tumhein ik baat kahni thii ijaazat ho to kah doon main ye bheega bheega sa mausam ye titli phool aur shabnam chamakte chaand ki baatein ye boonden aur barsaatein ye kaali raat ka aanchal hawa men naachte baadal dhadakte mausamon ka dil mehkati khushbuon ka dil ye sab jitne nazaare hain kaho kis ke ishaare hain s abhii baatein sooni tum ne phir aañkhen fer leen tum ne main tab ja kar kahii samjha ki tum ne kuchh nahin samjha main qissa mukhtasar kar ke zaraa neechi nazar kar ke ye kahtaa hooñ abhii tum se mohabbat ho gaii tum se

dost ke naam khat tumne haal poocha hai haalat-e-mohabbat men haal ka bat aanaa kya dil sisak raha ho to zakham ka chhup aanaa kya tum jo pooch baithe ho kuchh to ab bat aanaa hai baat ek bah aanaa hai tumne haal poocha hai ik diya jalata hooñ theek hai bataata hooñ roz uski yaadon men door tak chale j aanaa jo bhi tha kaha usne apne saath dohr aanaa saans jab ruke to phir apni marti aankhoñ men uski shakl le aanaa aur zindagi p aanaa roz aise hota hai kuchh purane message hain jin men uski baatein hain kuchh tabeel subhe hain kuchh qadeem raatein hain maine uski baaton men zindagi guzaari hai zindagi mitaane ka hausla nahin mujh men ek ek lafz uskaa saans men pirooya hai rooh men samoya hai uske jitne message hai roz khol leta hooñ usse kah nahin paata KHud se bol leta hooñ uske pej par ja kar roz dekhta hooñ main aaj kitne logon ne uski pairavi ki hai aur sochta hooñ main ye naseeb waale hain us..ko dekh sakte hain usse baat karte hain ye ijaazaton waale mujhse kitne behtar hain main to daagh tha koi jo mita diya usne gar mita diya usne theek hi kiya usne tumne haal poocha tha lo bataa diya maine jo bhi kuchh bataaya hai us..ko mat bataa dena padh ke ro paro to phir in tamaam lafzon ko bas gale laga lena vo meri mohabbat hai aur sadaa rahegi vo jab nahin rahoonga to ek din kahegi vo tum ali faqat tum the jisne mujh...ko chaaha tha jisne mere maathe ko choom kar bataaya tha tum dua ka chehra ho tum haya ka pahra ho main to tab nahin hoonga par meri sabhi naz men uski baat sun lenge tum bhi muskuraa dena phir bahut mohabbat se us..ko sab bataa dena uske narm haathon men meraa khat thama dena lo ye khat tumhaara hai aur uski jaanib se vo jo bas tumhaara tha aaj bhi tumhaara hai

mujh...ko itne se kaam pe rakh lo jab bhi seene men jhoolta locket ulta ho jaaye to main haathon se seedha karta rahoon us..ko jab bhi aweza uljhe baalon men muskuraa ke bas itna-sa kah do aah chubhta hai yah alag kar do jab gharaare men paanv fans jaaye ya dupatta kisi kiwaad se atke ik nazar dekh lo to kaafi hai please kah do to achha hai lekin muskuraane ki shart pakki hai muskuraahat muawza hai meraa mujh...ko itne se kaam pe rakh lo

main pal-do-pal ka shayar hooñ pal-do-pal meri kahaanii hai pal-do-pal meri hasti hai pal-do-pal meri jawaani hai mujh se pahle kitne shayar aa.e aur aa kar chale ga.e kuchh aahen bhar kar laut ga.e kuchh nag men ga kar chale ga.e ve bhi ek pal ka qissa the main bhi ek pal ka qissa hooñ kal tum se juda ho jaaunga go aaj tumhaara hissa hooñ main pal-do-pal ka shayar hooñ pal-do-pal meri kahaanii hai pal-do-pal meri hasti hai pal-do-pal meri jawaani hai kal aur aayenge nagmon ki khilti kaliyaan chunne waale mujhse behtar kehne waale tumse behtar sunne waale kal koi mujh ko yaad kare kyuuñ koi mujh ko yaad kare masroof zamaana mere li.e kyuuñ vaqt apna barbaad kare main pal-do-pal ka shayar hooñ pal-do-pal meri kahaanii hai pal-do-pal meri hasti hai pal-do-pal meri jawaani hai main har ik pal ka shayar hooñ har ik pal meri kahaanii hai har ik pal meri hasti hai har ik pal meri jawaani hai rishton ka roop badalta hai buni yaaden khatm nahin hoti KHvaabon aur umangon ki mi yaaden khatm nahin hoti ik phool men teraa roop basa ik phool men meri jawaani hai ik chehra teri nishaani hai ik chehra meri nishaani hai main har ik pal ka shayar hooñ har ik pal meri kahaanii hai har ik pal meri hasti hai har ik pal meri jawaani hai tujhko mujh...ko jeevan amrit ab in haathon se peena hai inki dhadkan men basna hai inki saanson men jeena hai tu apni adaayein baksh inhen main apni wafaayein deta hooñ jo apne li.e socheen thii kabhi vo saari duaayein deta hooñ main har ik pal ka shayar hooñ har ik pal meri kahaanii hai har ik pal meri hasti hai har ik pal meri jawaani hai

rahne ko sadaa dehr men aata nahin koi tum jaise ga.e aise bhi jaata nahin koi dartaa hoon kahii khushk na ho jaa.e samundar raakh apni kabhi aap bahaata nahin koi ik baar to KHud maut bhi ghabra gaii hogii yoon maut ko seene se lagata nahin koi maana ki ujaalon ne tumhein daagh diye the be-raat dhale shama bujhaata nahin koi saaqi se gilaa tha tumhein may-khaane se shikwa ab zahar se bhi pyaas bujhaata nahin koi har subh hila deta tha zanjeer zamaana kyun aaj deewane ko jagaata nahin koi ar thii to utha lete hain sab ashk baha ke naaz-e-dil-e-betaab uthaata nahin koi

Kaafi der se shab bechaari

Hope

but-taraash tumhaare dil ne hamesha mujhse shikaayaten kii ki mere seene men dil nahin hai jo dooriyaan jaan-gusil nahin hain main chahta hooñ kabhi tum apni shikaayaton ke tamaam khanjar mere badan men shareek kar ke bade bade se suraakh kar do aur un men dekho mujhe yaqeen hai tumhein vahaañ ik haya taqalluf jhijhak ka maara rivaaj-o-rasm-e-jahan ka qaai dii milega jo KHud shadeed furqat ke pattharon par tumhaari soorat nikhaarta hai tumhaare but ko taraashta hai

shartein vo ek lamha jo uski meri ameek qurbat kii raushni tha hamaari dono kii zindagi tha ajeeb sharton pe jal raha hai vo lamha karvat badal raha hai vo kah rahi hai ki mujhse milne kii aarzoo tum jab itni ziyaada shadeed kar lo ki saans lene men mushkilein hon to mujh...ko aakar gale lagana aur apni saari ukhdati saanson kii qaid pariyaan chhuda le jaana lihaaza ik din main jaise taise tamaam apni ukhdati saanson kii qaid pariyaan bachaane niklaa chhudaane niklaa to bhed jaana kise khabar thii ki meri saansen jab ek manzil pe ja rukenge to uski shartein nakar denge vo ek lamha jo uski meri ameek qurbat kii raushni tha hamaari dono kii zindagi tha halaak sharton ko kar gaya hai kisi andhere men mar gaya hai

sawaal udaasiyon ke safar men jaanaan tumhaari yaadon ke saare zarre main andaroon se utha-utha kar guzishta lamhon kii rah-guzar par bikherta hooñ sametta hooñ tum hi batao ye saare zarre mere hi dasht-e-wujood ke hain ya phir tumhaari namood ke hain