ab mere saath nahin hai samjhe naasamjhaane kii baat nahin hai samjhe naa tum maangoge aur tumhein mil jaayega pyaar hai ye khairaat nahin hai samjhe naa main baadal hooñ jis par chaahoon barsoonga meri koii zaat nahin hai samjhe naa apna khaali haath mujhe mat dikhlaao is men meraa haath nahin hai samjhe naa

KHaamosh lab hain jhuki hain palken dilon men ulfat nayi nayi hai abhii taqalluf hai guftagoo men abhii mohabbat nayi nayi hai abhii na aayengi neend tumko abhii na hamko sukoon milega abhii to dhadakega dil ziyaada abhii muhabbat nayi nayi hai bahaar ka aaj pehla din hai chalo chaman men tahal ke aayen fazaa men KHushboo nayi nayi hai gulon men rangat nayi nayi hai jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai zaraa sa qudrat ne kya nawaaza ke aake baithe ho pahli saf men abhii kyuuñ udne lage hawa men abhii to shohrat nayi nayi hai bamon ki barsaat ho rahi hai purane jaanbaaz so rahe hain ghulaam duniya ko kar raha hai vo jiski taqat nayi nayi hai

jo bhi izzat ke dar se dar jaa.e mat kare ishq apne ghar jaa.e baat aa jaa.e jab duao par isse behtar hai banda mar jaa.e thodii si aur der saamne rah meri aankhoñ ka pet bhar jaa.e al muhaimin ke ghar bhi khatre hai jaa.e bhi to koi kidhar jaa.e haan aqeeda agar na kaid rakhe phir to insaan kuchh bhi kar jaa.e bebaasi ki ye aakhiri had hai meri aulaad aap par jaa.e uske chehre par aaj udaasi thii haay afkaar alvee mar jaa.e

is se pahle ki tujhe aur sahaara na mile main tire saath hooñ jab tak mire jaisa na mile kam se kam badle men jannat use de dii jaaye jis mohabbat ke girftaar ko sehraa na mile log kahte hai ke ham log bure aadmi hai log bhi aise jinhone ha men dekha na mile bas yahii kah ke use maine KHuda ko saunpa ittefaakan kahii mil jaaye to rota na mile baddua hai ke vahaañ aaye jahaan baithe the aur afkaar vahaañ aapko baitha na mile

sabne dil se use utaara tha vo mari kab thii us..ko maara tha pairo'n men girke jeeta tha jis..ko us..ko paane men KHudko haara tha tere mere men bat gaya sabkuchh ek taaim tha sab hamaara tha uski yaadon men dil jale hai ab jiska chehra nahin gawara tha maine vo khoya jo meraa nahin tha tumne vo khoya jo tumhaara tha jeet sakaa tha usse main kaatib par bade hausale se haara tha

jahal ko aagahi banaate hue mil gaya raushni banaate hue kya qayamat kisi pe guzregi aakhiri aadmi banaate hue kya hua tha zaraa pata to chale vaqt kya tha ghadi banaate hue kaise kaise banaa diye chehre apni be-chehergi banaate hue dasht ki wusaaten badhaati theen meri aawaargi banaate hue us ne naasoor kar liya hogaa zakham ko shaayeri banaate hue

yoonhi be-baal-o-par khade hue hain ham qafas tod kar khade hue hain dasht guzra hai mere kamre se aur deewar-o-dar khade hue hain KHud hi jaane lage the aur KHud hi raasta rok kar khade hue hain aur kitnii ghumaoge duniya ham to sar thaam kar khade hue hain barguzeeda buzurg neem ke ped thak ga.e hain magar khade hue hain muddaton se hazaar-ha aalam ek ummeed par khade hue hain

teergii taq men ja dii hui hai dhoop dahleez par pa dii hui hai dil pe naakaamiyon ke hain paivand aas ki soi bhi ga dii hui hai mere jaisi hai meri parchhaaien dhoop men pal ke ye ba dii hui hai gher rakha hai na-rasaai ne aur KHvaahish wahin kha dii hui hai main ne tasveer fenk dii hai magar keel deewaar men ga dii hui hai haarta bhi nahin gham-e-dauraan zid pe ummeed bhi a dii hui hai dil kisi ke khayal men hai gum raat ko KHvaab ki pa dii hui hai

martaba tha makaam tha meraa roshni par kayaam tha meraa main hi bheja gaya tha pahle bhi tab koi aur naam tha meraa aakhiri waqt aankh khul gaii thii varna kissa tamaam tha meraa

mujh se banta hua tu tujh ko banata hua main geet hota hua tu geet sunaata hua main ek kooze ke tasavvur se jude ham dono naqsh deta hua tu chaak ghumaata hua main tum banaao kisi tasveer men koi rastaa main banata hooñ kahii door se aata hua main ek tasveer ki takmeel ke ham do pahluu rang bharta hua tu rang banata hua main mujh ko le jaa.e kahii door bahaati hui tu tujh ko le jaaun kahii door udaata hua main ik ibaarat hai jo tahreer nahin ho paai mujh ko likhta hua tu tujh ko mitaata hua main mire seene men kahii KHud ko chhupata hua tu tere seene se tira dard churaata hua main kaanch ka ho ke mire aage bikharta hua tu kirchiyon ko tiri palkon se uthaata hua main