murshid murshid please aaj mujhe vaqt deejie murshid main aaj aap ko dukhde sunaaunga murshid hamaare saath badaa zulm ho gaya murshid hamaare desh men ik jang chhid gayi murshid sabhi shareef sharaafat se mar ga.e murshid hamaare zehan girftaar ho ga.e murshid hamaari soch bhi baazaari ho gayi murshid hamaari fauj kya ladti hareef se murshid use to ham se hi furqat nahin mili murshid bahut se maar ke ham KHud bhi mar ga.e murshid ha men zirh nahin talwaar dii gayi murshid hamaari zaat pe bohtan chad ga.e murshid hamaari zaat palandon men dab gayi murshid hamaare vaaste bas ek shaKHs tha murshid vo ek shaKHs bhi taqdeer le udri murshid KHuda ki zaat pe andha yaqeen tha afsos ab yaqeen bhi andha nahin raha murshid mohabbaton ke nataaij kahaan ga.e murshid meri to zindagi barbaad ho gayi murshid hamaare gaav ke bacchon ne bhi kaha murshid koon aakhi aa ke sadaa haal dekh wajan murshid hamaara koi nahin ek aap hain ye main bhi jaanta hooñ ke achha nahin hua murshid main jal raha hooñ hawaaein na deejie murshid azala keejiye duaaein na deejie murshid KHamosh rah ke pareshaan na keejiye murshid main rona rote hue andha ho gaya aur aap hain ke aap ko ehsaas tak nahin hah sabr kijeye sabr ka fal meetha hota hai murshid main bhonkdai haan jo kaii she vi nahin bachi murshid wahaan yazidiyat aage nikal gayi aur paarsa namaaz ke peeche pade rahe murshid kisi ke haath men sab kuchh to hai magar murshid kisi ke haath men kuchh bhi nahin raha murshid main lad nahin sakaa par cheekhta raha KHaamosh rah ke zulm ka haami nahin banaa murshid jo mere yaar bhala chhodein rahne den achchhe the jaise bhi the KHuda un ko KHush rakhen murshid hamaari raunakein doori nigal gayi murshid hamaari dosti subhaat kha ga.e murshid ai photo pichhle maheene chhikaya ham hooñ mekun dekh lagda ai jo ai photo meda ai ye kis ne khel khel men sab kuchh ult diya murshid ye kya ke mar ke ha men zindagi mile murshid hamaare virse men kuchh bhi nahin so ham bemausmi wafaat ka dukh chhod jaayenge murshid kisi ki zaat se koi gilaa nahin apna naseeb apni kharaabi se mar gaya murshid vo jis ke haath men har ek cheez hai shaayad hamaare saath vahii haath kar gaya murshid duaaein chhod teraa pol khul gaya tu bhi meri tarah hai tere bas men kuchh nahin insaan meraa dard samajh sakte hi nahin main apne saare zakhm KHuda ko dikhaaunga ai rabbe kaaynaat idhar dekh main fakeer jo teri sarparasti men barbaad ho gaya parvardigaar bol kahaan jaayen tere log tujh tak pahunchne ko bhi wasila zaroori hai parvardigaar aave ka aawa bigad gaya ye kisko tere deen ke theke diye ga.e har shaKHs apne baap ke firke men band hai parvardigaar tere sahife nahin khule kuchh aur bhej tere guzishta sahifon se maqsad hi hal hue hain masaail nahin hue jo ho gaya so ho gaya ab mukhtiyaari cheen parvardigaar apne khaleefe ko rassi daal jo tere paas vaqt se pahle pahunch ga.e parvardigaar unke masaail ka hal nikaal parvardigaar sirf banaa dena kaafi nain takhleeq karke de to phir dekhbhaal kar ham log teri kun ka bharam rakhne aa.e hain parvardigaar yaar hamaara khayal kar

kacchi umr ke pyaar ye kacchi umr ke pyaar bhi bade pakke nishaan dete hain aaj par kam dhyaan dete hain bahke bahke bayaan dete hain unko dekhe hue muddat hui aur ham ab bhi jaan dete hain kya pyaar ek baar hota hai nahin ye baar-baar hota hai to phir kyuuñ kisi ek ka intizaar hota hai vahii to saccha pyaar hota hai achha pyaar bhi kya insaan hota hai kabhi saccha kabhi jhoota be-iimaan hota hai uski ragon men bhi kya khaandaan hota hai aur maqsd-e-hayaat nafa nuqsaan hota hai pyaar to pyaar hota hai

mere zakhm nahin bharte yaaron mere naakhun badhte jaate hain main tanhaa ped hoon jungle ka mere patte jhadte jaate hain main kaun hoon kya hoon kab ki hoon ek teri kab hoon sabki hoon main koel hoon shehraao ki mujhe taab nahin hai chaanv ki ek daldal hai tere vaadon ki mere pair ukhadte jaate hain mere zakhm nahin bharte yaaro mere naakhun badhte jaate hain main kis bacche ki gudiya thii main kis pinjare ki chidiya thii mere khelne waale kahaan ga.e mujhe choomne waale kahaan ga.e mere jhumke girvi mat rakhna mere kangan tod na dena main banjar hoti jaati hoon kahii dariyaa mod na dena kabhi milnaa is par sochenge ham kya manzil par pahunchenge raaston men hi ladte jaate hain mere zakhm nahin bharte yaaron mere naakhun badhte jaate hain

KHuda ka sawaal mere rab kii mujh par inaayat hui kahooñ bhi to kaise ibadat hui haqeeqat hui jaise mujh par ayaan qalam ban gaii hai KHuda kii zubaan mukhaatib hai bande se parvardigaar tu husn-e-chaman tu hi rang-e-bahaar tu men'raaj-e-fan tu hi fan ka singaar musavvir hooñ main tu meraa shaahkaar ye subhen ye shaamen ye din aur raat ye rangeen dilkash haseen qaaynaat ki hoor-o-malaika wa jannat ne kiya hai tujhe ashraf ul makhluqaat meri azmaton ka hawala hai tu tu hi raushni hai ujaala hai tu ye duniya jahaan bazm-aaraaiyaan ye mehfil ye mele ye tanhaaiyaan falak ka tujhe shaamiyaana diya zameen par tujhe aab-o-daana diya mile aabshaaron se bhi hausale pahaadon main tujhko diye raaste ye paani hawa aur ye shams-o-qamar ye mauj-e-ravaan ye kinaara bhanwar ye shaakhon pe gunche chatkate hue falak pe sitaare chamakte hue ye sabze ye phoolon bharii kyaariyaan ye panchi ye udti hui titliyan ye shola ye shabnam ye miTTi ye sang ye jharnon ke bajte hue jaltarang ye jheelon men hanste hue se kanwal ye dharti pe mausam kii likkhi ghazal ye sar dii ye garmi ye baarish ye dhoop ye chehra ye qad aur ye rang-o-roop darindon charindon pe qaabu diya tujhe bhai dekar ke baazu diya behn dii tujhe aur shareek-e-safar ye rishta ye naate gharaana ye ghar ki aulaad bhi dii diye waalidain alif laam mim qaaf aur ain ghain ye aql-o-zahaanat shu'oor-o-nazar ye bastii ye sehra ye khushki ye tar aur uspar kitaab-e-hidaayat bhi dii nabi bhi utaare shari'at bhi dii ki khabren sabhi kuchh hain tere li.e bataa kya kiya tune mere li.e

meraa sansaar mere man ka sukoon bhi tum ho tum hi meri manzil uskaa junoon bhi tum ho meraa din bhi tum ho meri raat bhi tum ho meri neend bhi tum ho mere jazbaat bhi tum ho meraa har lamha tum ho mere haalaat bhi tum ho meraa jeevan bhi tum ho iski masti bhi tum ho hooñ agar main majhdhaar to phir iski kashtii bhi tum ho agar hooñ main shareer to iski asthi bhi tum ho aur hooñ agar main aatma to iski mukti bhi tum ho meraa vairaagya bhi tum ho meri aasakti bhi tum ho meraa eeshwar bhi tum ho meri bhakti bhi tum ho main agar dil hooñ to iski dhadkan bhi tum ho meri har baat tum ho meri tardpan bhi tum ho meri swatantrata bhi tum ho meraa bandhan bhi tum ho meraa sukh bhi tum ho meri muskaan bhi tum ho meraa dukh bhi tum ho meraa sammaan bhi tum ho meraa bal bhi tum ho meraa swaabhimaaan bhi tum ho meri praarthana bhi tum ho meraa abhimaan bhi tum ho meraa har kaam bhi tum ho thak jaaun to aaraam bhi tum ho bheje hain tujhko chaand ke haathon vo saare paigaam bhi tum ho saanson men bas teraa naam hai meraa to anjaam bhi tum ho meraa to aadhaar hi tum ho meri to sarkaar hi tum ho meri to faqeeri bhi tum ho khazane ka ambaar bhi tum ho mere labon ka maun bhi tum ho mere dil ki pukaar bhi tum ho meri to kutiya bhi tum ho meraa raaj-darbaar bhi tum ho meraa har vikaar bhi tum ho meraa to shrungaar bhi tum ho meri jeet-haar bhi tum ho meraa gussa-pyaar bhi tum ho meraa to ghar baar hi tum ho jeene ke aasaar hi tum ho kaise main bataau tujhe tumhaare bin main kuchh bhi nahin meraa to sansaar hi tum ho meraa to sansaar hi tum ho meraa to sansaar hi tum ho

baaton ka martabaan achaanak chhoot gaya hai haathon se baaton ke naazuk jism ab lafzon ki kirchon se zakhmi hai aur lahooluhaan be-bas se hain khayal aur maani bhi uchhal kar door pade hain kone men rote se bilkhte se saare ehsaas pade hai farsh pe mar kar bhaar ponch kar samet luun phir bhi chakhte to na mitenge

suno na kahii se koi carbon-paper le aao khoobsurat us vaqt ki kuchh naqlen nikaalen kitnii parchiyon men jeete hain ham lamhon ki besh-keemati raseeden bhi to hain kuchh to hisaab rakhen un ka qismat pakki parchi to rakh legi zindagi ki kuchh kacchi parchiyaan hamaare paas bhi to hongi kuchh naqlen kuchh raseeden likhaaiyaan kuchh mutthiyon men ho to tasalli rahtii hai suno na kahii se koi carbon-paper le aao

khayal kuchh yuñ bilkhte hain seene men jaise gunaah pighalte hon jaise lafz chatkate hon jaise roohen bichharti hon jaise laashen fanfanaati hon jaise lams khurdure hon jaise lab dardare hon jaise koi badan kattarta ho jaise koi saman kacharta ho khayal tere kuchh yuñ bilkhte hain seene men

seviyaan khaane ka man karta hai kab haare men rakhi haandi utaregi kab maa seviyaan parosegi kab se thaali li.e khadi hooñ pahle dhuaan gahra tha aankhoñ men chubhta tha khaara tha bahut ab halka hai jheena hai KHushboo aati hai dhuen se gur gur ki aawaazen aane lagii hai maa haandi utaar lo seviyaan pak gaii hain

jaante ho tum mujhe choodiyaan pasand hain laal neeli hari peeli har rang ki choodiyaan jahaan bhi dekhti hooñ chudiyon se bharii redi jee chahta hai tum saari khareed do mujhe magar tum nahin hotena mere saath na mere paas KHud hi khareed letii hooñ naam se tumhaare pehanti hooñ chanakaati hooñ unhen bahut achchhii lagti hai haathon men mere kahte rahte ho tum chupke se kaanon men mere jaante ho tum mujhe choodiyaan pasand hain