vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

ab ke ham bichhde to shaayad kabhi KHvaabon men milen jis tarah sukhe hue phool kitaabon men milen Dhoondh ujde hue logon men vafaa ke motiye khazaane tujhe mumkin hai kharaabon men milen gham-e-duniya bhi gham-e-yaar men shaamil kar lo nasha badhta hai sharaaben jo sharaabon men milen tu KHuda hai na mira ishq farishton jaisa dono insaan hain to kyun itne hijaabo men milen aaj ham daar pe kheeche ga.e jin baaton par kya ajab kal vo zamaane ko nisaabon men milen ab na vo main na vo tu hai na vo maazi hai faraaz jaise do shaKHs tamannaa ke saraabo men milen

usoolon pe jahaan aanch aa.e takr aanaa zaroori hai jo zinda hon to phir zinda nazar aanaa zaroori hai nayi umron ki khudmukhtaariyon ko kaun samjh aa.e kahaan se bach ke chalna hai kahaan j aanaa zaroori hai thake haare parinde jab basere ke liye lautain saleeqamand shaakhon ka lachak j aanaa zaroori hai bahut bebaak aankhoñ men talluq tik nahin paata muhabbat men kashish rakhne ko sharm aanaa zaroori hai saleeqa hi nahin shaayad use mehsoos karne ka jo kahtaa hai KHuda hai to nazar aanaa zaroori hai mere honthon pe apni pyaas rakh do aur phir socho ki iske baad bhi duniya men kuchh p aanaa zaroori hai

usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge

shah se chupke qaidee ne shehzaa dii ko paigaam likha jang se bhaagne waalon men shehzaade ka bhi naam likha dooradraaz se aane waale khat meri hamsaahi ke the ik din usne himmat karke apna asli naam likha ham dono ne apne apne deen pe kaayam rahna tha ghar ki ik deewaar pe allah ik deewaar pe raam likha ek mohabbat khatm hui to doosri ki taiyaari ki nayi kahaanii ke aagaaz men pahli ka anjaam likha

hamaare saath koi mas'ala furaat ka hai wagarana ilm use apni mushkilaat ka hai mere hisaab se maazoori husn hai meraa agar ye aib hai to bhi KHuda ke haath ka hai ik aadhe kaam ke haq men to khair main bhi hoon tumhaare paas to daftar shifaarishaat ka hai hamaari baat ka jitna wasi'a pahluu hai zubaan pe laane men nuksaan kaaynaat ka hai ham uske hone na hone pe kitna lad rahe hain kisi ke vaaste yah khel nafsiyaat ka hai

kis tarah eimaan laaun khwaab ki taabeer par chipkali chadhte hue dekhi hai us tasveer par usne aisi kothri men qaid rakha tha ha men raushni aankhoñ pe padtii thii ya phir zanjeer par maayein beton se khafa hain aur bete maon se ishq ghalib aa gaya hai doodh ki taaseer par main unhin aabaadiyon men jee raha hota kahii tum agar hanste nahin us din meri taqdeer par

isee nadaamat se us ke kandhe jhuke hue hain ki ham chha dii ka sahaara lekar khade hue hain yahaañ se jaane ki jal dii kis ko hai tum batao ki sootkeson men kapde kis ne rakhe hue hain kara to loonga ilaqa khaali main lad-jhagad kar magar jo us ne dilon pe qabze ki.e hue hain vo KHud parindon ka daana lene gaya hua hai aur us ke bete shikaar karne ga.e hue hain tumhaare dil men khulii dukano se lag raha hai ye ghar yahaañ par bahut purane bane hue hain main kaise baawar karau'n jaakar ye raushni ko ki in charaaghon pe mere paise lage hue hain tumhaari duniya men kitna mushkil hai bach ke chalna qadam qadam par to aastaane bane hue hain tum in ko chaaho to chhod sakte ho raaste men ye log vaise bhi zindagi se kate hue hain

be-sabab us ke naam ki main ne kaat to li thii zindagi main ne vo mujhe KHvaab men nazar aaya aur tasveer kheench li main ne aap ka kaam ho gaya aqaa laash dariyaa men fenk dii main ne khel tu is li.e bhi haarega chaal chalni hai aakhiri main ne ek vo be-hijaab aur us par daal rakkhi thii raushni main ne