bahut KHoob-soorat ho tum bahut KHoob-soorat ho tum kabhi main jo kah doon mohabbat hai tum se to mujh ko khuda raa galat mat samajhna ki meri zaroorat ho tum bahut KHoob-soorat ho tum hain phoolon ki daali pe baanhe tumhaari hain KHaamosh jaadu nigaahen tumhaari jo kaañte hooñ sab apne daaman men rakh luun sajaun main kaliyon se raahen tumhaari nazar se zamaane ki KHud ko bachaana kisi aur se dekho dil mat lagana ki meri amaanat ho tum bahut KHoob-soorat ho tum kabhi jugnuon ki qataaron men dhoondha chamakte hue chaand-taaron men dhoondha khajaon men dhoondha bahaaron men dhoondha machalte hue aabsaaron men dhoondha haqeeqat men dekha fansaane men dekhana tum sa hañsi is zamaane dekhana duniya ki rangeen mehfil men paaya jo paaya tumhein apna hi dil men paaya ek aisi masarrat ho tum bahut KHoob-soorat ho tum hai chehra tumhaara ki din hai sunhara hai chehra tumhaara ki din hai sunhara aur is par ye kaali ghataon ka pahra gulaabon se naazuk mahakta badan hai ye lab hain tumhaare ki khilta chaman hai bikhero jo zulfen to sharmaae baadal farishte bhi dekhen to ho jaayen paagal vo paakizaa moorat ho tum bahut KHoob-soorat ho tum jo ban ke kali muskuraati hai akshar shab hijr men jo rulaati hai akshar jo lamhon hi lamhon men duniya badal de jo sha'ir ko de jaa.e pahluu ghazal ke chhupaana jo chahein chhupaai na jaa.e bhulaana jo chahein bhulaai na jaa.e vo pahli mohabbat ho tum bahut KHoob-soorat ho tum bahut KHoob-soorat ho tum bahut KHoob-soorat ho tum bahut KHoob-soorat ho tum

paani kaun pakad saka hai jab vo is duniya ke shor aur KHamoshii se qat'atalluq hokar english men gussa karti hai main to dar jaata hooñ lekin kamre ki deewarein hansne lagti hain vo ik aisi aag hai jise sirf dahakne se matlab hai vo ik aisa phool hai jispar apni khushboo bojh banii hai vo ik aisa khwaab hai jis..ko dekhne vaala KHud mushkil men pad saka hai us..ko choone ki khwaish to theek hai lekin paani kaun pakad saka hai vo rangon se waakif hai balki har ik rang ke shajre tak se waakif hai us..ko ilm hai kin khaabo se aañkhen neeli padh sakti hain hamne jinko nafrat se mansoob kiya vo un peele phoolon ki izzat karti hai kabhi-kabhi vo apne haath men pencil lekar aisi sataren kheenchti hai sab kuchh seedha ho jaata hai vo chahe to har ik cheez ko uske asl men la sakti hai sirf usike haathon se saari duniya tarteeb men aa sakti hai har patthar us paanv se takraane ki khwaish men jinda hai lekin ye to isee adhoorepan ka jahaan hai har pinjare men aise qai dii kab hote hain har kapde ki kismat men vo jism kahaan hai meri be-maqsad baaton se tang bhi aa jaati hai to mehsoos nahin hone deti lekin apne hone se ukta jaati hai us..ko waqt ki paaban dii se kya matlab hai vo to band gha dii bhi haath men baandh ke college aa jaati hai

jab vo is duniya ke shor aur khaamoshi se kata taalluq hokar english men gussa karti hai main to dar jaata hooñ lekin kamre ki deewarein hansne lagti hain vo ik aisi aag hai jis..ko sirf dahakne se matlab hai vo ek aisa KHvaab hai jis..ko dekhne vaala KHud mushkil men pad saka hai us..ko choone ki KHvaahish to theek hai lekin paani kaun pakad saka hai vo rangon se waqif hai balki har ek rang ke shajre tak se waqif hai hamne jin phoolon ko nafrat se mansoob kiya vo un peele phoolon ki izzat karti hai kabhi kabhi vo apne haath men pencil lekar aisi sataren khenchti hai sabkuchh seedha ho jaata hai vo chahe to har ik cheez ko uske asl men la sakti hai sirf usii ke haathon se duniya tarteeb men aa sakti hai har patthar us paanv se takraane ki KHvaahish men zinda lekin ye to isee adhoorepan ka jahaan hain har pinjare men aise qaidee kab hote hain har kapde ki qismat men vo jism kahaan hain meri be-maqsad baaton se tang bhi aa jaati hai to mehsoos nahin hone deti lekin apne hone se ukta jaati hai us..ko vaqt ki paaban dii se kya matlab hai vo to band gha dii bhi haath men baandh ke kaalej aa jaati hai

KHuda naaraz kamaal hai kamaal hai mazhab ki baat par kyun uth rahe sawaal hai behaal hai behaal hai sab makdiyon ke jaal hai duniya men rahna bhi ab bahut badaa janjaal hai bawaal hai bawaal hai guzar rahi jo zindagi yah din hai ya koi saal hai mujhe aaj ki fikr to hai mujhe kal ka bhi khayal hai naqaab hai naqaab hai har chehre par naqaab hai jo shaKHs ki yah zaat hai woh saanp ka bhi baap hai jo do-rukha kirdaar hai ghazab hai be-misaal hai dalaal hai dalaal hai sab soch ke dalaal hai gunaah bhi uskaa maaf hai sab paise ki yah chaal hai kya kaal hai kya kaal hai KHuda bhi jo naaraz hai ibaadaton men mil rahe jaldabaazi ke a'amal hai KHud sochna ab to tu zaraa mazhab ki baat par kyun uth rahe sawaal hai kamaal hai kamaal hai

meraa rang ud raha hai mere baal jhad rahe hain meraa rang ud raha hai mere baal jhad rahe hain mere pech khul chuke hain mere KHam bigad rahe hain kahii chupke chupke chupke meri baat chal rahi hai kahii kuchh aziz mere mere paav pad rahe hain meraa kaam kar chuka hai meraa KHvaab mar chuka hai meri khushk khushk aankhoñ men saraab gad rahe hain meri pasliyaan chatk kar mere munh ko aa gaii hain gham-e-tishnagi ke maare mere daant jhad rahe hain meri aasteen fati hai mujhe chot lag rahi hai meri dhajjiyaan udri hain mere taar udhad rahe hain mere KHoon ki safe dii tumhein kya bataa rahi hai ye mujhe jata rahi hai mere za KHam sad rahe hain mere sar pe chadh ke ab tak vahii khauf naachta hai ki tu kab ka ja chuka hai ki tu kab ka ja chuka hai

saathiyo main ne barson tumhaare li.e chaand taaron bahaaron ke sapne bune husn aur ishq ke geet gaata raha aarzooon ke aivaan sajaata raha main tumhaara mughanni tumhaare li.e jab bhi aaya naye geet laata raha aaj lekin mire daaman-e-chaak men gard-e-raah-e-safar ke siva kuchh nahin mire barbat ke seene men nagmon ka dam ghut gaya taanein cheekh'on ke ambaar men dab gaii hain aur geeton ke sur hichakiyaañ ban ga.e hain main tumhaara mughanni hooñ naghma nahin hooñ aur nag men ki takhleeq ka saaz-o-samaan saathiyo aaj tum ne bhasm kar diya hai aur main apna toota hua saaz thaa men sard laashon ke ambaar ko tak raha hooñ mire chaaron taraf maut ki vahshatein naachti hain aur insaan ki haiwaaniyat jaag uthi hai barbariyat ke khun-khaar ifreet apne naapaak jabdon ko khole KHoon pee pee ke gurra rahe hain bacche maon ki godon men sah men hue hain ismatein sar-barhana pareshaan hain har taraf shor-e-aah-o-buka hai aur main is tabaahi ke toofaan men aag aur khun ke haijaan men sar-nigoon aur shikasta makaanon ke malbe se pur raaston par apne nagmon ki jholi pasaare dar-b-dar phir raha hooñ mujh ko amn aur tahzeeb ki bheek do mire geeton ki lay meraa sur meri nay mire majrooh honton ko phir saunp do saathiyo main ne barson tumhaare li.e inqilaab aur baghaavat ke nag men alaape ajnabi raaj ke zulm ki chaanv men sarfaroshi ke khwaabida jazbe ubhaare aur us subh ki raah dekhi jis men is mulk ki rooh azaad ho aaj zanjeer-e-mehkoomiyat kat chuki hai aur is mulk ke bahr-o-bar baam-o-dar ajnabi qaum ke zulmat-afshan farere ki manhoos chaanv se azaad hain khet sona ugalne ko bechain hain vaadiyaan lahlahaane ko betaab hain kohsaaron ke seene men haijaan hai sang aur khisht be-khwab wa bedaar hain un ki aankhoñ men taameer ke KHvaab hain un ke KHvaabon ko takmeel ka roop do mulk ki vaadiyaan ghaatiyan khetiyan auratein bacchiyan haath phailaaye khairaat ki muntazir hain in ko amn aur tahzeeb ki bheek do maon ko un ke honton ki shaadaabiyan nanhe bacchon ko un ki khushi bakhsh do mulk ki rooh ko zindagi bakhsh do mujh ko meraa hunar meri lay bakhsh do aaj saari fazaa hai bhikaari aur main is bhikaari fazaa men apne nagmon ki jholi pasaare dar-b-dar phir raha hooñ mujh ko phir meraa khoya hua saaz do main tumhaara mughanni tumhaare li.e jab bhi aaya naye geet laata rahoonga

ye kooche ye neelaamghar dilkashi ke ye lutte hue kaarvaan zindagi ke kahaan hain kahaan hai muhafiz khu dii ke jinhen naaz hai hind par vo kahaan hain ye purpeech galiyaan ye badnaam bazaar ye gumnaam raahi ye sikko ki jhankaar ye ismat ke saude ye saudo'n pe takraar jinhen naaz hai hind par vo kahaan hain ye sadiyon se bekhwaab sahmi si galiyaan ye masli hui adhkhili zard kaliyaan ye bikti hui khokhli rang-ralliyaan jinhen naaz hai hind par vo kahaan hain vo ujle dareechon men paayal ki chhan-chhan thaki-haari saanson pe table ki dhan-dhan ye berooh kamron men khansi ki than-than jinhen naaz hai hind par vo kahaan hain ye phoolon ke gajre ye peeko'n ke chheente ye bebaak nazren ye gustaakh fikre ye dhalke badan aur ye beemaar chehre jinhen naaz hai hind par vo kahaan hain yahaan peer bhi aa chuke hain jawaan bhi tanomand bete bhi abbaa miyaan bhi ye biwi bhi hai aur behn bhi hai maa bhi jinhen naaz hai hind par vo kahaan hain madad chahti hai ye hawwa ki beti yashoda ki hamjins radha ki beti payambar ki ummat zulaykhaan ki beti jinhen naaz hai hind par vo kahaan hain zara mulk ke rahbaro'n ko bulao ye kuche ye galiyaan ye manzar dikhaao jinhen naaz hai hind par unko laao jinhen naaz hai hind par vo kahaan hain

Wo subah kabhi to aaegi

taaj tere li.e ik mazhar-e-ulfat hi sahi tujh ko is waadi-e-rangeen se aqeedat hi sahi meri mahboob kahii aur mila kar mujh se bazm-e-shaahi men ghareebon ka guzar kya ma'ni sabt jis raah men hon satwat-e-shaahi ke nishaanus pe ulfat bharii roohon ka safar kya ma'ni meri mahboob pas-e-parda-e-tash'heer-e-wafa tu ne satvat ke nishaanon ko to dekha hota murda-shaahon ke maqaabir se bahlne waali apne tareek makaanon ko to dekha hota an-ginat logon ne duniya men mohabbat ki hai kaun kahtaa hai ki saadiq na the jazbe un ke lekin un ke li.e tashheer ka samaan nahin kyunki vo log bhi apni hi tarah muflis the ye imaaraat o maqaabir ye faseelen ye hisaar mutlaq-ul-hukm shahenshaahon ki azmat ke sutoon seena-e-dehr ke naasoor hain kohna naasoor jazb hai un men tire aur mire ajdaad ka khun meri mahboob unhen bhi to mohabbat hogii jin ki sannaai ne bakshi hai use shakl-e-jameel un ke pyaaron ke maqaabir rahe benaam-o-numood aaj tak un pe jalaaii na kisi ne qindeel ye chaman-zaar ye jamuna ka kinaara ye mahal ye munqash dar o deewaar ye mehraab ye taq ik shahenshah ne daulat ka sahaara le kar ham ghareebon ki mohabbat ka udaaya hai mazaak meri mahboob kahii aur mila kar mujh se

mire KHvaabon ke jharokon ko sajaane waali tere KHvaabon men kahii miraa guzar hai ki nahin pooch kar apni nigaahon se bataa de mujh ko mirii raaton ke muqaddar men sehar hai ki nahin chaar din ki ye rifaqat jo rifaqat bhi nahin umr bhar ke li.e aazaar hui jaati hai zindagi yoon to hamesha se pareshaan si thii ab to har saans giran-baar hui jaati hai mirii ujadi hui neendon ke shabistaanon men tu kisi KHvaab ke paikar ki tarah aayi hai kabhi apni si kabhi gair nazar aayi hai kabhi ikhlaas ki moorat kabhi harjaai hai pyaar par bas to nahin hai miraa lekin phir bhi tu bataa de ki tujhe pyaar karoon ya na karoon tu ne KHud apne tabassum se jagaaya hai jinhen un tamannaon ka izhaar karoon ya na karoon tu kisi aur ke daaman ki kali hai lekin mirii raatein tiri khushboo se basi rahtii hain tu kahii bhi ho tire phool se aariz ki qasam teri palken mirii aankhoñ pe jhuki rahtii hain tere haathon ki hararat tire saanson ki mahak tairti rahtii hai ehsaas ki pahnaai men dhoondhti rahtii hain takh'eel ki baanhen tujh ko sard raaton ki sulagti hui tanhaaii men teraa altaf-o karam ek haqeeqat hai magar ye haqeeqat bhi haqeeqat men fasana hi na ho teri maanoos nigaahon ka ye mohtaath payaam dil ke khun karne ka ek aur bahaana hi na ho kaun jaane mire imroz ka farda kya hai qurbaten badh ke pashemaan bhi ho jaati hain dil ke daaman se liptati hui rangeen nazrein dekhte dekhte anjaan bhi ho jaati hain mirii darmaanda jawaani ki tamannaon ke muzmahil KHvaab ki taabeer bataa de mujh ko miraa haasil mirii taqdeer bataa de mujh ko