yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge

chaand sitaare phool parinde shaam savera ek taraf saari duniya uskaa charba uskaa chehra ek taraf vo ladhkar bhi so jaa.e to uskaa maatha choomun main usse muhabbat ek taraf hai usse jhagda ek taraf jis shay par vo ungli rakh de us..ko vo dilwaani hai uski khushiyaan sab se awwal sasta mehnga ek taraf zaKHmon par marham lagwao lekin uske haathon se chaarasaazi ek taraf hai uskaa choona ek taraf saari duniya jo bhi bole sab kuchh shor sharaaba hai sab ka kehna ek taraf hai uskaa kehna ek taraf usne saari duniya maangi maine us..ko maanga hai uske sapne ek taraf hai meraa sapna ek taraf

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

chup bhi ho bak raha hai kya waiz maghz rindon ka kha gaya waiz tere kehne se rind jaayenge ye to hai khaana-e-khuda waiz allah allah ye kibr aur ye ghuroor kya KHuda ka hai doosra waiz be-khata may-kashon pe chashm-e-ghazab hashr hone de dekhna waiz ham hain qaht-e-sharaab se beemaar kis marz ki hai tu davaa waiz rah chuka may-kade men saari umr kabhi may-khaane men bhi aa waiz hajw-e-may kar raha tha mimbar par ham jo pahunchen to pee gaya waiz dukht-e-raz ko bura mire aage phir na kehna kabhi suna waiz aaj karta hooñ wasf-e-may main ameer dekhooñ kahtaa hai is men kya waiz

teer par teer lagao tumhein dar kis ka hai seena kis ka hai mirii jaan jigar kis ka hai khauf-e-meezaan-e-qayaamat nahin mujh ko ai dost tu agar hai mire palle men to dar kis ka hai koi aata hai adam se to koi jaata hai sakht dono men KHuda jaane safar kis ka hai chhup raha hai qafas-e-tan men jo har taair-e-dil aankh khole hue shaheen-e-nazar kis ka hai naam-e-shaair na sahi she'r ka mazmoon ho khoob phal se matlab ha men kya kaam shajar kis ka hai said karne se jo hai taair-e-dil ke munkir ai kamaan-daar tire teer men par kis ka hai mirii hairat ka shab-e-wasl ye bais hai ameer sar b-zaanoo hooñ ki zaanoo pe ye sar kis ka hai

main ro ke aah karunga jahaan rahe na rahe zameen rahe na rahe aasmaañ rahe na rahe rahe vo jaan-e-jahaan ye jahaan rahe na rahe makeen ki KHair ho ya rab makaan rahe na rahe abhii mazaar par ahbaab faatiha padh len phir is qadar bhi hamaara nishaan rahe na rahe KHuda ke vaaste kalmaa buton ka padh zaahid phir ikhtiyaar men ghaafil zabaan rahe na rahe khizaan to KHair se guzri chaman men bulbul ki bahaar aayi hai ab aashiyaan rahe na rahe chala to hooñ paye izhaar-e-dard-e-dil dekhooñ huzoor-e-yaar majaal-e-bayaan rahe na rahe ameer jama hain ahbaab dard-e-dil kah le phir iltifaat-e-dil-e-dostaan rahe na rahe

jab se bulbul tu ne do tinke li.e tootti hain bijliyaan in ke li.e hai jawaani KHud jawaani ka singaar saadgi gehna hai is sin ke li.e kaun veeraane men dekhega bahaar phool jungle men khile kin ke li.e saari duniya ke hain vo mere siva main ne duniya chhod dii jin ke li.e baagbaan kaliyaan hon halke rang ki bhejni hai ek kam-sin ke li.e sab haseen hain zaahidon ko na-pasand ab koi hoor aayegi in ke li.e vasl ka din aur itnaa mukhtasar din gine jaate the is din ke li.e subh ka sona jo haath aata ameer bhejte tohfa mo'azzin ke li.e

ham lottay hain vo so rahe hain kya naaz-o-niyaaz ho rahe hain kya rang jahaan men ho rahe hain do hanste hain chaar ro rahe hain duniya se alag jo ho rahe hain takiyon men maze se so rahe hain pahunchee hai hamaari ab ye haalat jo hanste the vo bhi ro rahe hain tanhaa tah-e-khaak bhi nahin ham hasrat ke saath so rahe hain sote hain lahd men sone waale jo jaagte hain vo ro rahe hain arbaab-e-kamaal chal base sab sau men kahii ek do rahe hain palkon ki jhapak dikha ke ye but dil men nashtar chubho rahe hain mujh daagh-naseeb ki lahd par laale ka vo beej bo rahe hain peeri men bhi ham hazaar afsos bachpan ki neend sau rahe hain daaman se ham apne daagh-e-hasti aab-e-khanjar se do rahe hain men jaag raha hooñ e shab-e-gham par mire naseeb sau rahe hain roenge ha men rulaane waale doobenge vo jo dubo rahe hain ai hashr madine men na kar shor chup chup sarkaar sau rahe hain aaiine pe bhi kaddi nigaahen kis par ye itaab ho rahe hain bhari hai jo motiyon ka maala aath aath aañsu vo ro rahe hain dil cheen ke ho ga.e hain ghaafil fitne vo jaga ke sau rahe hain hai gair ke ghar jo in ki daawat ham jaan se haath dho rahe hain sad shukr khayal hai usii ka ham jis se lipt ke sau rahe hain ho jaayen na khushk daagh ke phool aañsu un ko bhigo rahe hain aayegi na phir ke umr-e-rafta ham muft men jaan kho rahe hain kya giryaa-e-be-asar se haasil is rone pe ham to ro rahe hain fariyaad ki naakhuda-e-kashti kashtii ko mirii dubo rahe hain kyuuñ karte hain gham-gusaar takleef aañsu mire munh ko dho rahe hain mehfil barkhast hai patange ruksat shamon se ho rahe hain hai koch ka vaqt aasmaañ par taare kahii naam ko rahe hain un ki bhi numood hai koi dam vo bhi na rahenge jo rahe hain duniya ka ye rang aur ham ko kuchh hosh nahin hai so rahe hain thehro dam-e-naz'a do ghadi aur do chaar nafs hi to rahe hain phool un ko pinhaa pinhaa ke aghyaar kaañte mire haq men bo rahe hain zaanoo pe ameer sar ko rakhe paharon guzre ki ro rahe hain