tumhaara phone aaya hai ajab si oob shaamil ho gayi hai roz jeene men palon ko din men din ko kaat kar jeena maheene men mahj maayusiyaan jagti hain ab kaisi bhi aahat par hazaaron uljhnon ke ghonsle latke hain chaukhat par achaanak sab ki sab ye chuppiyaan ik saath pighli hain ummeedein sab simat kar haath ban jaane ko machli hain mere kamre ke sannaate ne angadaai si to dii hai meri KHaamoshiyon ne ek naghma gungunaaya hai tumhaara phone aaya hai tumhaara phone aaya hai sati ka chaitra dik jaa.e jaise roop-baari men ki jaise chhath ke mauke par jagah mil jaa.e gaa dii men meri awaaz se jaage tumhaare baam-o-dar jaise ye namumkin si hasrat hai khyaali hai magar jaise ba dii naakaamiyon ke baad himmat ki lehar jaise ba dii bechainiyon ke baad raahat ka pahar jaise ba dii gumnaamiyon ke baad shohrat ki mehr jaise subah aur shaam ko saadhe hue ik dopahar jaise bade unwaan ko baandhe hue chhoti bahar jaise nayi dulhan ke sharmate hue shaam-o-sehar jaise hatheli par rachi mehn dii achaanak muskuraai hai meri aankhoñ men aañsu ka sitaara jagmagaya hai tumhaara phone aaya hai tumhaara phone aaya hai

bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

mujh se pahli si mohabbat mirii mahboob na maang mujh se pahli si mohabbat mirii mahboob na maang main ne samjha tha ki tu hai to darkhshan hai hayaat teraa gham hai to gham-e-dehr ka jhagda kya hai teri soorat se hai aalam men bahaaron ko sabaat teri aankhoñ ke siva duniya men rakha kya hai tu jo mil jaa.e to taqdeer nigoon ho jaa.e yuñ na tha main ne faqat chaaha tha yuñ ho jaa.e aur bhi dukh hain zamaane men mohabbat ke siva raahatein aur bhi hain vasl ki raahat ke siva an-ginat sadiyon ke tareek bheemaana tilism resham o atlas o kamkhaab men bunwaaye hue jaa-ba-jaa bikte hue koocha-o-baazaar men jism KHaak men luthde hue KHoon men nahlaaye hue jism nikle hue amraaz ke tannooron se peep bahti hui galte hue naasooron se laut jaati hai udhar ko bhi nazar kya kijeye ab bhi dilkash hai tira husn magar kya kijeye aur bhi dukh hain zamaane men mohabbat ke siva raahatein aur bhi hain vasl ki raahat ke siva mujh se pahli si mohabbat mirii mahboob na maang

tumhein ik baat kahni thii ijaazat ho to kah doon main ye bheega bheega sa mausam ye titli phool aur shabnam chamakte chaand ki baatein ye boonden aur barsaatein ye kaali raat ka aanchal hawa men naachte baadal dhadakte mausamon ka dil mehkati khushbuon ka dil ye sab jitne nazaare hain kaho kis ke ishaare hain s abhii baatein sooni tum ne phir aañkhen fer leen tum ne main tab ja kar kahii samjha ki tum ne kuchh nahin samjha main qissa mukhtasar kar ke zaraa neechi nazar kar ke ye kahtaa hooñ abhii tum se mohabbat ho gaii tum se

mere zakhm nahin bharte yaaron mere naakhun badhte jaate hain main tanhaa ped hoon jungle ka mere patte jhadte jaate hain main kaun hoon kya hoon kab ki hoon ek teri kab hoon sabki hoon main koel hoon shehraao ki mujhe taab nahin hai chaanv ki ek daldal hai tere vaadon ki mere pair ukhadte jaate hain mere zakhm nahin bharte yaaro mere naakhun badhte jaate hain main kis bacche ki gudiya thii main kis pinjare ki chidiya thii mere khelne waale kahaan ga.e mujhe choomne waale kahaan ga.e mere jhumke girvi mat rakhna mere kangan tod na dena main banjar hoti jaati hoon kahii dariyaa mod na dena kabhi milnaa is par sochenge ham kya manzil par pahunchenge raaston men hi ladte jaate hain mere zakhm nahin bharte yaaron mere naakhun badhte jaate hain

"Mera shahr" shahar meraa udaas ganga sa koi bhi aa.e aur apne paap kho ke jaata hai dhoke jaata hai aag ka khel khelne waale ye nahin jaante ki paani ka aag se bair hai hamesha ka aag kitnii hi khaufnaak sahius ki lapton ki umr thodii hai aur ganga ke saaf paani ko aaj bahna hai kal bhi bahna hai jaane kis kis ka dard sahna hai shahar meraa udaas ganga sa

"Khilauna" der se ek na-samajh bachcha ik khilaune ke toot jaane par is tarah se udaas baitha hai jaise mayyat qareeb rakkhi ho aur marne ke baa'd har har baat marne waale ki yaad aati ho jaane kya kya zaraa tavakkuf se soch leta hai aur rota hai lekin itni khabar kahaan us ko zindagi ke ajeeb haathon men ye bhi miTTi ka ik khilauna hai

"Deevane ki jannat" meraa ye KHvaab ki tum mere qareeb aayi ho apne saa.e se jhijhakti hui ghabraati hui apne ehsaas ki tahreek pe sharmaati hui apne qadmon ki bhi awaaz se katraati hui apni saanson ke mehakte hue andaaz li.e apni khaamoshi men gehnaaye hue raaz li.e apne honton pe ik anjaam ka aaghaaz li.e dil ki dhadkan ko bahut rokti samjhaati hui apni paayal ki ghazal-khwaani pe jhallaati hui narm shaanon pe jawaani ka naya baar li.e shokh aankhoñ men hijaabaat se inkaar li.e tez nabzon men mulaqaat ke aasaar li.e kaale baalon se bikhrti hui champa ki mahak surkh aariz pe damakte hue shaalon ki chamak neechi nazaron men samaai hui khuddaar jhijak nuqraai jism pe vo chaand ki kirnon ki fuwaar chaandni raat men bujhta hua palkon ka sitaar fart-e-jazbaat se mahki hui saanson ki qataar door maazi ki bad-anjaam rivaayat li.e neechi nazrein vahii ehsaas-e-mulaqaat li.e vahii maahol vahii taaron bharii raat li.e aaj tum aayi ho dohraati hui maazi ko meraa ye KHvaab ki tum mere qareeb aayi ho kaash ik KHvaab rahe talkh haqeeqat na bane ye mulaqaat bhi deewane ki jannat na bane

main tum se chhoot raha hooñ mire pyaaro magar mira rishta pukhta ho raha hai is zameen se jis ki god men samaane ke li.e main ne poori zindagi rehearsal ki hai kabhi kuchh kho kar kabhi kuchh pa kar kabhi hañs kar kabhi ro kar pahle din se mujhe apni manzil ka pata tha isee li.e main kabhi zor se nahin chala aur jinhen zor se chalte dekha taras khaaya un ki haalat par is li.e ki vo jaante hi na the ki vo kya kar rahe hain

"Adnaa sa baasi" kal bhi meri pyaas pe dariyaa hanste the aaj bhi mere dard ka darmaan koi nahin main is dharti ka adnaa sa baasi hooñ sach poochho to mujh sa pareshaan koi nahin kaise kaise KHvaab bune the aankhoñ ne aaj bhi un KHvaabon sa arzaan koi nahin kal bhi mere zakham bhunaaye jaate the aaj bhi mere haath men daamaan koi nahin kal meraa neelaam kiya tha ghairoon ne aaj to mere apne beche dete hain sach poochho to meri KHataa bas itni hai main is dharti ka adnaa sa baasi hooñ