haath khaali hain tire shahar se jaate jaate jaan hoti to mirii jaan lutate jaate ab to har haath ka patthar ha men pahchaanta hai umr guzri hai tire shahar men aate jaate ab ke mayus hua yaaron ko ruksat kar ke ja rahe the to koi zakham lagaate jaate renagne ki bhi ijaazat nahin ham ko warna ham jidhar jaate naye phool khilaate jaate main to jalte hue seharaaon ka ik patthar tha tum to dariyaa the mirii pyaas bujhaate jaate mujh ko rone ka saleeqa bhi nahin hai shaayad log hanste hain mujhe dekh ke aate jaate ham se pahle bhi musaafir kaii guzre honge kam se kam raah ke patthar to hataate jaate

kisi libaas ki khushboo jab ud ke aati hai tere badan ki judaai bahut sataati hai tere gulaab tarsate hain teri khushboo ko teri safed chameli tujhe bulaati hai tere baghair mujhe chain kaise padta hain mere bagair tujhe neend kaise aati hai

pooch lete vo bas mizaaj mira kitna aasaan tha ilaaj mira chaara-gar ki nazar bataati hai haal achha nahin hai aaj mira main to rehta hooñ dasht men masroof qais karta hai kaam-kaaj mira koi kaasa madad ko bhej allah mere bas men nahin hai taaj mira main mohabbat ki baadshaahat hooñ mujh pe chaltaa nahin hai raaj mira

kya ghalatfahmi men rah jaane ka sadma kuchh nahin vo mujhe samjha to saka tha ki aisa kuchh nahin ishq se bach kar bhi banda kuchh nahin hota magar ye bhi sach hai ishq men bande ka bachta kuchh nahin jaane kaise raaz seene men li.e baitha hai vo zahr kha leta hai par munh se ugalta kuchh nahin shukr hai ki usne mujhse kah diya ki kuchh to hai main usse kehne hi vaala tha ki achha kuchh nahin

vo be-vafa hai to kya mat kaho bura us ko ki jo hua so hua khush rakhe khudaa us ko nazar na aa.e to us kii talash men rahna kahiiñ mile to palat kar na dekhna us ko vo saada-khuu tha zamaane ke kham samajhta kya hawa ke saath chala le udii hawa us ko vo apne baare men kitna hai khush-gumaañ dekho jab us ko main bhi na dekhooñ to dekhna us ko abhii se jaana bhi kya us kii kam-khayaalii par abhii to aur bahut hogaa sochna us ko use ye dhun ki mujhe kam se kam udaas rakhe mirii du'aa ki khudaa de ye hausla us ko panaah dhoondh rahi hai shab-e-giraftaa-dil koii batao mire ghar ka raasta us ko ghazal men tazkira us ka na kar naseer ki ab bhula chuka vo tujhe tu bhi bhool ja us ko

tere baare men jab socha nahin tha main tanhaa tha magar itnaa nahin tha teri tasveer se karta tha baatein mere kamre men aaina nahin tha samundar ne mujhe pyaasa hi rakkha main jab sehra men tha pyaasa nahin tha manaane roothne ke khel men ham bichhad jaayenge ye socha nahin tha suna hai band kar leen usne aañkhen kaii raaton se vo soya nahin tha

kisi ki marzi ko apni qismat banaa chuke hain ham apne haathon ki sab lakeeren mita chuke hain chalo samandar ki wusaaton men sukoon dhundhe ki sahilon par bahut gharonde banaa chuke hain unhin chhato se hamaare aangan men maut barsi vahii chaten jin se ham patange uda chuke hain

zindagi dii hai to jeene ka hunar bhi dena paanv bakhshen hain to taufeeq-e-safar bhi dena guftugoo tu ne sikhaai hai ki main goonga tha ab main boloonunga to baaton men asar bhi dena main to is khaana-badoshi men bhi KHush hooñ lekin agli naslein to na bhatkein unhen ghar bhi dena zulm aur sabr ka ye khel mukammal ho jaayeus ko khanjar jo diya hai mujhe sar bhi dena