tumhein bas yah bat aanaa chahta hooñ main tumse kya chhup aanaa chahta hooñ kabhi mujhse bhi koi jhooth bolo main haan men haan mil aanaa chahta hooñ adaakaari bada dukh de rahi hai main sachmuch muskurana chahta hooñ ameeri ishq ki tumko mubarak main bas kh aanaa kam aanaa chahta hooñ main saare shahar ki baisakhiyon ko tere dar par nachana chahta hooñ mujhe tumse bichadna hi padega main tumko yaad aanaa chahta hooñ

haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

bichadkar uskaa dil lag bhi gaya to kya lagega vo thak jayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhein achha lagega main jis koshish se us..ko bhool jaane men laga hooñ zyaada bhi agar lag jaaye to hafta lagega

aap jaison ke li.e is men rakha kuchh bhi nahin lekin aisa to na kahiye ki vafaa kuchh bhi nahin aap kahiye to nibhaate chale jaayenge magar is ta'alluq men aziyyat ke siva kuchh bhi nahin main kisi tarah bhi samjhauta nahin kar saka ya to sab kuchh hi mujhe chahiye ya kuchh bhi nahin kaise jaana hai kahaan jaana hai kyun jaana hai ham ki chalte chale jaate hain pata kuchh bhi nahin haaye is shahar ki raunaq ke main sadqe jaaun aisi bharpoor hai jaise ki hua kuchh bhi nahin phir koi taaza sukhun dil men jagah karta hai jab bhi lagta hai ki likhne ko bacha kuchh bhi nahin ab main kya apni mohabbat ka bharam bhi na rakhoon maan leta hooñ ki us shaKHs men tha kuchh bhi nahin main ne duniya se alag rah ke bhi dekha javvaad aisi munh-zor udaasi ki davaa kuchh bhi nahin

tamanna phir machal jaa.e agar tum milne aa jaao ye mausam hi badal jaa.e agar tum milne aa jaao mujhe gham hai ki maine zindagi men kuchh nahin paaya ye gham dil se nikal jaa.e agar tum milne aa jaao nahin milte ho mujhse tum to sab hamdard hain mere zamaana mujhse jal jaa.e agar tum milne aa jaao ye duniya bhar ke jhagde ghar ke qisse kaam ki baatein bala har ek tal jaa.e agar tum milne aa jaao

chaandni tha ki ghazal tha ki saba tha kya tha main ne ik baar tira naam suna tha kya tha ab ke bichhde hain to lagta hai ki kuchh toot gaya meraa dil tha ki tira ahad-e-wafaa tha kya tha KHud-kushi kar ke bhi bistar se utha hooñ zinda main ne kal raat ko jo zahar piya tha kya tha tum to kahte the KHuda tum se KHafaa hai qaisar doobte vaqt vo jo ik haath badha tha kya tha

deewaron se mil kar rona achha lagta hai ham bhi paagal ho jaayenge aisa lagta hai kitne dinon ke pyaase honge yaaro socho to shabnam ka qatra bhi jin ko dariyaa lagta hai aankhoñ ko bhi le dooba ye dil ka paagal-pan aate jaate jo milta hai tum sa lagta hai is bastii men kaun hamaare aañsu ponchega jo milta hai us ka daaman bheega lagta hai duniya bhar ki yaaden ham se milne aati hain shaam dhale is soone ghar men mela lagta hai kis ko patthar maarun qaisar kaun paraaya hai sheesh-mahal men ik ik chehra apna lagta hai

tiri gali men tamasha ki.e zam aanaa hua phir is ke baa'd na aanaa hua na j aanaa hua kuchh itnaa toot ke chaaha tha mire dil ne use vo shaKHs meri muravvat men be-vafa na hua hawa KHafaa thii magar itni sang-dil bhi na thii humeen ko shama' jalane ka hausla na hua mire khuloos ki saiqal-gari bhi haar gaii vo jaane kaun sa patthar tha aaina na hua main zahar peeta raha zindagi ke haathon se ye aur baat hai meraa badan haraa na hua shu'ur chahiye tarteeb-e-khaar-o-khas ke li.e qafas ko tod ke rakha to aashiyana hua hamaare gaav ki miTTi hi ret jaisi thii ye ek raat ka sailaab to bah aanaa hua kisi ke saath gaiin dil ki dhadkanein qaisar phir is ke baa'd mohabbat ka haadisa na hua

maayusi ki barf padi thii lekin mausam sard na tha aaj se pahle dil men yaaro itnaa thanda dard na tha tanhaaii ki bojhal raatein pahle bhi to barsi theen zakham nahin the itne qaateel gham itnaa be-dard na tha firte hain ab rusva hote kal tak ye raftaar na thii shahar men theen sau koo-e-malaamat dil aawaara-gard na tha marne par bhi lau deti thii deewane ke dil ki aag patharaai theen aañkhen lekin phool sa chehra zard na tha harf-e-tasalli mauj-e-hawa the mauj-e-hawa se hota kya seene ka patthar tha qaisar gham daaman ki gard na tha

kaaghaz kaaghaz dhool udegi fan banjar ho jaayega jis din sukhe dil ke aañsu sab patthar ho jaayega tootengi jab neend se palken so jaaunga chupke se jis jungle men raat padegi meraa ghar ho jaayega KHvaabon ke ye panchi kab tak shor karenge palkon par shaam dhalegi aur sannaata shaakhon par ho jaayega raat qalam le kar aayegi itni siyaahi chhidkegi din ka saara manzar-naama be-manzar ho jaayega nakhun se bhi iint kureden mil-jul kar ham-saaye to aangan ki deewaar na toote lekin dar ho jaayega qaisar ro lo ghazlein kah lo baaki hai kuchh dard abhii agli rutoon men yuñ lagta hai sab patthar ho jaayega