yahii apni kahaanii thii miyaan pahle bahut pahle woh ladki jaañ hamaari thii miyaan pahle bahut pahle vaham mujh...ko ye bhaata hai,अभी meri divaani hai magar meri divaani thii miyaan pahle bahut pahle raqeeb aakar bataate hain yahaañ til hai vahaañ til hai ha men ye jaankaari thii miyaan pahle bahut pahle adab se maang kar maafi bharii mehfil ye kahtaa hooñ vo ladki khaandaani thii miyaan pahle bahut pahle

chaand sitaare phool parinde shaam savera ek taraf saari duniya uskaa charba uskaa chehra ek taraf vo ladhkar bhi so jaa.e to uskaa maatha choomun main usse muhabbat ek taraf hai usse jhagda ek taraf jis shay par vo ungli rakh de us..ko vo dilwaani hai uski khushiyaan sab se awwal sasta mehnga ek taraf zaKHmon par marham lagwao lekin uske haathon se chaarasaazi ek taraf hai uskaa choona ek taraf saari duniya jo bhi bole sab kuchh shor sharaaba hai sab ka kehna ek taraf hai uskaa kehna ek taraf usne saari duniya maangi maine us..ko maanga hai uske sapne ek taraf hai meraa sapna ek taraf

ye gham kya dil ki aadat hai nahin to kisi se kuchh shikaayat hai nahin to hai vo ik khwaab-e-be taabeer isko bhula dene ki niyat hai nahin to kisi ke bin kisi ki yaad ke bin ji.e jaane ki himmat hai nahin to kisi soorat bhi dil lagta nahin haan to kuchh din se ye haalaat hai nahin to tujhe jisne kahi ka bhi nahin rakha vo ek jaati si vehshat hai nahin to tere is haal par hai sab ko hairat tujhe bhi is pe hairat hai nahin to ham-aahangi nahin duniya se teri tujhe is par nadaamat hai nahin to vo darveshi jo taj kar aa gaya...tu yah daulat us ki qeemat hai nahin to hua jo kuchh yahii maqsoom tha kya yahii saari hikaayat hai nahin to aziyat-naak ummeedon se tujhko aman paane ki hasrat hai nahin to tu rehta hai khayaal-o-khvaab men gam to is wajah se fursat hai nahin to wahaan waalon se hai itni mohabbat yahaan waalon se nafrat hai nahin to sabab jo is judaai ka banaa hai vo mujhse khubsoorat hai nahin to

usii jagah par jahaan kaii raaste milenge palat ke aa.e to sabse pahle tujhe milenge agar kabhi tere naam par jang ho gaii to ham aise buzdil bhi pahli saf men khade milenge tujhe ye sadken mere tavassut se jaanti hain tujhe hamesha ye sab ishaare khule milenge

teri mushkil na badaaunga chala jaaunga ashk aankhoñ men chhupaaunga chala jaaunga apni dahleez pe kuchh der pada rahne de jaise hi hosh men aaunga chala jaaunga KHvaab lene koi aa.e ki na aa.e koi main to awaaz lagaauñga chala jaaunga chand yaaden mujhe bacchon ki tarah pyaari hain unko seene se lagaauñga chala jaaunga muddaton baad main aaya hooñ purane ghar men KHud ko jee bhar ke rulaaunga chala jaaunga is jazeera men ziyaada nahin rahna ab to aajkal naav banaoonga chala jaaunga mausam-e-gul ki tarah laut ke aaunga hasan har taraf phool khilaaoonga chala jaaunga

meri parchaaiyaan gum hain meri pahchaan baqi hai safar dam todne ko hai magar samaan baqi hai abhii to khwahishon ke darmiyaañ ghamsaan baqi hai abhii is jism-e-faani men zaraa sii jaan baqi hai ise tareekiyo ne qaid kar rakkha hai barson se mere kamre men bas kehne ko raushandaan baqi hai tumhaara jhooth chehre se ayaan ho jaayega ik din tumhaare dil ke andar tha jo vo shaitaan baqi hai guzaari umr jiski bandagi men vo hai la-haasil ajab sarmaya-kaari hai nafaa'-nuqsaan baqi hai abhii zinda hai boodha baap ghar kii zindagi bankar faqat kamre juda hain beech men daalaan baqi hai ghazal zinda hai urdu ke adab-bardaar zinda hain hamaari tarbiyat men ab bhi hindostaan baqi hai

haalat-e-haal se begaana banaa rakha hai KHud ko maazi ka nihaan-khaana banaa rakha hai khof-e-dozakh ne hi ijaad kiya hai sajda dar ne insaan ko deewaana banaa rakha hai mimbar-e-ishq se taqreer ki KHvaahish hai ha men dil ko is vaaste maulaana banaa rakha hai maatam-e-shauq bapaa karte hain har shaam yahaañ jism ko ham ne azaan-khaana banaa rakha hai waqt-e-rukhsat hai mire chaahne waalon ne bhi ab saans ko vaqt ka paimaana banaa rakha hai jaante hain vo parinda hai nahin thehrega ham ne us dil ko magar daana banaa rakha hai

ashkon ko arzoo-e-rihaai hai roiyie aankhoñ ki ab isee men bhalaai hai roiyie rona ilaaj-e-zulmat-e-duniya nahin to kya kam-az-kam ehtijaaj-e-khudaa hai roiyie tasleem kar liya hai jo KHud ko charaagh-e-haq duniya qadam qadam pe sabaai hai roiyie KHush hain to phir musaafir-e-duniya nahin hain aap is dasht men bas aablaa-paai hai roiyie ham hain aseer-e-zabt ijaazat nahin ha men ro pa rahe hain aap badhaai hai roiyie

uski peshaani pe jo bal aa.e do-jahan men uthal-puthal aa.e khwaab ka bojh itnaa bhari tha neend palkon pe ham kuchal aa.e is qadar jazb ho ga.e dono dard khenchoon to dil nikal aa.e rooh ka nangaapan chhipaane ko jism kapde badal badal aa.e jispe har cheez taal rakkhi hai jaane kis roz meraa kal aa.e gulmohar ki talash thii mujh...ko mere hisse magar kanwal aa.e

teri aagosh men sar rakkha sisak kar roye mere sapne meri aankhoñ se chhalk kar roye saari KHushiyon ko sare aam jhatak kar roye ham bhi bachchon kii tarah paanv patak kar roye raasta saaf tha manzil bhi bahut door na thii beech raste men magar paanv atak kar roye jis ghadi qatl hawaon ne charaaghon ka kiya mere hamraah jo jugnoo the phphak kar roye qeemati zid thii ghareebi bhi bhala kya karti maa ke jazbaat dulaaron ko thapak kar roye apne haalaat bayaañ karke jo roee dharti chaand taare kisi kone men dubak kar roye ba-mashakkat bhi mukammal na hui apni ghazal chand nukte mere kaaghaz se sarak kar roye