chal aa ek aisi nazm kahooñ chal aa ek aisi nazm kahooñ jo lafz kahooñ vo ho jaa.e bas ashk kahooñ to ek aañsu tere gore gaal ko dho jaa.e main aa likkhoon tu aa jaa.e main baith likkhoon tu aa baithe mere shaane par sar rakhe tu main neend kahooñ tu so jaa.e main kaagaz par tere hont likkhoon tere honthon par muskaan aa.e main dil likkhoon tu dil thaa men main gum likkhoon vo kho jaa.e tere haath banaaun pencil se phir haath pe tere haath rakhoon kuchh ulta seedha farz karoon kuchh seedha ulta ho jaa.e main aah likhoon tu haay kare bechain likhoon bechain ho tu phir bechain ka be kaatoon tujhe chain zaraa sa ho jaa.e abhii ain likhoon tu soche mujhe phir sheen likhoon teri neend ude jab qaaf likhoon tujhe kuchh kuchh ho main ishq likhoon tujhe ho jaa.e

ham milenge kahii ham milenge kahii ajnabi shahar ki KHvaab hoti hui shaahraaoon pe aur shaahraaoon pe phaili hui dhoop men ek din ham kahii saath hoge vaqt ki aandhiyon se ati saahtoon par se miTTi hataate huye ek hi jaise aañsu behaate huye ham milenge ghane janglo ki hari ghaas par aur kisi shaakh-e-naazuk par padte huye bojh ki dastaanon men kho jaayenge ham sanobar ke pedon ki nokiile patton se sadiyon se soye huye devataaon ki aañkhen chabo jaayenge ham milenge kahii barf ke bajuon men ghire parvaton par baanjh qabro men lete huye koh pemaaon ki yaad men nazm kahte huye jo pahaadoon ki aulaad thein aur unhen vaqt aane par maa baap ne apni aaghosh men le liya ham milenge kahii shah sulemaan ke urs men hauz ki seediyon par wuzu karne waalo ke shaffaaf chehron ke aage sangemarmar se aarasta farsh par pair rakhte huye aah bharte huye aur darakhton ko mannat ke dhaago se azaad karte huye ham milenge ham milenge kahii naarmendi ke saahil pe aate huye apne gum gashtarashto ki khaak-e-safar se ati vardiyo ke nishaan dekh kar maraakis se palte huye ek jarnel ki aakhiri baat par muskuraate huye ik jahaan jang ki chot khaate huye ham milenge ham milenge kahii roos ki daastaon ki jhoothi kahaanii pe aankhoñ men hairat sajaaye huye shaam lebnaan beirut ki nargisi chashmuro ki aamad ke nohoo pe hanste huye khooni kaziyo se maflooh jalbaaniyaan ke pahaadi ilaaqon men mehmaan ban kar milenge ham milenge ek murda zamaane ki KHush rang tahzeeb men zasb hone ke imkaan men ik puraani imarat ke pahluu men ujde huye laan men aur apne asiroon ki raah dekhte paanch sadiyon se veeraan zindaan men ham milenge tamannaon ki chhatriyon ke tale khwahishon ki hawaon ke bebaak boso se chhalni badan saumpane ke liye raaston ko ham milenge zameen se namoodaar hote huye aathvein barre azam men udte huye kaaleen par ham milenge kisi baar men apni bakaaya bachi umr ki paaymaali ke jaam haath men lenge aur ek hi ghoont men ham ye saiyal andar utaarenge aur hosh aane talak geet gaayenge bachpan ke qisse sunaata hua geet jo aaj bhi hamko azbar hai bedi be bedi tu thildi tapaiye pate paar kya hai pate paar kya hai ham milenge baagh men gaav men dhoop men chaanv men ret men dasht men shahar men masjidoon men kaliso men mandir men mehraab men church men mooslaadhaar baarish men bazaar men KHvaab men aag men gehre paani men galiyon men jungle men aur aasmaanon men kono makaan se pare gair aabda saiyaraaye aarzoo men sadiyon se khaali padi bench par jahaan maut bhi ham se dasto garebaan hogii to bas ek do din ki mehmaan hogii

ramz tum jab aaogi to khoya hua paayogi mujhe meri tanhaaii men KHvaabon ke siva kuchh bhi nahin mere kamre ko sajaane ki tamannaa hai tumhein mere kamre men kitaabon ke siva kuchh bhi nahin in kitaabon ne badaa zulm kiya hai mujh par in men ik ramz hai jis ramz ka maara hua zehan muzdaa-e-ishrat-e-anjaam nahin pa saka zindagi men kabhi aaraam nahin pa saka

bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

"Hamesha der kar deta hooñ" hamesha der kar deta hooñ main har kaam karne men zaroori baat kahni ho koi vaa'da nibhaana ho use awaaz deni ho use waapas bulaana ho hamesha der kar deta hooñ main madad karne ho us ki yaar ki dhaaras bandhaana ho bahut deerina raston par kisi se milne jaana ho hamesha der kar deta hooñ main badalte mausamon ki sair men dil ko lagana ho kisi ko yaad rakhna ho kisi ko bhool jaana ho hamesha der kar deta hooñ main kisi ko maut se pahle kisi gham se bachaana ho haqeeqat aur thii kuchh us ko ja ke ye bataana ho hamesha der kar deta hooñ main har kaam karne men

maa meri KHvaahish meri maataa meraa jeevan meri maataa agar aaya hooñ duniya men vo zariyaa hain meri maataa jo meri baat karti hain zamaane se bhi lad jaun mujhe darpan dikhaati hain galat kya hai sahi kya hai mujhe gussa dikhaati hain mujhe puchkarti bhi hain magar dil kii vo sacchi hain vo jag men sabse achchhii hain mere armaan ke khaatir vo aadhi pet khaati hai vo KHud ka gham chhupaati hain mujhe hañs ke dikhaati hain unhen ummeed hai mujhse karunga naam main raushan banuunga shaan main unka unhin ke raah pe chalkar k abhii jo toot jaata hooñ safar men chhoot jaata hooñ vahii ik haath deti hain mujhe girne nahin deti vo kahti hain mere bete karo mehnat rakho himmat karo koshish sadaa hardam abhii ummeed mat haaro zara sii aandhiyaan hain ye tumhaara kya bigaarenge yaqeenan chand lamhon men tumhein manzil bulaayegi vahii jo door hai tumse vahii phir paas aayenge jo rishta tod baithe hain vahii apna bulaaenge samay ka khel hai sab kuchh samay hi sab bataaega qadam roko nahin ik din yahii manzil dilaaega bhala kaise bataa ranjan ghalat ka raasta chunta haan maa ke aankh men aañsu bhala kya dekh saktaa hai

meri waali nazaron hi nazaron men baatein karti hai apne hi dhun men vo khoi rahtii hai paisa daulat kii us..ko parwaah nahin ishq men sachcha majnun us..ko bhaata hai lambi hai maana par dil kii sacchi hai jaisi bhi ho meri waali achchhii hai zulf bikhere galiyon men jab ghu men woh KHvaahish meri meraa maatha choo men vo main rakhoon roza vo bhi upvaas kare har lamha har pal vo mere saath rahe mujh...ko dekhe mujh...ko soche baat kare mere hi KHvaabon men vo din raat kare ai maalik tu meraa us..ko kar dena haath men mehan dii mere naam kii bhar dena

tauba hai ranjan kal se sab cheezein se tauba hai mujh...ko uski ummeedon se tauba hai miraa ho ke nahin miraa jo ban paa.e mujh...ko haan aise logon se tauba hai dikhlaana hai mujh...ko seerat dikhlaao pyaari manmohak shaklon se tauba hai kab tak vaa'da karke nahin nibhaaenge desh kii haan in gaddaaron se tauba hai pyaar men haare ladke meri baat sune ab se in saste heero se tauba hai chhodo bhi ab kitna aage jaaoge ranjan teri lambi nazmon se tauba hai

aañkhen machalti jheel sii maano koii dariyaa hai ye aañkhen tumhaare dil ko jaane ka koii jariya hai ye aañkhen tumhaare baal u uupar se ye maano rashk karte hain jahaan se khoobsurat hai bahut badhiya hain ye aañkhen mujhe hairaan karti hai mere KHvaabon men aa kar ke kabhi mujh...ko daraati hai mujhe ghussa dikha kar ke khushi se jhoom jaata hooñ agar woh saamne ho to jahaan men hai nahin dooja mere mahboob sii aañkhen na sota hooñ na rota hooñ use hi yaad karta hoonna jaane ban gaii kaise mirii duniya vahii aañkhen bharosa tha vahii aañkhen to badli hai asambhav tha bhala kaisa ye jaadu kar gaya maashooq kii aañkhen nazar se dik hi jaata hai dilon men khalbali ho to zamaana poochta hai ab banega aas kya aañkhen jise aañkhen dikhaate ho vahii to rehnuma tha phir samay badla to patthar ban gaii dekho kaii aañkhen kabhi to soch lo unka jo tumse door baithe hain vo aañkhen kah rahi hai dekh lena aayega ik din jo mujhse door rehta hai mirii aañkhen banega woh vo boodha aadmi hai aas men baitha hua lekin zaraa dekho na ranjan kya sahaara de sakega vo sabhi rishton ko kar dhoomil chuna jisne ghalat aañkhen

nazar nazar ke saamne rahna nazar ke paas hi rahna nazar kii jo zaroorat ho vahii ab kaam tum karna mujhe maaloom hai ab ye thikaana ho nahin saktaa nazar bhar dekh bhi to loon guzaara ho nahin saktaa nazar kii baat karta hooñ nazar pe raat karta hooñ farebi husn kahti hai to us se ja jhagdta hooñ mujhe to shauq nazaron ka tumhaara kya karoon bolo nazar bhar dekh lo jaana main duniya chhod jaaunga nazar ka khel hai sab kuchh nazar ka jaal hai sab kuchh nazar dekho girata hai nazar dekho uthaata hai nazar chahe bigaadegee nazar chahe sudhaaregi nazariya hai tumhaara kya nazar KHud hi bataayegi nazar ke jaal men padne se behtar mar hi jaana hai nazar gar daalni hai to chalo pustak pe daalo tum sahi ranjan kaha tumne nazar pe kya bharosa hai