vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

kisi libaas ki khushboo jab ud ke aati hai tere badan ki judaai bahut sataati hai tere gulaab tarsate hain teri khushboo ko teri safed chameli tujhe bulaati hai tere baghair mujhe chain kaise padta hain mere bagair tujhe neend kaise aati hai

chadar ki izzat karta hoon aur parde ko maanta hoon har parda parda nahin hota itnaa main bhi jaanta hoon saare mard ek jaise hain tumne kaise kah daala main bhi to ek mard hoon tumko KHud se behtar maanta hoon maine usse pyaar kiya hai milkiiyat ka daava nahin vo jiske bhi saath hai main us..ko bhi apna maanta hoon chadar ki izzat karta hoon aur parde ko maanta hoon har parda parda nahin hota itnaa main bhi jaanta hoon

haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

tujh men pada hua hooñ harkat nahin hai mujh men haalat na poochiyo tu haalat nahin hai mujh men ab to nazar men aa ja baanhon ke ghar men aa ja ai jaan teri koi soorat nahin hai mujh men ai rang rang men aa aaghosh-e-tang men aa baatein hi rang ki hain rangat nahin hai mujh men apne men hi kisi ki ho roo-b-rooi mujh ko hooñ KHud se roo-b-roo hooñ himmat nahin hai mujh men ab to simat ke aa ja aur rooh men samaa ja vaise kisi ki pyaare wusa'at nahin hai mujh men sheeshe ke is taraf se main sab ko tak raha hooñ marne ki bhi kisi ko furqat nahin hai mujh men tum mujh ko apne ram men le jaao saath apne apne se ai ghazaalo vehshat nahin hai mujh men

kis se izhaar-e-muddaa kijeye aap milte nahin hain kya kijeye ho na paaya ye faisla ab tak aap kijeye to kya kiya kijeye aap the jis ke chaara-gar vo jawaan sakht beemaar hai dua kijeye ek hi fan to ham ne seekha hai jis se mi li.e use KHafaa kijeye hai taqaza mirii tabi'at ka har kisi ko charaagh-paa kijeye hai to baare ye aalam-e-asbaab be-sabab cheekhne laga kijeye aaj ham kya gilaa karen us se gila-e-tangi-e-qaba kijeye nutq haiwaan par garaan hai abhii guftugoo kam se kam kiya kijeye hazrat-e-zulf-e-ghaliya-afshaan naam apna saba saba kijeye zindagi ka ajab mo'amla hai ek lamhe men faisla kijeye mujh ko aadat hai rooth jaane ki aap mujh ko manaa liya kijeye milte rahiye isee tapaak ke saath be-vafaaii ki intiha kijeye kohkan ko hai KHud-kushi KHvaahish shah-bano se iltijaa kijeye mujh se kahti theen vo sharaab aañkhen aap vo zahar mat piya kijeye rang har rang men hai daad-talab KHoon thookoon to waah-wa kijeye

apni manzil ka raasta bhejo jaan ham ko vahaañ bula bhejo kya hamaara nahin raha saawan zulf yaa bhi koi ghatta bhejo nayi kaliyaan jo ab khili hain vahaañ un ki khushboo ko ik zaraa bhejo ham na jeete hain aur na marte hain dard bhejo na tum davaa bhejo dhool udti hai jo us aangan meinus ko bhejo saba saba bhejo ai fakeero gali ke us gul ki tum ha men apni khaak-e-pa bhejo shafq-e-shaam-e-hijr ke haathon apni utri hui qaba bhejo kuchh to rishta hai tum se kam-bakhton kuchh nahin koi bad-dua bhejo

koii haalat nahin ye haalat hai ye to aashob-naak soorat hai anjuman men ye meri khaamoshi burdabaari nahin hai vehshat hai tujh se ye gaah-gaah ka shikwa jab talak hai basaa ghaneemat hai khwaahishein dil ka saath chhod gaiin ye aziyyat badi aziyyat hai log masroof jaante hain mujhe yaa mira gham hi meri fursat hai tanj pairaaya-e-tabasum men is takalluf kii kya zaroorat hai ham ne dekha to ham ne ye dekha jo nahin hai vo khoobsurat hai vaar karne ko jaan-nisaar aayen ye to eesaar hai inaayat hai garm-joshi aur is qadar kya baat kya tumhein mujh se kuchh shikaayat hai ab nikal aao apne andar se ghar men samaan kii zaroorat hai aaj ka din bhi aish se guzra sar se pa tak badan salaamat hai

tu bhi chup hai main bhi chup hoon ye kaisi tanhaaii hai tere saath tiri yaad aayi kya tu sach-much aayi hai shaayad vo din pehla din tha palken bojhal hone ka mujh ko dekhte hi jab us ki angadaai sharmaai hai us din pahli baar hua tha mujh ko rifaqat ka ehsaas jab us ke malboos ki khushboo ghar pahunchaane aayi hai ham ko aur to kuchh nahin soojha albatta us ke dil men soz-e-raqabat paida kar ke us ki neend udaai hai ham dono mil kar bhi dilon ki tanhaaii men bhatkenge paagal kuchh to soch ye tu ne kaisi shakl banaai hai ishq-e-pechaanki sandal par jaane kis din bel chadhe kyaari men paani thehra hai deewaron par kaai hai husn ke jaane kitne chehre husn ke jaane kitne naam ishq ka pesha husn-parasti ishq badaa harjaai hai aaj bahut din baad main apne kamre tak aa niklaa tha joonhi darwaaza khola hai us ki khushboo aayi hao ek to itnaa habs hai phir main saansen roke baitha hoon veeraani ne jhaadoo de ke ghar men dhool udaai hai