ye nazuk si mire andar ki ladki ajab jazbe ajab tevar ki ladki yunhi zakhmi nahin hain haath mere tarashi main ne ik patthar ki ladki khadi hai fikr ke azar-kade men burida-dast phir aazar ki ladki ana khoi to kudh kar mar gai vo badi hassas thi andar ki ladki sazavar-e-hunar mujh ko na thahra ye fan mera na main aazar ki ladki bikhar kar shisha shisha reza reza simat kar phuul se paikar ki ladki haveli ke makin to chahte the ki ghar hi men rahe ye ghar ki ladki ye nazuk si mere andar ki ladki ajab jazbe ajab tewar ki ladki yunhi zakhmi nahin hain hath mere tarashi main ne ek patthar ki ladki khadi hai fikr ke aazar-kade mein burida-dast phir aazar ki ladki ana khoi to kudh kar mar gai wo badi hassas thi andar ki ladki sazawar-e-hunar mujh ko na thahra ye fan mera na main aazar ki ladki bikhar kar shisha shisha reza reza simat kar phul se paikar ki ladki haweli ke makin to chahte the ki ghar hi mein rahe ye ghar ki ladki
Related Ghazal
kaii logon se behtar hañs raha hai agar tu apne u uupar hañs raha hai dashanan ke ahem ko todker ke bahut chhota sa bandar hañs raha hai mujhe koii nahin KHat bhejta ab meri chhat ka kabootar hañs raha hai muqaddar par ye mehnat hañs rahi hai ya mehnat par muqaddar hañs raha hai hazaaron gham hain uski zindagi men magar phir bhi sukhnavar hañs raha hai kaha maine ki duniya jeetni haina jaane kyuuñ sikandar hañs raha hai
Tanoj Dadhich
27 likes
umr guzregi imtihaan men kya daagh hi denge mujh ko daan men kya meri har baat be-asar hi rahi naqs hai kuchh mire bayaan men kya mujh ko to koi tokta bhi nahin yahii hota hai khaandaan men kya apni mahroomiyaan chhupaate hain ham ghareebon ki aan-baan men kya KHud ko jaana juda zamaane se aa gaya tha mire gumaan men kya shaam hi se dukaan-e-deed hai band nahin nuksaan tak dukaan men kya ai mire subh-o-shaam-e-dil ki shafaq tu nahaati hai ab bhi baan men kya bolte kyun nahin mire haq men aable pad ga.e zabaan men kya KHaamushi kah rahi hai kaan men kya aa raha hai mire gumaan men kya dil ki aate hain jis ko dhyaan bahut KHud bhi aata hai apne dhyaan men kya vo mile to ye poochna hai mujhe ab bhi hooñ main tiri amaan men kya yuñ jo takta hai aasmaan ko tu koi rehta hai aasmaan men kya hai naseem-e-bahaar gard-aalood KHaak udti hai us makaan men kya ye mujhe chain kyun nahin padta ek hi shaKHs tha jahaan men kya
Jaun Elia
61 likes
ik hunar hai jo kar gaya hooñ main sab ke dil se utar gaya hooñ main kaise apni hañsi ko zabt karoon sun raha hooñ ki ghar gaya hooñ main kya bataaun ki mar nahin paata jeete-ji jab se mar gaya hooñ main ab hai bas apna saamna dar-pesh har kisi se guzar gaya hooñ main vahii naaz-o-ada vahii ghamze sar-b-sar aap par gaya hooñ main ajab ilzaam hooñ zamaane ka ki yahaañ sab ke sar gaya hooñ main kabhi KHud tak pahunch nahin paaya jab ki waan umr bhar gaya hooñ main tum se jaanaan mila hooñ jis din se be-tarah KHud se dar gaya hooñ main koo-e-jaanaan men sog barpa hai ki achaanak sudhar gaya hooñ main
Jaun Elia
51 likes
ham ne kab chaaha ki vo shaKHs hamaara ho jaa.e itnaa dik jaa.e ki aankhoñ ka guzaara ho jaa.e ham jise paas bitha len vo bichhad jaata hai tum jise haath laga do vo tumhaara ho jaa.e tum ko lagta hai ki tum jeet ga.e ho mujh se hai yahii baat to phir khel dubara ho jaa.e hai mohabbat bhi ajab tarz-e-tijaarat ki yahaañ har dukaan-daar ye chahe ki khasaara ho jaa.e
Yasir Khan
92 likes
lamha dar lamha teri raah taka karti hai ek khidki teri aamad ki dua karti hai ek sofa hai jise teri zaroorat hai bahot ek kursi hai jo mayus raha karti hai salvaten cheeKHtii rahtii hain mire bistar par karvaton men hi mirii raat kata karti hai vaqt tham jaata hai ab raat guzarti hi nahin jaane deewaar ghadi raat men kya karti hai chaand khidki men jo aata tha nahin aata ab teergii chaaro taraf rak's kiya karti hai mire kamre men udaasi hai qayamat ki magar ek tasveer puraani si hansa karti hai
Abbas Qamar
27 likes
Similar Writers
Our suggestions based on Ishrat Afreen.
Similar Moods
More moods that pair well with Ishrat Afreen's ghazal.