chal diye fer kar nazar tum bhi gair to gair the magar tum bhi ye gali mere dilruba ki hai doston khairiyat idhar tum bhi mujhpe logon ke saath hanste ho log roenge khaas kar tum bhi mujh...ko thukra diya hai duniya ne main to mar jaaunga agar tum bhi uski gaadi to ja chuki taabish ab utho jaao apne ghar tum bhi

phir mirii yaad aa rahi hogii phir vo deepak bujha rahi hogii phir mire facebook pe aa kar vo KHud ko banner banaa rahi hogii apne bete ka choom kar maatha mujh ko teeka laga rahi hogii phir usii ne use chhua hogaa phir usii se nibha rahi hogii jism chadar sa bich gaya hogaa rooh silvat hata rahi hogii phir se ik raat kat gaii hogii phir se ik raat aa rahi hogii

mujhe udaas kar ga.e ho KHush raho mire mizaaj par ga.e ho KHush raho mire li.e na ruk sake to kya hua jahaan kahiin thehar ga.e ho KHush raho khushi hui hai aaj tum ko dekh kar bahut nikhar sanwar ga.e ho KHush raho udaas ho kisi ki be-vafaaii par vafaa kahiin to kar ga.e ho KHush raho gali men aur log bhi the aashna ha men salaam kar ga.e ho KHush raho tumhein to meri dosti pe naaz tha isee se ab mukar ga.e ho KHush raho kisi ki zindagi bano ki bandagi mire li.e to mar ga.e ho KHush raho

tumhaara kya hai tumhein sirf gyaan dena hai hamaari socho ha men imtihaan dena hai gulaab bhi hain gulaabon men khaar bhi hain bataa nishaani deni hai ya phir nishaan dena hai teraa sawaal meri jaan ka sawaal hai aur javaab dene se aasaan jaan dena hai unhonne apne mutaabiq saza suna dii hai ha men saza ke mutaabiq bayaan dena hai ye bezubaanon ki mehfil hai dost yaad rahe yahaañ KHamoshii ka matlab zubaan dena hai

kisi libaas ki khushboo jab ud ke aati hai tere badan ki judaai bahut sataati hai tere gulaab tarsate hain teri khushboo ko teri safed chameli tujhe bulaati hai tere baghair mujhe chain kaise padta hain mere bagair tujhe neend kaise aati hai

mujh ko ye fikr kab hai ki saaya kahaan gaya suraj ko ro raha hooñ khudaaya kahaan gaya phir aaine men KHoon dikhaai diya mujhe aankhoñ men aa gaya to chhupaaya kahaan gaya awaaz de raha tha koi mujh ko KHvaab men lekin khabar nahin ki bulaayaa kahaan gaya kitne charaaghh ghar men jalaae ga.e na pooch ghar aap jal gaya hai jalaya kahaan gaya ye bhi khabar nahin hai ki hamraah kaun hai poocha kahaan gaya hai bataaya kahaan gaya vo bhi badal gaya hai mujhe chhodne ke baad mujh se bhi apne aap men aaya kahaan gaya tujh ko ganwa diya hai magar apne aap ko barbaad kar diya hai ganwaaya kahaan gaya

harf apne hi maani ki tarah hota hai pyaas ka zaaika paani ki tarah hota hai main bhi rukta hooñ magar reg-e-ravaan ki soorat meraa thehraav ravaani ki tarah hota hai tere jaate hi main shiknon se na bhar jaaun kahii kyun juda mujh se jawaani ki tarah hota hai jism thakta nahin chalne se ki vehshat ka safar KHvaab men naql-e-makaani ki tarah hota hai chaand dhalta hai to us ka bhi mujhe dukh faisal kisi gum-gashta nishaani ki tarah hota hai

teri aañkhen na raheen aaina-khaana mire dost kitnii tezi se badalta hai zamaana mire dost jaane kis kaam men masroof raha barson tak yaad aaya hi nahin tujh ko bhulaana mire dost poochna mat ki ye kya haal banaa rakha hai aaina ban ke mira dil na dukhaana mire dost is mulaqaat men jo ghair-zaroori ho jaa.e yaad rehta hai kise haath milaana mire dost dekhna mujh ko magar meri paziraai ko apni aankhoñ men sitaare na sajaana mire dost ab vo titli hai na vo umr ta'aqub waali main na kahtaa tha bahut door na jaana mare dost hijr taqdeer men likkha tha ki majboori thii chhod is baat se kya milnaa milaana mire dost tu ne ehsaan kiya apna banaa kar mujh ko warna main kya tha haqeeqat na fasana mire dost is kahaanii men kise kaun kahaan chhod gaya yaad aa jaa.e to mujh ko bhi bataana mire dost chhod aaya hooñ hawaon ki nigahbaani men vo samundar vo jazeera vo khazana mire dost aise raston pe jo aapas men kahii milte hon kyun na us mod se ho jaayen ravana mire dost

ye bhi nahin ki dast-e-dua tak nahin gaya meraa sawaal khalk-e-khuda tak nahin gaya phir yuñ hua ki haath se kashkol gir pada khairaat le ke mujh se chala tak nahin gaya masloob ho raha tha magar hañs raha tha main aankhoñ men ashk le ke KHuda tak nahin gaya jo barf gir rahi thii mire sar ke aas-paas kya likh rahi thii mujh se padha tak nahin gaya faisal mukaalima tha hawaon ka phool se vo shor tha ki mujh se suna tak nahin gaya