paagal kaise ho jaate hain dekho aise ho jaate hain KHvaabon ka dhanda karti ho kitne paise ho jaate hain duniya sa hona mushkil hai tere jaise ho jaate hain mere kaam KHuda karta hai tere vaise ho jaate hain

aaiine aankh men chubhte the bistar se badan katraata tha ek yaad basar karti thii mujhe main saans nahin le paata tha ek shakhs ke haath men tha sab kuchh meraa khilna bhi murjhaana bhi rota tha to raat ujad jaati hansata tha to din ban jaata tha main rab se raabte men rehta mumkin hai ki us se raabta ho mujhe haath uthaana padte the tab jaakar vo phone uthaata tha mujhe aaj bhi yaad hai bachpan men kabhi us par nazar agar padti mere baste se phool barsate the meri takhti pe dil ban jaata tha ham ek zindaan men jinda the ham ek janjeer men badhe hue ek doosre ko dekh kar ham kabhi hansate the to rona aata tha vo jism nazarandaaz nahin ho paata tha in aankhoñ se mujrim thehrata tha apna kehne ko to ghar thehrata tha

safar men dhoop to hogii jo chal sako to chalo sabhi hain bheed men tum bhi nikal sako to chalo kisi ke vaaste raahen kahaan badalti hain tum apne aap ko KHud hi badal sako to chalo yahaañ kisi ko koi raasta nahin deta mujhe giraa ke agar tum sambhal sako to chalo kahii nahin koi suraj dhuaan dhuaan hai fazaa KHud apne aap se baahar nikal sako to chalo yahii hai zindagi kuchh KHvaab chand ummeedein inheen khilauno se tum bhi bahl sako to chalo

suna hai log use aankh bhar ke dekhte hain so us ke shahar men kuchh din thehar ke dekhte hain suna hai rabt hai us ko kharaab-haalon se so apne aap ko barbaad kar ke dekhte hain suna hai dard ki gaahak hai chashm-e-naaz us ki so ham bhi us ki gali se guzar ke dekhte hain suna hai us ko bhi hai she'r o shaayri se shagaf so ham bhi mo'jize apne hunar ke dekhte hain suna hai bole to baaton se phool jhadte hain ye baat hai to chalo baat kar ke dekhte hain suna hai raat use chaand takta rehta hai sitaare baam-e-falak se utar ke dekhte hain suna hai din ko use titliyan sataati hain suna hai raat ko jugnoo thehar ke dekhte hain suna hai hashr hain us ki ghazaal si aañkhen suna hai us ko hiran dasht bhar ke dekhte hain suna hai raat se badh kar hain kaakulen us ki suna hai shaam ko saa.e guzar ke dekhte hain suna hai us ki siyah-chashmagi qayamat hai so us ko surma-farosh aah bhar ke dekhte hain suna hai us ke labon se gulaab jalte hain so ham bahaar pe ilzaam dhar ke dekhte hain suna hai aaina timsaal hai jabeen us ki jo saada dil hain use ban-sanwar ke dekhte hain suna hai jab se hamaail hain us ki gardan men mizaaj aur hi laal o guhar ke dekhte hain suna hai chashm-e-tasavvur se dasht-e-imkaan men palang zaaviye us ki kamar ke dekhte hain suna hai us ke badan ki taraash aisi hai ki phool apni qabaayein katar ke dekhte hain vo sarv-qad hai magar be-gul-e-muraad nahin ki us shajar pe shagoofe samar ke dekhte hain bas ik nigaah se lutta hai qaafila dil ka so rah-ravaan-e-tamanna bhi dar ke dekhte hain suna hai us ke shabistaan se muttasil hai behisht makeen udhar ke bhi jalwe idhar ke dekhte hain ruke to gardishein us ka tawaaf karti hain chale to us ko zamaane thehar ke dekhte hain kise naseeb ki be-pairhan use dekhe kabhi kabhi dar o deewaar ghar ke dekhte hain kahaaniyaan hi sahi sab mubaalga hi sahi agar vo KHvaab hai taabeer kar ke dekhte hain ab us ke shahar men thehre ki kooch kar jaayen faraaz aao sitaare safar ke dekhte hain

dar-guzar jitna kiya hai vahii kaafi hai mujhe ab tujhe qatl bhi kar doon to muaafi hai mujhe mas'ala aise koi hal to na hogaa shaayad she'r kehna hi mire gham ki talaafi hai mujhe dafatan ik naye ehsaas ne chauka sa diya main to samjha tha ki har saans izafi hai mujhe main na kahtaa tha dawaayein nahin kaam aayengi jaanta tha tiri awaaz hi shaafi hai mujhe is se andaaza lagao ki main kis haal men hooñ gair ka dhyaan bhi ab va'da-khilaafi hai mujhe vo kahii saamne aa jaa.e to kya ho javvaad yaad hi us ki agar seena-shigaafi hai mujhe

meri parchaaiyaan gum hain meri pahchaan baqi hai safar dam todne ko hai magar samaan baqi hai abhii to khwahishon ke darmiyaañ ghamsaan baqi hai abhii is jism-e-faani men zaraa sii jaan baqi hai ise tareekiyo ne qaid kar rakkha hai barson se mere kamre men bas kehne ko raushandaan baqi hai tumhaara jhooth chehre se ayaan ho jaayega ik din tumhaare dil ke andar tha jo vo shaitaan baqi hai guzaari umr jiski bandagi men vo hai la-haasil ajab sarmaya-kaari hai nafaa'-nuqsaan baqi hai abhii zinda hai boodha baap ghar kii zindagi bankar faqat kamre juda hain beech men daalaan baqi hai ghazal zinda hai urdu ke adab-bardaar zinda hain hamaari tarbiyat men ab bhi hindostaan baqi hai

haalat-e-haal se begaana banaa rakha hai KHud ko maazi ka nihaan-khaana banaa rakha hai khof-e-dozakh ne hi ijaad kiya hai sajda dar ne insaan ko deewaana banaa rakha hai mimbar-e-ishq se taqreer ki KHvaahish hai ha men dil ko is vaaste maulaana banaa rakha hai maatam-e-shauq bapaa karte hain har shaam yahaañ jism ko ham ne azaan-khaana banaa rakha hai waqt-e-rukhsat hai mire chaahne waalon ne bhi ab saans ko vaqt ka paimaana banaa rakha hai jaante hain vo parinda hai nahin thehrega ham ne us dil ko magar daana banaa rakha hai

teri aagosh men sar rakkha sisak kar roye mere sapne meri aankhoñ se chhalk kar roye saari KHushiyon ko sare aam jhatak kar roye ham bhi bachchon kii tarah paanv patak kar roye raasta saaf tha manzil bhi bahut door na thii beech raste men magar paanv atak kar roye jis ghadi qatl hawaon ne charaaghon ka kiya mere hamraah jo jugnoo the phphak kar roye qeemati zid thii ghareebi bhi bhala kya karti maa ke jazbaat dulaaron ko thapak kar roye apne haalaat bayaañ karke jo roee dharti chaand taare kisi kone men dubak kar roye ba-mashakkat bhi mukammal na hui apni ghazal chand nukte mere kaaghaz se sarak kar roye

ham aise sar-fire duniya ko kab darkaar hote hain agar hote bhi hain be-intihaa dushwaar hote hain KHamoshii kah rahi hai ab ye do-aabaa ravaan hogaa hawa chup ho to baarish ke shadeed aasaar hote hain shikaayat zindagi se kyun karen ham KHud hi tham jaayen jo kam-raftaar hote hain vo kam-raftaar hote hain badan inko k abhii baahar nikalne hi nahin deta qamar-abbas to ba-qaaida taiyyaar hote hain

kyuuñ Dhoondh rahe ho koi mujhsa mere andar kuchh bhi na milega tumhein meraa mere andar gahvaara-e-ummeed sajaaye hue har roz so jaata hai maasoom sa bachcha mere andar baahar se tabassum ki qaba odhe hue hooñ darasl hain mahshar kaii barpa mere andar zebaaish-e-maazi men siyah-mast sa ik dil deta hai baghaavat ko badhaava mere andar sapnon ke ta'aqub men hai aazurda haqeeqat hota hai yahii roz tamasha mere andar main kitna akela hooñ tumhein kaise bataaun tanhaaii bhi ho jaati hai tanhaa mere andar andoh ki maujon ko in aankhoñ men padho to shaayad ye samajh paao hai kya kya mere andar