us se muhabbat jheelein kya hain uski aañkhen umdaa kya hai uskaa chehra khushboo kya hai uski saansen khushiyaan kya hain uskaa hona to gham kya hai usse judaai saawan kya hai uskaa rona sar dii kya hai uski udaasi garmi kya hai uskaa ghussa aur bahaarein uskaa hansna meetha kya hai uski baatein karwa kya hai meri baatein kya padhna hai uskaa likkha kya sunna hai uski ghazlein lab ki KHvaahish uskaa maatha zakham ki KHvaahish uskaa choona duniya kya hai ik jungle hai aur tum kya ho ped samajh lo aur vo kya hai ik raahi hai kya socha haius se muhabbat kya karte hous se muhabbat matlab peshaus se muhabbat is ke alaavaus se muhabbat usse muhabbat

chal aa ek aisi nazm kahooñ chal aa ek aisi nazm kahooñ jo lafz kahooñ vo ho jaa.e bas ashk kahooñ to ek aañsu tere gore gaal ko dho jaa.e main aa likkhoon tu aa jaa.e main baith likkhoon tu aa baithe mere shaane par sar rakhe tu main neend kahooñ tu so jaa.e main kaagaz par tere hont likkhoon tere honthon par muskaan aa.e main dil likkhoon tu dil thaa men main gum likkhoon vo kho jaa.e tere haath banaaun pencil se phir haath pe tere haath rakhoon kuchh ulta seedha farz karoon kuchh seedha ulta ho jaa.e main aah likhoon tu haay kare bechain likhoon bechain ho tu phir bechain ka be kaatoon tujhe chain zaraa sa ho jaa.e abhii ain likhoon tu soche mujhe phir sheen likhoon teri neend ude jab qaaf likhoon tujhe kuchh kuchh ho main ishq likhoon tujhe ho jaa.e

mujh se pahli si mohabbat mirii mahboob na maang mujh se pahli si mohabbat mirii mahboob na maang main ne samjha tha ki tu hai to darkhshan hai hayaat teraa gham hai to gham-e-dehr ka jhagda kya hai teri soorat se hai aalam men bahaaron ko sabaat teri aankhoñ ke siva duniya men rakha kya hai tu jo mil jaa.e to taqdeer nigoon ho jaa.e yuñ na tha main ne faqat chaaha tha yuñ ho jaa.e aur bhi dukh hain zamaane men mohabbat ke siva raahatein aur bhi hain vasl ki raahat ke siva an-ginat sadiyon ke tareek bheemaana tilism resham o atlas o kamkhaab men bunwaaye hue jaa-ba-jaa bikte hue koocha-o-baazaar men jism KHaak men luthde hue KHoon men nahlaaye hue jism nikle hue amraaz ke tannooron se peep bahti hui galte hue naasooron se laut jaati hai udhar ko bhi nazar kya kijeye ab bhi dilkash hai tira husn magar kya kijeye aur bhi dukh hain zamaane men mohabbat ke siva raahatein aur bhi hain vasl ki raahat ke siva mujh se pahli si mohabbat mirii mahboob na maang

murshid murshid please aaj mujhe vaqt deejie murshid main aaj aap ko dukhde sunaaunga murshid hamaare saath badaa zulm ho gaya murshid hamaare desh men ik jang chhid gayi murshid sabhi shareef sharaafat se mar ga.e murshid hamaare zehan girftaar ho ga.e murshid hamaari soch bhi baazaari ho gayi murshid hamaari fauj kya ladti hareef se murshid use to ham se hi furqat nahin mili murshid bahut se maar ke ham KHud bhi mar ga.e murshid ha men zirh nahin talwaar dii gayi murshid hamaari zaat pe bohtan chad ga.e murshid hamaari zaat palandon men dab gayi murshid hamaare vaaste bas ek shaKHs tha murshid vo ek shaKHs bhi taqdeer le udri murshid KHuda ki zaat pe andha yaqeen tha afsos ab yaqeen bhi andha nahin raha murshid mohabbaton ke nataaij kahaan ga.e murshid meri to zindagi barbaad ho gayi murshid hamaare gaav ke bacchon ne bhi kaha murshid koon aakhi aa ke sadaa haal dekh wajan murshid hamaara koi nahin ek aap hain ye main bhi jaanta hooñ ke achha nahin hua murshid main jal raha hooñ hawaaein na deejie murshid azala keejiye duaaein na deejie murshid KHamosh rah ke pareshaan na keejiye murshid main rona rote hue andha ho gaya aur aap hain ke aap ko ehsaas tak nahin hah sabr kijeye sabr ka fal meetha hota hai murshid main bhonkdai haan jo kaii she vi nahin bachi murshid wahaan yazidiyat aage nikal gayi aur paarsa namaaz ke peeche pade rahe murshid kisi ke haath men sab kuchh to hai magar murshid kisi ke haath men kuchh bhi nahin raha murshid main lad nahin sakaa par cheekhta raha KHaamosh rah ke zulm ka haami nahin banaa murshid jo mere yaar bhala chhodein rahne den achchhe the jaise bhi the KHuda un ko KHush rakhen murshid hamaari raunakein doori nigal gayi murshid hamaari dosti subhaat kha ga.e murshid ai photo pichhle maheene chhikaya ham hooñ mekun dekh lagda ai jo ai photo meda ai ye kis ne khel khel men sab kuchh ult diya murshid ye kya ke mar ke ha men zindagi mile murshid hamaare virse men kuchh bhi nahin so ham bemausmi wafaat ka dukh chhod jaayenge murshid kisi ki zaat se koi gilaa nahin apna naseeb apni kharaabi se mar gaya murshid vo jis ke haath men har ek cheez hai shaayad hamaare saath vahii haath kar gaya murshid duaaein chhod teraa pol khul gaya tu bhi meri tarah hai tere bas men kuchh nahin insaan meraa dard samajh sakte hi nahin main apne saare zakhm KHuda ko dikhaaunga ai rabbe kaaynaat idhar dekh main fakeer jo teri sarparasti men barbaad ho gaya parvardigaar bol kahaan jaayen tere log tujh tak pahunchne ko bhi wasila zaroori hai parvardigaar aave ka aawa bigad gaya ye kisko tere deen ke theke diye ga.e har shaKHs apne baap ke firke men band hai parvardigaar tere sahife nahin khule kuchh aur bhej tere guzishta sahifon se maqsad hi hal hue hain masaail nahin hue jo ho gaya so ho gaya ab mukhtiyaari cheen parvardigaar apne khaleefe ko rassi daal jo tere paas vaqt se pahle pahunch ga.e parvardigaar unke masaail ka hal nikaal parvardigaar sirf banaa dena kaafi nain takhleeq karke de to phir dekhbhaal kar ham log teri kun ka bharam rakhne aa.e hain parvardigaar yaar hamaara khayal kar

ham milenge kahii ham milenge kahii ajnabi shahar ki KHvaab hoti hui shaahraaoon pe aur shaahraaoon pe phaili hui dhoop men ek din ham kahii saath hoge vaqt ki aandhiyon se ati saahtoon par se miTTi hataate huye ek hi jaise aañsu behaate huye ham milenge ghane janglo ki hari ghaas par aur kisi shaakh-e-naazuk par padte huye bojh ki dastaanon men kho jaayenge ham sanobar ke pedon ki nokiile patton se sadiyon se soye huye devataaon ki aañkhen chabo jaayenge ham milenge kahii barf ke bajuon men ghire parvaton par baanjh qabro men lete huye koh pemaaon ki yaad men nazm kahte huye jo pahaadoon ki aulaad thein aur unhen vaqt aane par maa baap ne apni aaghosh men le liya ham milenge kahii shah sulemaan ke urs men hauz ki seediyon par wuzu karne waalo ke shaffaaf chehron ke aage sangemarmar se aarasta farsh par pair rakhte huye aah bharte huye aur darakhton ko mannat ke dhaago se azaad karte huye ham milenge ham milenge kahii naarmendi ke saahil pe aate huye apne gum gashtarashto ki khaak-e-safar se ati vardiyo ke nishaan dekh kar maraakis se palte huye ek jarnel ki aakhiri baat par muskuraate huye ik jahaan jang ki chot khaate huye ham milenge ham milenge kahii roos ki daastaon ki jhoothi kahaanii pe aankhoñ men hairat sajaaye huye shaam lebnaan beirut ki nargisi chashmuro ki aamad ke nohoo pe hanste huye khooni kaziyo se maflooh jalbaaniyaan ke pahaadi ilaaqon men mehmaan ban kar milenge ham milenge ek murda zamaane ki KHush rang tahzeeb men zasb hone ke imkaan men ik puraani imarat ke pahluu men ujde huye laan men aur apne asiroon ki raah dekhte paanch sadiyon se veeraan zindaan men ham milenge tamannaon ki chhatriyon ke tale khwahishon ki hawaon ke bebaak boso se chhalni badan saumpane ke liye raaston ko ham milenge zameen se namoodaar hote huye aathvein barre azam men udte huye kaaleen par ham milenge kisi baar men apni bakaaya bachi umr ki paaymaali ke jaam haath men lenge aur ek hi ghoont men ham ye saiyal andar utaarenge aur hosh aane talak geet gaayenge bachpan ke qisse sunaata hua geet jo aaj bhi hamko azbar hai bedi be bedi tu thildi tapaiye pate paar kya hai pate paar kya hai ham milenge baagh men gaav men dhoop men chaanv men ret men dasht men shahar men masjidoon men kaliso men mandir men mehraab men church men mooslaadhaar baarish men bazaar men KHvaab men aag men gehre paani men galiyon men jungle men aur aasmaanon men kono makaan se pare gair aabda saiyaraaye aarzoo men sadiyon se khaali padi bench par jahaan maut bhi ham se dasto garebaan hogii to bas ek do din ki mehmaan hogii

main ye soch kar us ke dar se utha tha ki vo rok legi manaa legi mujh ko hawaon men lehraata aata tha daaman ki daaman pakad kar bitha legi mujh ko qadam aise andaaz se uth rahe the ki awaaz de kar bula legi mujh ko magar us ne roka na mujh ko manaayana daaman hi pakda na mujh ko bithaayana awaaz hi dii na mujh ko bulaayaa main aahista aahista badhta hi aaya yahaañ tak ki us se juda ho gaya main

ai hama-rang hama-noor hama-soz-o-gudaaz bazm-e-mehtaab se aane ki zaroorat kya thii tu jahaan thii usii jannat men nikhrta tira roop is jahannam ko basaane ki zaroorat kya thii ye khud-o-khaal ye KHvaabon se tarasha hua jism aur dil jis pe khud-o-khaal ki narmi bhi nisaar khaar hi khaar sharaare hi sharaare hain yahaañ aur tham tham ke utha paanv bahaaron ki bahaar tishnagi zahar bhi pee jaati hai amrit ki tarah jaane kis jaam pe ruk jaa.e nigaah-e-maasoom doobte dekha hai jin aankhoñ men may-khaana bhi pyaas un aankhoñ ki bujhe ya na bujhe kya maaloom hain sabhi husn-parast ahl-e-nazar saahib-e-dil koi ghar men koi mehfil men sajaayega tujhe tu faqat jism nahin she'r bhi hai geet bhi hai kaun ashkon ki ghani chaanv men gaayega tujhe tujh se ik dard ka rishta bhi hai bas pyaar nahin apne aanchal pe mujhe ashk baha lene de tu jahaan jaati hai ja rokne vaala main kaun apne raaste men magar shama' jala lene de

ye barsaat ye mausam-e-shaadmaani khas-o-khaar par phat padi hai jawaani bhadakta hai rah rah ke soz-e-mohabbat jhamaajham barsta hai pur-shor paani fazaa jhoomti hai ghatta jhoomti hai darakhton ko zau barq ki choomti hai thirakte hue abr ka jazb tauba ki daaman uthaaye zameen ghoomti hai karkati hai bijli chamakti hain boonden lapkata hai kaunda damkati hain boonden rag-e-jaan pe rah rah ke lagti hain choten chhama-chham khala men khanakti hain boonden falak ga raha hai zameen ga rahi hai kaleje men har lay chubhi ja rahi hai mujhe pa ke is mast shab men akela ye rangeen ghatta teer barsa rahi hai chamakta hai bujhta hai tharraa raha hai bhatkne ki jugnoo saza pa raha hai abhii zehan men tha ye raushan takhayyul fazaa men jo udta chala ja raha hai lachak kar sambhalte hain jab abr-paare barsate hain daaman se dum-daar taare machalti hai rah rah ke baalon men bijli gulaabi hue ja rahe hain kinaare fazaa jhoom kar rang barsa rahi hai har ik saans shola banii ja rahi hai k abhii is tarah yaad aati nahin thii vo jis tarah is vaqt yaad aa rahi hai bhala lutf kya manzar-e-pur-asar de ki ashkon ne aankhoñ pe dale hain parde kahii aur ja kar baras mast baadal KHuda teraa daaman jawaahir se bhar de

ye andheri raat ye saari fazaa soi hui patti patti manzar-e-khaamoshi men khoi hui maujzan hai bahr-e-zulmat teergii ka josh hai shaam hi se aaj qindeel-e-falak KHaamosh hai chand taare hain bhi to be-noor patharaaye hue jaise baasi haar men hon phool kumhlaaye hue khap gaya hai yuñ ghatta men chaandni ka saaf rang jis tarah maayusiyon men dab ke rah jaa.e umang umdi hai kaali ghatta duniya dubone ke li.e ya chali hai baal khole raand rone ke li.e jitni hai gunjaan bastii utni hi veeraan hai har gali KHaamosh hai har raasta sunsaan hai ik makaan se bhi makeen ki kuchh khabar milti nahin chilmanen uthatii nahin zanjeer-e-dar hilti nahin so rahe hain mast-o-be-khud ghar ke kul peer-o-jawaan ho gaii hain band husn-o-ishq men sargoshiyaan haan magar ik samt ik goshe men koi nauhagar le rahi hai karvaton par karvatein dil thaam kar dil sambhalta hi nahin hai seena-e-sad-chaak men phool sa chehra atta hai bewagi ki KHaak men ud chali hai rang-e-rukh ban kar hayaat-e-mustaar ho raha hai qalb-e-murda men jawaani ka fishaar hasratein dam todti hain yaas ki aaghosh men saikron shikwe machalte hain lab-e-khaamosh men umr aamada nahin murda-parasti ke li.e baar hai ye zinda mayyat dosh-e-hasti ke li.e chahti hai laakh qaabu dil pe paati hi nahin haaye-re zalim jawaani bas men aati hi nahin thartharraa kar girti hai jab soone bistar par nazar le ke ik karvat patak deti hai vo takiya pe sar jab khanak uthatii hain soti ladkiyon ki choodiyaan aah ban kar uthne lagta hai kaleja se dhuaan ho gaii bewa ki khaatir neend bhi jaise haraam mukhtasar sa ahad-e-waslat de gaya soz-e-davaam dopahar ki chaanv daur-e-shaadmaani ho gaya pyaas bhi bujhne na paai khatm paani ho gaya le rahi hai karvaton par karvatein ba-iztiraar aag men paara hai ya bistar pe jism-e-be-qaraar pad gaii ik aah kar ke ro ke uth baithi kabhi ungliyon men le ke zulf-e-kham-b-kham aenthee kabhi aa ke honton par kabhi mayus aahen tham gaiin aur kabhi sooni kalaaee par nigaahen jam gaiin itni duniya men kahii apni jagah paati nahin yaas is had ki ki shauhar ki bhi yaad aati nahin aa rahe hain yaad paiham saas nandon ke sulook phat raha hai gham se seena uth rahi hai dil men hook apni maa behnon ka bhi aañkhen churaana yaad hai aisi duniya men kisi ka chhod jaana yaad hai baagbaan to qabr men hai kaun ab dekhe bahaar KHud usii ko teer us ke karne waale hain shikaar jab nazar aata nahin deta koi bekas ka saath zahar ki sheeshi ki jaanib KHud-ba-KHud badhta hai haath dil tadap kar kah raha hai jald is duniya ko chhod choodiyaan toriin to phir zanjeer-e-hasti ko bhi tod dam agar niklaa to khoi zindagi mil jaayegi ye nahin to KHair tanhaa qabr hi mil jaayegi waan tujhe zillat ki nazaron se na dekhega koi chahe hansna chahe rona phir na rokega koi waan sab ahl-e-dard hain sab saahib-e-insaaf hain rahbar aage ja chuka raahen bhi teri saaf hain dil inheen baaton men uljha tha ki dam ghabra gaya haath le kar zahar ki sheeshi labon tak aa gaya tilmilati aankh jhapkaati jhijhakti haanfati pee gaii kul zahar aaKHir thartharati kaanpati maut ne jhatka diya kul uzv dhīle ho ga.e saans ukhadi nabz doobi hont neele ho ga.e aankh jhapki ashk tapka hichki aayi kho gaii maut ki aaghosh men ik aah bhar kar so gaii aur kar ik aah sulge hind ki rasmon ka daam ai jawaana-marg bewa tujh pe kaafi ka salaam

aziz maa mirii hansmukh mirii bahadur maa tamaam jauhar-e-fitrat jaga diye tu ne mohabbat apne chaman se gulon se khaaron se mohabbaton ke khazaane luta diye tu ne banaa banaa ke mitaaye ga.e naqoosh-e-amal tire baghair mukammal na ho saki tasveer vo KHvaab jhaansi ki raani ko jis ne chaunkaaya tira jihad-e-musalsal usii ki hai ta'beer use hayaat ka sola singaar kahte hain tiri jabeen pe hain kuchh silvatein bhi teeka bhi nazar men jazb-e-yaqeen dil men soz-e-aazaa dii dahakta phool bhi hai tu mahakta shola bhi zaraa zameen ko mehwar pe ghoom lene de samaaj tujh se tira soz-o-saaz maangegi jamaal seekhega khud-e'timadiyaan tujh se hayaat-e-nau tire dil ka gudaaz maangegi