kaise usne ye sab kuchh mujhse chhupkar badla chehra badla rastaa badla baad men ghar badla main uske baare men ye kahtaa tha logon se meraa naam badal dena vo shaKHs agar badla vo bhi KHush tha usne dil dekar dil maanga hai main bhi KHush hooñ maine patthar se patthar badla maine kaha kya meri khaatir KHud ko badloge aur phir usne nazren badlein aur number badla

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

ha men bhi kaam bahut hai khazaane se us ke zaraa ye log to utthen sirhaane se us ke yahii na ho ki tavajjoh hata le vo apni ziyaada der na bachna nishaane se us ke vo mujh se taaza mohabbat pe raazi hai lekin usool ab bhi vahii hain purane se us ke vo teer itni riaayat kabhi nahin deta ye zakham lagta nahin hai gharaane se us ke vo chadh raha tha judaai ki seedhiyaan khurram sarak raha tha mira haath shaane se us ke

jab ham mut thii kholenge nayi kahaanii kholenge zakham ki izzat karte hain der se patti kholenge chehra padhne waale chor gathri thodii kholenge dil ka vaham nikaalenge gale ki dori kholenge vo KHud thodii aayega naukar kundi kholenge zor se gaanth lagaaee thii daant se rassi kholenge

ham to samjhe the mohabbat ki ladai sahab aap talwaar utha laaye hain bhaai sahab dhoop taalaab ka huliya to badal sakti hai itni aasaani se chhutti nahin kaai sahab KHaak ko KHaak pe dharne ka mazaa apna hai hijr men kaun bichaata hai chataai sahab phir bhi aawaargi zaaeaa nahin jaane waali koi bhi cheez agar haath na aayi sahab

baat karte hue be-khayaali men zulfen khulii chhod dii ham nihttho pe usne ye kaisi balaaen khulii chhod dii saath jab tak rahe ek lamhe ko bhi rabt toota nahin usne aañkhen agar band kar li.e to baanhe khule chhod dii kya anokha yaqeen tha jo us din utaara gaya shahar par ghar palatte hue taajiro ne dukanein khulii chhod dii mere qaabu men ho kar bhi vo itnaa sarkash hai to sochie kya banega agar maine uski lagaamen khulii chhod dii jisne aate hue meri tarteeb par itne jumle kase usne jaate hue mere dil ki daraazen khule chhod dii

badi mushkil se neeche baithe hain jo tere saath uthte baithe hain akelaa baithna hogaa kisi ko agar ham tum ikatthe baithe hain aur ab uthna pada na agli saf se kaha bhi tha ki peeche baithe hain yahiin par silsila mauqoof kar do ziyaada tajarbe le baithe hain nigaahen kyun na thehre us pe aafaq shajar par hi parinde baithe hain