye duniya ye log saans bhi lete hain zinda bhi hain magar har aan jaise inhen rokti hai ye duniya bahut dinon to ye sharmindagi thii shaamil-e-haal humeen KHaraab hain achchhii bhalii hai ye duniya hare-bhare rahen tere chaman tire gulzaar haraa hai zakhm-e-tamanna bharii hai ye duniya tum apni lehar men ho aur kisi bhanwar ki tarah main doosra hooñ koi teesri hai ye duniya vo apne saath bhi rahte hain chup bhi rahte hain jinhen khabar hai ki kya bechti hai ye duniya khizaan na soch ki bikti hai kyun badan ki bahaar samajh ki rooh ki sauda-gari hai ye duniya

naaz-o-andaaz dil dikhaane lage ab vo fitne samajh men aane lage phir vahii intizaar ki zanjeer raat aayi diye jalane lage chaanv padne lagii sitaaron ki rooh ke zakham jhilmilaane lage haal ahvaal kya bataayen kise sab iraade ga.e thikaane lage manzil-e-subh aa gaii shaayad raaste har taraf ko jaane lage

ham aap qayamat se guzar kyun nahin jaate jeene ki shikaayat hai to mar kyun nahin jaate katraate hain bal khaate hain ghabraate hain kyun log sar dii hai to paani men utar kyun nahin jaate aankhoñ men namak hai to nazar kyun nahin aata palkon pe guhar hain to bikhar kyun nahin jaate akhbaar men rozaana vahii shor hai yaanii apne se ye haalaat sanwar kyun nahin jaate ye baat abhii mujh ko bhi maaloom nahin hai patthar idhar aate hain udhar kyun nahin jaate teri hi tarah ab ye tire hijr ke din bhi jaate nazar aate hain magar kyun nahin jaate ab yaad k abhii aa.e to aaiine se poochho mahboob-khizaan shaam ko ghar kyun nahin jaate