haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

yahaañ tum dekhna rutba hamaara hamaari ret hai dariyaa hamaara kisi se kal pitaaji kah rahe the muhabbat kha gaii ladka hamaara ta'alluq khatm karne ja rahi hai kahii girwa na de bachcha hamaara

ek aur shaKHs chhodkar chala gaya to kya hua hamaare saath kaun sa ye pahli martaba hua azl se in hateliyon men hijr ki lakeer thii tumhaara dukh to jaise mere haath men badaa hua mere KHilaaf dushmanon ki saf men hai vo aur main bahut bura lagunga us par teer kheenchta hua

ye maine kab kaha ki mere haq men faisla kare agar vo mujh se KHush nahin hai to mujhe juda kare main uske saath jis tarah guzaarta hooñ zindagi use to chahiye ki meraa shukriya ada kare meri dua hai aur ik tarah se baddua bhi hai KHuda tumhein tumhaare jaisi betiyaan ata kare banaa chuka hooñ main mohabbaton ke dard ki davaa agar kisi ko chahiye to mujhse raabta kare

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

mahfilein KHvaab hui rah ga.e tanhaa chehre vaqt ne cheen li.e kitne shanaasa chehre saari duniya ke li.e ek tamasha chehre dil to parde men rahe ho ga.e rusva chehre tum vo bedard ki mud kar bhi na dekha un ko warna karte rahe kya kya na taqaza chehre kitne haathon ne taraashe ye haseen taaj-mahal jhaankte hain dar-o-deewar se kya kya chehre soye patton ki tarah jaagti kaliyon ki tarah KHaak men gum to kabhi KHaak se paida chehre KHud hi veeraani-e-dil KHud hi charaagh-e-mahfil kabhi mahroom-e-tamanna kabhi shaida chehre KHaak udti bhi rahi abr barsta bhi raha ham ne dekhe kabhi sehra kabhi darya-chehre yahii imroz bhi hangaama-e-farda bhi yahii pesh karte rahe har daur ka naqsha chehre deep jalte hi rahe taq pe armaanon ke kitnii sadiyon se hai har ghar ka ujaala chehre khatm ho jaayen jinhen dekh ke beemaari-e-dil Dhoondh kar laayein kahaan se vo maseeha chehre dastaan khatm na hogii kabhi chehron ki jameel husn-e-yoosuf to kabhi ishq-e-zulekha chehre