KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

tumhein bas yah bat aanaa chahta hooñ main tumse kya chhup aanaa chahta hooñ kabhi mujhse bhi koi jhooth bolo main haan men haan mil aanaa chahta hooñ adaakaari bada dukh de rahi hai main sachmuch muskurana chahta hooñ ameeri ishq ki tumko mubarak main bas kh aanaa kam aanaa chahta hooñ main saare shahar ki baisakhiyon ko tere dar par nachana chahta hooñ mujhe tumse bichadna hi padega main tumko yaad aanaa chahta hooñ

baithe hain chain se kahii j aanaa to hai nahin ham be-gharon ka koi thik aanaa to hai nahin tum bhi ho beete vaqt ke maanind hoo-b-hoo tum ne bhi yaad aanaa hai aanaa to hai nahin ahad-e-wafaa se kis li.e khaif ho meri jaan kar lo ki tum ne ahd nibh aanaa to hai nahin vo jo ha men aziz hai kaisa hai kaun hai kyun poochte ho ham ne bat aanaa to hai nahin duniya ham ahl-e-ishq pe kyun fenkti hai jaal ham ne tire fareb men aanaa to hai nahin vo ishq to karega magar dekh bhaal ke faris vo tere jaisa deewana to hai nahin

chhoti si be-rukhi pe shikaayat ki baat hai aur vo bhi is liye ki mohabbat ki baat hai main ne kaha ki aa.e ho kitne dinon ke baa'd kehne lage huzoor ye furqat ki baat hai main ne kaha ki mil ke bhi ham kyun na mil sake kehne lage huzoor ye qismat ki baat hai main ne kaha ki rahte ho har baat par KHafaa kehne lage huzoor ye qurbat ki baat hai main ne kaha ki dete hain dil tum bhi laao dil kehne lage ki ye to tijaarat ki baat hai main ne kaha kabhi hai sitam aur kabhi karam kehne lage ki ye to tabi'at ki baat hai

ik haseen la-jawaab dekha hai raat ko aftaab dekha hai gora mukhda ye surkh gaal tire chaandni men gulaab dekha hai nargisi aankh zulf shab-rangi baadlon ka javaab dekha hai jhoomte jaam sa chhalakta badan ek jaam-e-sharaab dekha hai ham to mil kar na mil sake tum ko tum ko dekha ki KHvaab dekha hai

vo sitam-gar hai khayaalaat samajhne vaala mujh se pahle mire jazbaat samajhne vaala main ne rakha hai hamesha hi tabassum lab par ro diya kyun mire haalaat samajhne vaala jo na samjhe teri manzil vo yoonhi chaltaa raha ruk gaya tere maqaamaat samajhne vaala jo na samjhe vo banaate rahe laakhon baatein hua KHaamosh tiri baat samajhne vaala raaz-e-taqdeer pe kya raushni daalega koi KHud sawaali hai savaalaat samajhne vaala

kar loonga jama daulat-o-zar us ke baad kya le loonga shaandaar sa ghar us ke baad kya may ki talab jo hogii to ban jaaunga main rind kar loonga maykado ka safar us ke baad kya hogaa jo shauq husn se raaz-o-niyaaz ka kar loonga gesuon men sehar us ke baad kya she'r-o-sukhan ki khoob sajaaoonga mahfilein duniya men hogaa naam magar us ke baad kya mauj aayegi to saare jahaan ki karunga sair waapas wahin puraana nagar us ke baad kya ik roz maut zeest ka dar khatkhataayegi bujh jaayega charagh-e-qamar us ke baad kya u thii thii KHaak KHaak se mil jaayegi wahin phir us ke baad kis ko khabar us ke baad kya