yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

kyun darein zindagi men kya hogaa kuchh na hogaa to tajurba hogaa hansati aankhoñ men jhaank kar dekho koi aañsu kahii chhupa hogaa in dinon na-umeed sa hooñ main shaayad usne bhi ye suna hogaa dekhkar tumko sochta hooñ main kya kisi ne tumhein chhua hogaa

mere bas men nahin varna qudrat ka likha hua kaatta tere hisse men aa.e bure din koi doosra kaatta laariyon se zyaada bahaav tha tere har ik lafz men main ishaara nahin kaat saka teri baat kya kaatta maine bhi zindagi aur shab e hijr kaatee hai sabki tarah vaise behtar to ye tha ke main kam se kam kuchh naya kaatta tere hote hue mombatti bujhaai kisi aur ne kya khushi rah gayi thii janmdin ki main cake kya kaatta koi bhi to nahin jo mere bhookhe rahne pe naaraz ho jail men teri tasveer hoti to hanskar saza kaatta

chaand sitaare phool parinde shaam savera ek taraf saari duniya uskaa charba uskaa chehra ek taraf vo ladhkar bhi so jaa.e to uskaa maatha choomun main usse muhabbat ek taraf hai usse jhagda ek taraf jis shay par vo ungli rakh de us..ko vo dilwaani hai uski khushiyaan sab se awwal sasta mehnga ek taraf zaKHmon par marham lagwao lekin uske haathon se chaarasaazi ek taraf hai uskaa choona ek taraf saari duniya jo bhi bole sab kuchh shor sharaaba hai sab ka kehna ek taraf hai uskaa kehna ek taraf usne saari duniya maangi maine us..ko maanga hai uske sapne ek taraf hai meraa sapna ek taraf

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

ada-e-ishq hooñ poori ana ke saath hooñ main KHud apne saath hooñ ya'ni KHuda ke saath hooñ main mujavaraan-e-hawas tang hain ki yuñ kaise baghair sharm-o-haya bhi haya ke saath hooñ main safar shuruat to hone de apne saath mira tu KHud kahega ye kaisi bala ke saath hooñ main main choo gaya to tira rang kaat daaloonga so apne aap se tujh ko bacha ke saath hooñ main durood-bar-dil-e-wahshi salaam-bar-tap-e-ishq KHud apni hamd KHud apni sana ke saath hooñ main yahii to farq hai mere aur un ke hal ke beech shikaayaten hain unhen aur raza ke saath hooñ main main awwaleen ki izzat men aakhireen ka noor vo intiha hooñ ki har ibtida ke saath hooñ main dikhaai doon bhi to kaise sunaai doon bhi to kyun wara-e-naqsh-o-nawa hooñ fana ke saath hooñ main b-hukm-e-yaar love kabz karne aati hai bujha rahi hai bujaaye hawa ke saath hooñ main ye saabireen-e-mohabbat ye kaashifeen-e-junoon inhi ke sang inheen auliya ke saath hooñ main kisi ke saath nahin hooñ magar jamaal-e-ilaaha tiri qism tire har mubtala ke saath hooñ main zamaane bhar ko pata hai main kis tariq pe hooñ sabhi ko ilm hai kis dil-ruba ke saath hooñ main munaafiqeen-e-tasavvuf ki maut hooñ main ali har ik aseel har ik be-riya ke saath hooñ main

charaagahein nai aabaad hogii magar jo bastiyaan barbaad hogii KHuda miTTi ko phir se hukm dega kaii shaklein nai ijaad hogii abhii mumkin nahin lekin ye hogaa kitaaben sahib-e-aulaad hogii main un aankhoñ ko padhkar sochta hoon ye naz men kis tarah se yaad hogii ye pariyaan phir nahin aayegi milne ye ghazlein phir nahin irshaad hogii main dartaa hoon ali un aadaton se ke jo mujh...ko tumhaare baad hogii

lehje men khanak baat men dam hai to karam hai gardan dar-e-haider pe jo KHam hai to karam hai mat soch ki is ghar pe karam hai to alam hai darasl tere ghar pe alam hai to karam hai bistar pe kamar theek nahin lagti to KHush ho khuraak bhi ai yaar jo kam hai to karam hai be-nisbat-o-be-ishq kahaan milti hai izzat mujh pe mere maula ka karam hai to karam hai munkir ki jalan hi men to mumin ka mazaa hai gar taa'na-o-tashnee-o-sitam hai to karam hai ab jab ke koi haal bhi kyun pooche kisi ka ik aankh mere vaaste nam hai to karam hai ab jab ke koi aankh nahin rukti kisi par jo koi jahaan jiska sanam hai to karam hai midhat ka mazaa bhi ho taghazzul ki ada bhi kuchh aisa sukhun tujhko bahm hai to karam hai akhtar se ghazal-sazon ke hote hue zaryoon thoda sa agar teraa bharam hai to karam hai

vo hi kartaba teri yaad ka vo hi nai nava e khayaal hai vo hi main jo tha tere hijr men vo hi mashhad e khud-o-khaal hai teri neend kis ke li.e udii meraa khvaab kis ne bujha diya ise sun kar rookh nahin pherna tere maatami ka sawaal hai ye mazaq to nahin ho raha main khushi se to nahin ro raha koii film to nahin chal rahi meri jaan ye meraa haal hai kisi saiyada ke charan padhoon koii kaazmi jo duaa kare koii ho jo gham kii haya kare meraa karbalaai malaal hai vo charaagh e shahar e vifaq hai mere saath jis ka firaq hai bhale door paar se hi sahi meraa raabta to bahaal hai vo khushi se itni nihaal thii ki ali main soch kar dar gayaa main use bataa hi nahin sakaa ki ye meri aakhiri call hai

pahle-pahl ladenge tamaskhur udaayenge jab ishq dekh lenge to sar par bithaayenge tu to phir apni jaan hai teraa to zikr kya ham tere doston ke bhi nakhre uthaaenge ghalib ne ishq ko jo dimaagi khalal kaha chhodein ye ramz aap nahin jaan paayenge parkhenge ek ek ko le kar tumhaara naam dushman hai kaun dost hai pahchaan jaayenge qibla kabhi to taaza-sukhan bhi karen ata ye chaar-paanch ghazlein hi kab tak sunaayenge aage to aane deejie rastaa to chhodije ham kaun hain ye saamne aa kar bataaenge ye ehtimaam aur kisi ke li.e nahin taane tumhaare naam ke ham par hi aayenge