chaar zindagi sabko mila hai chaar zindagi ka safar maa ka pet aur duniya ka ghar chhoti si qabr aur maidan-e-hashr pahli zindagi ka tasavvur agar maa ka pet tumko aayega nazar nau maheene jisne kiya tha sabr tumne diya kya uskaa ajr doosri zindagi duniya ka ghar jis men basaaya tumne shahar thii chaar din ki zindagi magarus par laga dii poori umr mili jab maut ki sabko khabar pachtaane lage phir hua ye asar ahl-o-ayaal bhi roye idhar hua taiyaar janaaza udhar teesri zindagi jiska pet qabr honge sab door tujhe dafan kar aayenge farishte fauran qabr par lagega sawaalon ka ek ambar dena javaab tab KHud ke bal par jab pahunchegi duniya us mod par qayamat tak hai qabr ka safar chau thii zindagi maidan-e-hashr jidhar milega neki-ba dii ka ajr saamne hogaa pul-siraat safar tezi se guzrega vo hi uspar jo padhta namaaz maghrib se asar jisne kiya baitullah ka safar jisne banaya nabi ko rahbar jannat men honge mahal aur shajar aur dozakh men honge aag ke ambar na maaloom kitnii hai baaki umr aayegi maut kabhi bhi zafar jitni hai baaki laga deen par sabko mila hai chaar zindagi ka safar

inqilaab vo sochta hai main uski vehshat liKHoonga logon ke dilon kii dahshat liKHoonga vo jhoothe KHvaab liKHoonga lekin ab main inqilaab liKHoonga ab main sailaab liKHoonga ubalte KHoono se taqdeer liKHoonga unki asli tasveer liKHoonga uskaa ham par har ek zulm liKHoonga diye ga.e saare ghalat hukm liKHoonga rote bachchon kii cheekh liKHoonga ha men dii gaii ghalat seekh liKHoonga vo jo ha men dikhaaye ga.e daraavne KHvaab liKHoonga girti laashon ka hisaab liKHoonga ghar men band logon ka dar liKHoonga baahar firte logon ka khauf liKHoonga unki har ek chaal liKHoonga dilon ka ab main haal liKHoonga logon ka saath liKHoonga vo andheri gahri raat liKHoonga KHoon se range haath liKHoonga main saari baat liKHoonga vo KHoon se bhara vo kuaan liKHoongaus yateem kii baddua liKHoonga vo zawaal liKHoonga dabte hue sawaal liKHoonga har roz khudti nayi qabr liKHoonga jhoothi phailti khabar liKHoonga logon ka toota sabr liKHoonga lootte ghar liKHoonga bewajah kate sar liKHoonga gair hote apne liKHoonga un bachchon ke sapne liKHoonga zalim ka zor liKHoonga har taraf machta shor liKHoonga khaali maidaan liKHoonga bhare qabrastaan liKHoonga

ai siphar-e-bareen ke sayyaaro ai fazaa-e-zameen ke gul-zaaro ai pahaadon ki dil-fareb fazaa ai lab-e-joo ki than dii than dii hawa ai anaadil ke naghma-e-sehri ai shab-e-mahtaab taaron bharii ai naseem-e-bahaar ke jhonko dahr-e-na-paaedaar ke dhoko tum har ik haal men ho yuñ to aziz the watan men magar kuchh aur hi cheez jab watan men hamaara tha ramna tum se dil baagh baagh tha apna tum mirii dil-lagi ke saamaan the tum mire dard-e-dil ke darmaan the tum se katata tha ranj-e-tanhaai tum se paata tha dil shakebaai aan ik ik tumhaari bhaati thii jo ada thii vo jee lubhaati thii karte the jab tum apni gham-khwari dhoi jaati theen kulfatein saari jab hawa khaane baagh jaate the ho ke khush-haal ghar men aate the baith jaate the jab kabhi lab-e-aab dho ke uthte the dil ke daagh shitaab koh o sehra o aasmaañ o zameen sab mirii dil-lagi ki shaklein theen par chhuta jis se apna mulk o dayaar jee hua tum se KHud-ba-KHud bezaarna gulon ki ada KHush aati haina sadaa bulbulon ki bhaati hai sair-e-gulshan hai jee ka ik janjaal shab-e-mehtaab jaañ ko hai vabaal koh o sehra se ta lab-e-dariya jis taraf jaayen jee nahin lagta kya hue vo din aur vo raatein tum men agli si ab nahin baatein ham hi gurbat men ho ga.e kuchh aur ya tumhaare badal ga.e kuchh taur go vahii ham hain aur vahii duniya par nahin ham ko lutf duniya ka ai watan ai mire behisht-e-bareen kya hue tere aasmaañ o zameen raat aur din ka vo samaan na raha vo zameen aur vo aasmaañ na raha teri doori hai morid-e-aalam tere chhutne se chhut gaya aaraam kaate khaata hai baagh bin tere gul hain nazaron men daagh bin tere mit gaya naqsh kaamraani ka tujh se tha lutf zindagaani ka jo ki rahte hain tujh se door sadaa in ko kya hogaa zindagi ka mazaa ho gaya yaa to do hi din men ye haal tujh bin ek ek pal hai ik ik saal sach bataa to sabhi ko bhaata hai ya ki mujh se hi teraa naata hai main hi karta hooñ tujh pe jaañ nisaar ya ki duniya hai teri aashiq-e-zaar kya zamaane ko tu aziz nahin ai watan tu to aisi cheez nahin jin o insaan ki hayaat hai tu murgh o maahi ki kaayenaat hai tu hai nabaatat ka numoo tujh se rookh tujh bin hare nahin hote sab ko hota hai tujh se nashv-o-numa sab ko bhaati hai teri aab-o-hawa teri ik musht-e-khaak ke badle luun na hargiz agar behisht mile jaañ jab tak na ho badan se juda koi dushman na ho watan se hawa hamla jab qoum-e-aarya ne kiya aur baja un ka hind men danka mulk waale bahut se kaam aa.e jo bache vo ghulaam kahl aa.e shudr kahl aa.e raakshas kahl aa.e ranj pardes ke magar na uth aa.e go ghulaami ka lag gaya dhabbana chhuta un se des par na chhuta qadr ai dil watan men rahne ki pooche pardesiyo ke jee se koi jab mila ram-chandra ko ban-baas aur niklaa watan se ho ke udaas baap ka hukm rakh liya sar par par chala saath le ke daag-e-jigar paanv uthata tha us ka ban ki taraf aur khinchta tha dil watan ki taraf guzre gurbat men is qadar mah-o-saal par na bhola ayodhya ka khayal des ko ban men jee bhatkata raha dil men kaanta sa ik khatkata raha teer ik dil men aa ke lagta tha aati thii jab ayodhya ki hawa katne chaudah baras hue the muhaal goya ek ek jug tha ek ik saal hue yasrib ki samt jab raahi sayyad-e-abtahee ke hamraahi rishte ulfat ke saare tod chale aur bilkul watan ko chhod chale go watan se chale the ho ke KHafaa par watan men tha sab ka jee atka dil-lagi ke bahut mile samaan par na bhule watan ke registaan dil men aathon pahar khatkate the sang-reze zameen-e-batha ke ghar jafaon se jin ki chhoota tha dil se rishta na un ka toota tha hui yusuf ki sakhtiyan jab door aur hua mulk-e-misr par maamoor misr men chaar soo tha hukm ravaan aankh thii jaanib-e-watan nigaraan yaad-e-kan'aan jab us ko aati thii saltanat saari bhool jaati thii dukh uth aa.e the jis watan men sakht taaj bhaata na us baghair na takht jin se dekhi thii sakht be-mehri lau thii un bhaaiyon ki dil ko lagii ham bhi hubb-e-watan men hain go ghark ham men aur un men hai magar ye farq ham hain naam-e-watan ke deewane vo the ahl-e-watan ke parwaane jis ne yusuf ki dastaan hai sooni jaanta hogaa rooyedaad us ki misr men qahat jab pada aa kar aur hui qaum bhook se muztar kar diya waqf un pe baitulmaal lab tak aane diya na harf-e-sawaal khatiyaan aur kothe khol diye muft saare zakheere tol diye qafile khaali haath aate the aur bharpoor yaa se jaate the yuñ ga.e qahat ke vo saal guzar jaise bacchon ki bhook waqt-e-sehr ai dil ai banda-e-watan hoshiyaar khwaab-e-ghaflat se ho zaraa bedaar o sharaab-e-khu dii ke matwaale ghar ki chaukhat ke choomne waale naam hai kya isee ka hubb-e-watan jis ki tujh ko lagii hui hai lagan kabhi bacchon ka dhyaan aata hai kabhi yaaron ka gham sataata hai yaad aata hai apna shahar kabhi lau kabhi ahl-e-shehr ki hai lagii naqsh hain dil pe koocha-o-baazaar firte aankhoñ men hain dar-o-deewar kya watan kya yahii mohabbat hai ye bhi ulfat men koi ulfat hai is men insaan se kam nahin hain darind is se khaali nahin charind o parind tukde hote hain sang gurbat men sookh jaate hain rookh furqat men ja ke kaabul men aam ka pauda kabhi parwaan chadh nahin saka aa ke kaabul se yaa bihi-o-anaar ho nahin sakte barvar zinhaar machhlii jab chhooti hai paani se haath dhoti hai zindagaani se aag se jab hua samundar doorus ko jeene ka phir nahin maqdoor ghode jab khet se bichhadte hain jaañ ke laale un ke padte hain g aa.e bhains oont ho ya bakri apne apne thikaane KHush hain sabhi kahiye hubb-e-watan isee ko agar ham se hawaan nahin hain kuchh kam-tar hai koi apni qaum ka hamdard nau-e-insaan ka samjhen jis ko fard jis pe itlaq-e-aadmi ho saheeh jis ko hawaan pe de saken tarjeeh qaum par koi zad na dekh sake qaum ka haal-e-bad na dekh sake qaum se jaañ tak aziz na ho qaum se badh ke koi cheez na ho samjhe un ki khushi ko raahat-e-jaan waan jo nau-roz ho to eed ho yaa ranj ko un ke samjhe maaya-e-gham waan agar sog ho to yaa maatam bhool jaa.e sab apni qadr-e-jaleel dekh kar bhaaiyon ko khwaar-o-zaleel jab pade un pe gardish-e-aflaak apni aasaishon pe daal de KHaak baithe be-fikr kya ho ham-watano utho ahl-e-watan ke dost bano mard ho tum kisi ke kaam aao warna khao piyo chale jaao jab koi zindagi ka lutf uthao dil ko dukh bhaaiyon ke yaad dilao pahno jab koi umdaa tum poshaak karo daaman se ta garebaan chaak khaana khao to jee men tum sharmao thanda paani piyo to ashk bahao kitne bhaai tumhaare hain nadaar zindagi se hai jin ka dil bezaar naukaron ki tumhaare jo hai ghiza un ko vo KHvaab men nahin milta jis pe tum jootiyon se firte ho waan muyassar nahin vo odhne ko khao to pahle lo khabar un ki jin pe bipata hai neesti ki pa dii pahno to pahle bhaaiyon ko pahnaao ki hai utran tumhaari jin ka banaav ek daali ke sab hain barg-o-samar hai koi un men khushk aur koi tar sab ko hai ek asl se paivand koi aazurda hai koi khursand muqabilo mudabbiron ko yaad karo khush-dilo gham-zadon ko shaad karo jaagne waale ghaafiloon ko jagao tairne waalo doobton ko tirao hain mile tum ko chashm o gosh agar lo jo li jaa.e kor-o-kar ki khabar tum agar haath paanv rakhte ho langde lulo ko kuchh sahaara do tandurusti ka shukr kiya hai batao ranj beemaar bhaaiyon ka hatao tum agar chahte ho mulk ki khairna kisi ham-watan ko samjho gair ho musalmaan us men ya hindu bodh mazhab ho ya ki ho brahmoo jafari hove ya ki ho hanfi jeen-mat hove ya ho vaishnavi sab ko mee thii nigaah se dekho samjho aankhoñ ki putliyaan sab ko mulk hain ittifaq se azaad shahar hain ittifaq se aabaad hind men ittifaq hota agar khaate ghairoon ki thokren kyunkar qaum jab ittifaq kho bai thii apni pounji se haath dho bai thii ek ka ek ho gaya bad-khwaah lagii ghairoon ki padne tum pe nigaah phir ga.e bhaaiyon se jab bhaai jo na aani thii vo bala aayi paanv iqbaal ke ukhadne lage mulk par sab ke haath padne lage kabhi tooraniyon ne ghar lootaa kabhi durraaniyon ne zar lootaa kabhi naadir ne qatl-e-aam kiya kabhi mahmood ne ghulaam kiya sab se aaKHir ko le gaii baazi ek shaista qaum maghrib ki ye bhi tum par KHuda ka tha ina'am ki pada tum ko aisi qaum se kaam warna dum maarnay na paate tum padti jo sar pe vo uthaate tum mulk raunde ga.e hain pairo'n se chain kis ko mila hai ghairoon se qaum se jo tumhaare bartaav socho ai mire pyaaro aur sharmao ahl-e-daulat ko hai ye istighna ki nahin bhaaiyon ki kuchh parwa shahar men qahat ki duhaai hai jaan-e-aalam labon pe aayi hai bacche ik ghar men bilbilaate hain ro ke maa baap ko rulaate hain koi firta hai maangata dar dar hai kahii pet se bandha patthar par jo hain un men sahib-e-maqdoor un men ginti ke honge aise ghayoor ki jinhen bhaaiyon ka gham hogaa apni raahat ka dhyaan kam hogaa jitne dekhoge paoge be-dard dil ke naamard aur naam ke mard aish men jin ke kate hain auqaat eed hai din to shabbaraat hai raat qaum marti hai bhook se to mare kaam unhen apne halve-maande se in ko ab tak khabar nahin aslan shahar men bhaav kya hai ghalle ka ghalla arzaan hai in dinon ki giran kaal hai shahar men pada ki samaan kaal kya shay hai kis ko kahte hain bhook bhook men kyunki marte hain maflook ser bhooke ki qadr kya samjheus ke nazdeek sab hain pet bhare ahl-e-daulat ka sun chuke tum haal ab suno ruyedaad-e-ahl-e-kamaal faazilon ko hai faazilon se inaad panditon men pade hue hain fasaad hai tabeebon men nok-jhok sadaa ek se ek ka hai thook juda rahne do ah-e-ilm hain is tarah pahalwaanon men laag ho jis tarah eidu waalon ka hai agar pattha shekhu waalon men ja nahin saka shaairon men bhi hai yahii takraar khushnaveshon ko hai yahii aazaar laakh nekon ka kyun na ho ik nek dekh saka nahin hai ek ko ek is pe turra ye hai ki ahl-e-hunr door samjhe hue hain apna ghar mili ik gaanth jis ko hal dii kius ne samjha ki main hooñ pansaari nuskha ik tib ka jis ko aata hai sage-bhaai se vo chhupata hai jis ko aata hai foonkna kushta hai hamaari taraf se vo goonga jis ko hai kuchh raml men maaloomaat vo nahin karta seedhe munh se baat baap bhaai ho ya ki ho beta bhed paata nahin munajjam ka kaam kandle ka jis ko hai maaloom hai zamaane men us ki bukhl ki dhoom al-gharz jis ke paas hai kuchh cheez jaañ se bhi siva hai us ko aziz qaum par un ka kuchh nahin ehsaan un ka hona na hona hai yaksaan sab kamaalaat aur hunar un ke qabr men un ke saath jaayenge qaum kya kah ke un ko royegi naam par kyun ki jaañ khoyegi tarbiyat-yafta hain jo yaa ke khwaah be-e hon is men ya em-e bharte hubb-e-watan ka go dam hain par muhibb-e-watan bahut kam hain qaum ko un se jo umeedein theen ab jo dekha to sab galat nikliin history un ki aur geography saath parde men munh diye hai pa dii band us qufl men hai ilm un ka jis ki kunji ka kuchh nahin hai pata lete hain apne dil hi dil men maze goya goonge ka gud hain kh aa.e hue karte firte hain sair-e-gul tanhaa koi paas un ke ja nahin saka ahl-e-insaaf sharm ki ja hai gar nahin bukhl ye to phir kya hai tum ne dekha hai jo vo sab ko dikhaao tum ne chakha hai jo vo sab ko chakhao ye jo daulat tumhaare paas hai aaj ham-watan is ke hain bahut mohtaaj munh ko ek ik tumhaare hai takta ki nikalta hai munh se aap ke kya aap shaista hain to apne li.e kuchh sulook apni qaum se bhi ki.e mez kursi agar lagaate hain aap qaum se poochiye to pun hai na paap munda joota gar aap ko hai pasand qaum ko is se faaeda na gazand qaum par karte ho agar ehsaan to dikhaao kuchh apna josh-e-nihaan kuchh dinon aish men khalal daalo pet men jo hai sab ugal daalo ilm ko kar do koo-b-koo arzaan hind ko kar dikhaao englistan sunte ho saamain-e-ba-tamkeen sunte ho haazireen-e-sadr-nasheen jo hain duniya men qaum ke hamdard banda-e-qom un ke hain zan o mard baap ki hai dua ye bahr-e-pisar qaum ki main banaaun us ko sipar maa KHuda se ye maangti hai muraad qaum par se nisaar ho aulaad bhaai aapas men karte hain paimaan tu agar maal de to main doon jaañ ahl-e-himmat kama ke laate hain ham-watan faaede uthaate hain kahii hote hain madarse jaarii dakhl aur khirj jin ke hain bharii aur kahii hote hain kalb qaaim mubahs-e-hikmat aur adab qaaim nit-naye khulte hain dawa-khaane bante hain saikron shifa-khaane mulk men jo marz hain aalam-geer qaum par un ki farz hai tadbeer hain sadaa is udhed-bun men tabeeb ki koi nuskha haath aa.e ajeeb qaum ko pahunchen manfaat jis se mulk men failein faaede jis ke khap ga.e kitne ban ke jhadon men mar ga.e saikron pahaadon men likhe jab tak ji.e safar-naa men chal diye haath men qalam thaa men go safar men uth aa.e ranj-e-kamaal kar diya par watan ko apne nihaal hain ab in ke gawaah hubb-e-watan dar-o-deewar-e-paris o london kaam hain sab bashar ke hum-vatanon tum se bhi ho sake to mard bano chhodo afsurdagi ko josh men aao bas bahut soye utho hosh men aao qafile tum se badh ga.e koson rahe jaate ho sab se peeche kyun qaafilon se agar mila chaaho mulk aur qaum ka bhala chaaho gar raha chahte ho izzat se bhaaiyon ko nikaalo zillat se un ki izzat tumhaari izzat hai un ki zillat tumhaari zillat hai qaum ka mubtadil hai jo insaan be-haqeeqat hai garche hai sultaan qaum duniya men jis ki hai mumtaaz hai faqiri men bhi vo ba-ezaaz izzat-e-qom chahte ho agar ja ke failao un men ilm-o-hunar zaat ka fakhr aur nasab ka ghuroor uth ga.e ab jahaan se ye dastoor ab na sayyad ka iftikhaar saheehna brahman ko shudr par tarjeeh hui turki tamaam khaanon men kat gaii jad se khaandaanon men qaum ki izzat ab hunar se hai ilm se ya ki seem-o-zar se hai koi din men vo daur aayega be-hunar bheek tak na paayegana rahenge sadaa yahii din raat yaad rakhna hamaari aaj ki baat gar nahin sunte qaul haali ka phir na kehna ki koi kahtaa tha

meraa sansaar mere man ka sukoon bhi tum ho tum hi meri manzil uskaa junoon bhi tum ho meraa din bhi tum ho meri raat bhi tum ho meri neend bhi tum ho mere jazbaat bhi tum ho meraa har lamha tum ho mere haalaat bhi tum ho meraa jeevan bhi tum ho iski masti bhi tum ho hooñ agar main majhdhaar to phir iski kashtii bhi tum ho agar hooñ main shareer to iski asthi bhi tum ho aur hooñ agar main aatma to iski mukti bhi tum ho meraa vairaagya bhi tum ho meri aasakti bhi tum ho meraa eeshwar bhi tum ho meri bhakti bhi tum ho main agar dil hooñ to iski dhadkan bhi tum ho meri har baat tum ho meri tardpan bhi tum ho meri swatantrata bhi tum ho meraa bandhan bhi tum ho meraa sukh bhi tum ho meri muskaan bhi tum ho meraa dukh bhi tum ho meraa sammaan bhi tum ho meraa bal bhi tum ho meraa swaabhimaaan bhi tum ho meri praarthana bhi tum ho meraa abhimaan bhi tum ho meraa har kaam bhi tum ho thak jaaun to aaraam bhi tum ho bheje hain tujhko chaand ke haathon vo saare paigaam bhi tum ho saanson men bas teraa naam hai meraa to anjaam bhi tum ho meraa to aadhaar hi tum ho meri to sarkaar hi tum ho meri to faqeeri bhi tum ho khazane ka ambaar bhi tum ho mere labon ka maun bhi tum ho mere dil ki pukaar bhi tum ho meri to kutiya bhi tum ho meraa raaj-darbaar bhi tum ho meraa har vikaar bhi tum ho meraa to shrungaar bhi tum ho meri jeet-haar bhi tum ho meraa gussa-pyaar bhi tum ho meraa to ghar baar hi tum ho jeene ke aasaar hi tum ho kaise main bataau tujhe tumhaare bin main kuchh bhi nahin meraa to sansaar hi tum ho meraa to sansaar hi tum ho meraa to sansaar hi tum ho

bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

gaav men she'r ka ik shikaari bhi tha khaata tha dasht ki vo hamesha hawa she'r ko us ne qabze men ik din kiya shaam hoti gaii badh gaya dhundlaka bakariyon ko bhi vo paalta tha sadaa ghaas bhi dasht se saath vo laata tha ghaas aur bakri bhi us ke hamraah the she'r ke saath dekho ye dono chale raah men un ki pul ek haa'il hua dhundlaka gahra hone laga shaam ka pul ke rakhwaale ne us ko roka kaha paar tum pul ko kar sakte ho barmala sirf ik cheez ko saath le jaaoge apni manzil ko phir dekh lo paoge tum jo chaaho to waapas bhi aa sakte ho ek shay saath apne bhi la sakte ho soch men pad gaya ab shikaari bahut shart thii Vaaqaii aaj bhari bahut ghaas ko saath le jaana mushkil hi tha kyun ki KHud she'r bakri ko kha jaayega haan agar she'r ko saath le jaaunga bakri chaara banaa daalegi ghaas ka kashmakash men shikaari abhii pad gaya kaise hal hogaa hai ye badaa mas'ala ab use kuchh samajh men to aaya nahin sochte sochte jhuk gaii thii jabeen ek tarkeeb aaKHir ko soojhi use pul se guzra vo ab baccho bakri li.e paar bakri ne ai baccho pul jo kiya ghaas ko she'r bas soongh kar rah gaya aaya waapas palat kar shikaari abhius ki aankhoñ men baccho chamak jaag u thii is taraf she'r aur us taraf bakri thii ghaas le jaane ki baari ab aa gaii ghaas ka gattha saath apne vo le gaya she'r bas munh shikaari ka takta raha ghaas ko bakri ke paas us ne rakha aur bakri ko KHud us ne waapas liya is taraf ghaas ka sirf gatha raha kyun ki khatra milan she'r o bakri ka tha is li.e she'r ko saath le kar chala she'r ko ghaas ke paas chhodaa gaya sochie ghaas ko she'r khayega kya ghaas ko she'r bas soongh kar rah gaya ab shikaari chala bakri laane ko saath ab ke bakri ki rassi pe tha us ka haath ab vo bakri ke hamraah aa hi gaya she'r dil men hi KHud ghurraata raha ek jaanib thii bakri to ik samt she'r ki nahin ab shikaari ne jaane men der ghaas ka gatha sar par shikaari ke tha gaav ka apne ab us ne rastaa liya yuñ shikaari ne gut thii ko suljhaa liya un ke jaane ka bhi mas'ala hal hua

ahmad babloo baabu salma ek jamaat ke ye bacche akhlaaqi ghante men dekho jama hue hain ik ik kar ke nazm-o-zabt jamaat men tha uf nahin karta tha koi bachcha ye jo kahaanii ka tha ghanta sab ko shauq kahaanii ka tha dekho class men ustaad aa.e uth ke khade hue saare bacche sab ne kiya salaam ab un ko bacche the sab man ke achchhe ham awaaz tha har ik bachcha ham hain kahaanii ke sab shaida sab ne mil kar kiya taqaza ham ko sunaaiye achha qissa sun kar bacchon se ye baatein ho ga.e KHush ustaad isee dam munnu chunnoo mannū KHush the qaabil-e-deed hai shauq ka aalam teacher ne jo chhe dii kahaanii bacche hama-tan gosh hue sab khaamoshi thii har chehre par sab se kaha ye teacher ne ab ek pahaa dii ke daaman men qaryaa ik shaadaab tha baccho gaav men ik charvaha bhi tha haan vo bahut naadaan tha pyaaro roz pahaa dii par vo jaata bakriyaan apni KHud hi charaata din bhar haanktaa vo gale ko shaam dhale ghar waapas aata ik din us ko soojhi sharaarat rah rah kar us ne chillaaya logon aao mujh ko bachao she'r ne bola hai ab dhaava latthe bhaale barchiyaan le kar bhaage aa.e log barabar paaya salaamat charvahe ko kehne laga charvaha hañs kar she'r yahaañ aaya nahin koi yuñ hi sharaarat main ne ki thii shukriya aap yahaañ sab aa.e aap ki hamdar dii hai sacchi main ne sab ko yuñ hi parkha imtihaan aap ki chaahat ka tha KHush hooñ aap ki hamdar dii par main ne pyaar sabhon ka paaya tha ye kartab charvahe kaus ne ullu sab ko banaya maayusi ke saath vo laute jhoota charvahe ko paaya izzat charvahe ne ganwaai ab ke munh ki us ne khaai charvahe ki nadaani par dii qarye waalon ne dahaai hariyaali ka mausam aaya ghalle ne bhi chaara paaya tha masroor bahut charvahaus ne khushi ka naghma gaayaus ne ab manzar ye dekha she'r hai ghalle men aa dhamka ghabra kar phir vo chillaaya dekho she'r ne kar diya hamla gaav men cheekhen suni logon ne ek mazaak use sab samjhe aaya na koi us ki madad ko pad ga.e jaan ke laale dekho she'r ka ban gaya baccho nivaala charvahe ka saara gilaa phir charvahe par hua jo hamla khaatma ho gaya charvahe ka shab ka hua gahra sannaata charvaha ab ghar nahin aayaus ki maa bahnen theen pareshaan badh gaya un par khauf ka saaya doosre din ka suraj niklaa gaav men charvahe ka tha charcha sab ne pahaa dii par ja dekha gham tha pata ab charvahe ka qissa khatm hua ye baccho tum ho kyun gamgeen ye bolo charvahe ki fikr ko chhodo charvahe se sabq ye seekho jhooth se jaan gaii thii us ki baat hamesha kehna sacchi maano jhooth bala hai bacchous se hamesha bach kar rahiyo jhooth se jaan bhi ja sakti hai jhooth to ik andhi shakti hai jhooth gunaah hai jaano baccho dozakh milti hai jhooton ko pyaaro chhodo sharaarat saari chhodo sachchaai ko bas apnao

nazm kya hai shaayri ki do simfen hain nazm-o-ghazal urdu men in ki shohrat hai baccho atal nazm paaband hai nazm azaad bhi ye kabhi nasr hai aur mu'arra kabhi nazm-e-paaband men vazn hogaa myaan aur azaad men bhi hai is ka nishaan nazm-e-paaband ka tarz hai jo lateef is men paoge tum qaafiya-o-radif nasri nazmon men bas nasr hi nasr hai vazn aur qaafiya hai na hi bahar hai vazn aur qaafiye jin ko mushkil hue nasri naz men umooman vo kahte lage vazn nazm-e-mu'arra men hai dosto is ko tum be-radeef-o-qafaai kaho masnavi ho qaseeda ho ya rakh nazm ka milta hai baccho ham ko pata nazm men silsila hai khayaalaat ka ek dariyaa sa hai dekho jazbaat ka vo mukhammas ho ya ho musaddas koi ye bhi ik shakl hai nazm-e-paaband ki vo ghazal ho ki ho nazm baccho suno dono yaksaan hain shohrat men bas jaan lo josh ki naz men mashhoor hain har jagah hain ghazal ke jigar Vaaqaii baadshah nazm men jo kahaanii kahii jaayegi shauq se ai miyaan vo sooni jaayegi naz men seemaab-o-iqbaal ne bhi likheen jo nihaayat hi mashhoor saabit hui karta hooñ bacchon ke vaaste main dua naz men bacchon ki likhta hooñ haafiz sadaa

garmi ka jo mausam aaya jalne lagii pedon ki chaaya sookh gaii thii daali daali aur patton se bhi thii khaali nange ped pe baitha kawwa haap raha tha jo pyaasa tha paani ko vo dhoondhta niklaa ghar ke ik chhajje par baitha har soo kaal tha paani ka jo gaav men bhi tha sookha pyaaro aangan men thii ek suraahius men tha thoda sa paani kawwa suraahi tak ja pahuncha lekin paani tah men hi tha chonch ko apni andar daala paani tak vo pahunch na paaya ho gaya dekh ke ye KHush kawwa baazu dher tha kankariyon ka laaya ik ik ko ye chun kar daalta jaata tha yuñ kankarus men dale itne kankar paani ubhar kar aaya u uupar phir kawwe ne pyaas bujhaaius ki jaan men jaan ab aayi ud gaya furtee se ab kawwa chunne laga phir daana dunka aql ka kholo tum darwaaza hal mushkil ka KHud niklega