main cigarette to nahin peeta magar har aane waale se pooch leta hooñ ki maachis hai bahut kuchh hai jise main phoonk dena chahta hooñ

chal aa ek aisi nazm kahooñ chal aa ek aisi nazm kahooñ jo lafz kahooñ vo ho jaa.e bas ashk kahooñ to ek aañsu tere gore gaal ko dho jaa.e main aa likkhoon tu aa jaa.e main baith likkhoon tu aa baithe mere shaane par sar rakhe tu main neend kahooñ tu so jaa.e main kaagaz par tere hont likkhoon tere honthon par muskaan aa.e main dil likkhoon tu dil thaa men main gum likkhoon vo kho jaa.e tere haath banaaun pencil se phir haath pe tere haath rakhoon kuchh ulta seedha farz karoon kuchh seedha ulta ho jaa.e main aah likhoon tu haay kare bechain likhoon bechain ho tu phir bechain ka be kaatoon tujhe chain zaraa sa ho jaa.e abhii ain likhoon tu soche mujhe phir sheen likhoon teri neend ude jab qaaf likhoon tujhe kuchh kuchh ho main ishq likhoon tujhe ho jaa.e

ramz tum jab aaogi to khoya hua paayogi mujhe meri tanhaaii men KHvaabon ke siva kuchh bhi nahin mere kamre ko sajaane ki tamannaa hai tumhein mere kamre men kitaabon ke siva kuchh bhi nahin in kitaabon ne badaa zulm kiya hai mujh par in men ik ramz hai jis ramz ka maara hua zehan muzdaa-e-ishrat-e-anjaam nahin pa saka zindagi men kabhi aaraam nahin pa saka

tu kisi aur hi duniya men mili thii mujhse tu kisi aur hi mausam ki mahak laai thii dar raha tha ki kahii zakham na bhar jaayen mere aur tu mutthiyaan bhar-bhar ke namak laai thii aur hi tarah ki aañkhen thii tere chehre par tu kisi aur sitaare se chamak laai thii teri awaaz hi sabkuchh thii mujhe monis-e-jaan kya karun main ki tu boli hi bahut kam mujhse teri chup se hi yahii mehsoos kiya tha maine jeet jayega teraa gham kisi roz mujhse shahar aawaazen lagata tha magar tu chup thii ye taalluq mujhe khaata tha magar tu chup thii vahii anjaam tha jo ishq ka aagaaz se hai tujhko paaya bhi nahin tha ki tujhe khona tha chali aati hai yahii rasm kaii sadiyon se yahii hota hai yahii hogaa yahii hona tha poochta rehta tha tujhse ki bataa kya dukh hai aur meri aankh men aañsu bhi nahin hote the maine andaaze lagaye ke sabab kya hogaa par mere teer taraazu bhi nahin hote the jiska dar tha mujhe maaloom pada logon se phir vo khush-bakht palat aaya teri duniya men jiske jaane pe mujhe tune jagah dii dil men meri qismat men hi jab khaali jagah likhi thii tujhse shikwa bhi agar karta to kaise karta main vo sabza tha jise raund diya jaata hai main vo jungle tha jise kaat diya jaata hai main vo dard tha jise dastak ki kamii khaati hai main vo manzil tha jahaan tooti sadak jaati hai main vo ghar tha jise aabaad nahin karta koi main to vo tha jise yaad nahin karta koi KHair is baat ko tu chhod bataa kaisi hai tune chaaha tha jise vo tere nazdeek to hai kaun se gham ne tujhe chaat liya andar se aaj kal phir se tu chup rahtii hai sab theek to hai

bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

footpath chal saka nahin jism machalta hai jazbaat beete din yahiin beete raat hai ghar meraa ye footpath sukh ki ghatta nahin chaati hañsi ke baadal nahin aate baba dekho na mere hisse men KHushi ke pal nahin aate ab har pal in aankhoñ se hoti ghamon ki barsaat beete din yahiin beete raat hai ghar meraa ye footpath

shikasht jahaan bal padte hain soch ke vahaañ sukoon kya likhen apne shikasht-e-aalam ka ham junoon kya likhe shikasht hi sahi shikasht se mohabbat kar li hamne vijay priy nahin ha men vijay se bagaavat kar li hamne jahaan phoote hain angaare jismoon men vahaañ lahu kya likhen apne shikasht-e-aalam ka ham junoon kya likhen

mushkil mujh men ek sawaal tha jo ta-umr mujhe mushkil men rakha kyuuñ vo shakhs hamaara na ho sakaa umr bhar jise hamne dil men rakha ta-umr isee sawaal ne haan mujhe mushkil men rakha uske dil men koi raaj tha jo raaj usne dil men rakha baat hi baat men kya baat aaj ho gaii jo usne dil ki baat bharii mehfil men rakha ta-umr isee sawaal ne haan mujhe mushkil men rakha dhoondho use ki haan gaya lamha meraa kahaan gaya jise chura ke zamaane se hamne raah-e-manzil men rakha ta-umr isee sawaal ne haan mujhe mushkil men rakha

abhii jaao abhii jaao ki tanhaaii se ruksat ho jaaun to aanaa dil roye main muskuraau'n to aanaa abhii kuchh kehne sunne ki ichchha nahin haan kuchh kah paau kuchh sun paau to aanaa abhii jaao jaao is-kadar ki tumhein rokna chaahoon to na rok paau jaao is-kadar ki tumhein muskurata dekh main bhi muskuraau'n jaao abhii jaao abhii jaao ke dardon ko seene se lagana hai mujhe abhii jaao ki KHud ko kahii chhup aanaa hai mujhe abhii gam hai kahii seene men jaga hua gamon se naata tod luun to aanaa apni aañkhen nichod luun to aanaa abhii jaao

bhoola na dena suno badalte vaqt ke saath tum badal to nahin jaayogi tum mujhe bhool to nahin jaayogi vo apni mulaakaatein vo der tak phone par baatein saath hansna saath rona roothna manana tum bhool to nahin jaayogi pata hai ham ek-doosre ke kabhi nahin ho sakte lekin ye to baad ki baat hai naham ek-doosre ke ho chuke hain hai na pata hai jo aaj hai kal nahin hogaa ek din ye saath chhut jaayenge ummeedon ke dhaage toot jaayenge tan kahii aur man kahii hogaa yaadon ke siva kuchh nahin hogaa pata hai jo aaj hai kal nahin hogaa aqsh aankhoñ se mita na sakunga chaah kar bhi tumhe bhoola na sakunga kaise yakeen dilaaun tumhe tum mujhe bahut yaad aaogi suno tum mujhe bhool to nahin jaayogi