tum ho tum sukoon ho pur-sukoon ho mire ishq ka tum junoon ho main hosh men baahosh men mire jism ka tum KHoon ho tum sard ho barsaat bhi mirii garmiyon ki tum june ho tum ghazal ho ho tum shaayri mirii likhi nazm ki dhun ho mirii hañsi bhi tum mirii khushi bhi tum mire is hayaat ki mamnoon ho tum dhoop ho mirii chaanv bhi tum siyaah raat ka moon ho tum sin ho tum kaaf bhi tum waao ke baad ki noon ho tum sukoon ho pur-sukoon ho mire ishq ka tum junoon ho

murshid murshid please aaj mujhe vaqt deejie murshid main aaj aap ko dukhde sunaaunga murshid hamaare saath badaa zulm ho gaya murshid hamaare desh men ik jang chhid gayi murshid sabhi shareef sharaafat se mar ga.e murshid hamaare zehan girftaar ho ga.e murshid hamaari soch bhi baazaari ho gayi murshid hamaari fauj kya ladti hareef se murshid use to ham se hi furqat nahin mili murshid bahut se maar ke ham KHud bhi mar ga.e murshid ha men zirh nahin talwaar dii gayi murshid hamaari zaat pe bohtan chad ga.e murshid hamaari zaat palandon men dab gayi murshid hamaare vaaste bas ek shaKHs tha murshid vo ek shaKHs bhi taqdeer le udri murshid KHuda ki zaat pe andha yaqeen tha afsos ab yaqeen bhi andha nahin raha murshid mohabbaton ke nataaij kahaan ga.e murshid meri to zindagi barbaad ho gayi murshid hamaare gaav ke bacchon ne bhi kaha murshid koon aakhi aa ke sadaa haal dekh wajan murshid hamaara koi nahin ek aap hain ye main bhi jaanta hooñ ke achha nahin hua murshid main jal raha hooñ hawaaein na deejie murshid azala keejiye duaaein na deejie murshid KHamosh rah ke pareshaan na keejiye murshid main rona rote hue andha ho gaya aur aap hain ke aap ko ehsaas tak nahin hah sabr kijeye sabr ka fal meetha hota hai murshid main bhonkdai haan jo kaii she vi nahin bachi murshid wahaan yazidiyat aage nikal gayi aur paarsa namaaz ke peeche pade rahe murshid kisi ke haath men sab kuchh to hai magar murshid kisi ke haath men kuchh bhi nahin raha murshid main lad nahin sakaa par cheekhta raha KHaamosh rah ke zulm ka haami nahin banaa murshid jo mere yaar bhala chhodein rahne den achchhe the jaise bhi the KHuda un ko KHush rakhen murshid hamaari raunakein doori nigal gayi murshid hamaari dosti subhaat kha ga.e murshid ai photo pichhle maheene chhikaya ham hooñ mekun dekh lagda ai jo ai photo meda ai ye kis ne khel khel men sab kuchh ult diya murshid ye kya ke mar ke ha men zindagi mile murshid hamaare virse men kuchh bhi nahin so ham bemausmi wafaat ka dukh chhod jaayenge murshid kisi ki zaat se koi gilaa nahin apna naseeb apni kharaabi se mar gaya murshid vo jis ke haath men har ek cheez hai shaayad hamaare saath vahii haath kar gaya murshid duaaein chhod teraa pol khul gaya tu bhi meri tarah hai tere bas men kuchh nahin insaan meraa dard samajh sakte hi nahin main apne saare zakhm KHuda ko dikhaaunga ai rabbe kaaynaat idhar dekh main fakeer jo teri sarparasti men barbaad ho gaya parvardigaar bol kahaan jaayen tere log tujh tak pahunchne ko bhi wasila zaroori hai parvardigaar aave ka aawa bigad gaya ye kisko tere deen ke theke diye ga.e har shaKHs apne baap ke firke men band hai parvardigaar tere sahife nahin khule kuchh aur bhej tere guzishta sahifon se maqsad hi hal hue hain masaail nahin hue jo ho gaya so ho gaya ab mukhtiyaari cheen parvardigaar apne khaleefe ko rassi daal jo tere paas vaqt se pahle pahunch ga.e parvardigaar unke masaail ka hal nikaal parvardigaar sirf banaa dena kaafi nain takhleeq karke de to phir dekhbhaal kar ham log teri kun ka bharam rakhne aa.e hain parvardigaar yaar hamaara khayal kar

tumhein ik baat kahni thii ijaazat ho to kah doon main ye bheega bheega sa mausam ye titli phool aur shabnam chamakte chaand ki baatein ye boonden aur barsaatein ye kaali raat ka aanchal hawa men naachte baadal dhadakte mausamon ka dil mehkati khushbuon ka dil ye sab jitne nazaare hain kaho kis ke ishaare hain s abhii baatein sooni tum ne phir aañkhen fer leen tum ne main tab ja kar kahii samjha ki tum ne kuchh nahin samjha main qissa mukhtasar kar ke zaraa neechi nazar kar ke ye kahtaa hooñ abhii tum se mohabbat ho gaii tum se

bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

mujh se pahli si mohabbat mirii mahboob na maang mujh se pahli si mohabbat mirii mahboob na maang main ne samjha tha ki tu hai to darkhshan hai hayaat teraa gham hai to gham-e-dehr ka jhagda kya hai teri soorat se hai aalam men bahaaron ko sabaat teri aankhoñ ke siva duniya men rakha kya hai tu jo mil jaa.e to taqdeer nigoon ho jaa.e yuñ na tha main ne faqat chaaha tha yuñ ho jaa.e aur bhi dukh hain zamaane men mohabbat ke siva raahatein aur bhi hain vasl ki raahat ke siva an-ginat sadiyon ke tareek bheemaana tilism resham o atlas o kamkhaab men bunwaaye hue jaa-ba-jaa bikte hue koocha-o-baazaar men jism KHaak men luthde hue KHoon men nahlaaye hue jism nikle hue amraaz ke tannooron se peep bahti hui galte hue naasooron se laut jaati hai udhar ko bhi nazar kya kijeye ab bhi dilkash hai tira husn magar kya kijeye aur bhi dukh hain zamaane men mohabbat ke siva raahatein aur bhi hain vasl ki raahat ke siva mujh se pahli si mohabbat mirii mahboob na maang

kabhi waqt tha kabhi waqt tha dekha tha use sharmaate hue apne aanchal ko mere haathon se bachaate hue akelaa milne par mujh ko rijhaate hue mere haathon se apni ungaliyaan chhuaate hue sunsaan jagah par KHud ko peechhe hataate hue jaani pahchaani jagah par shokhi badhaate hue vo daur tha KHush the ek dooje ko sataate hue aur thak jaate the naaraaz ko manaate hue pyaar hai ya nahin darte the ye bataate hue qareeb rahte the apne armaan jagaate hue vahii waqt phir se chahta hai arjun baanhon men le-le vo mujh pe haq jataate hue

aap ke li.e kabhi hansta tha khil-khil kar kabhi thii zindagi meri ye majboori ye ruswaai ye barbaa dii hui meri main apne aap men ab tanhaa pahchaane hain anjaane ghutan ke saath ab hai ye simatti zindagi meri gunaahon kii saza hoti to sah leta khushi se main khata ke bin jahannam sii hai nazm-e-zindagi meri mujhe kya ilm tha ilzaam jhoota bhi lagaate hain jalan duniya kii itni qatl kar dii shakhsiyat merina ghutkar maut aati hai na ghutkar koii jee saktaa mujhe mehsoos hota hai ye zinda laash hai meri kabhi dushman nahin the sab kabhi thii dosti sab sena koii dost lagta ab na koii dushmani meri mere dil men na kuchh baaki jo ab bhi toot saktaa ho ye tukde jee rahe kyoon-kar hain hairaani badhi meri mujhe nafrat hui KHud se main kyuuñ kamzor hooñ itnaa main KHud aaya tere dar pe ya qismat laai hai meri bahut kuchh kah nahin paata bahut kuchh kah bhi jaata hooñ samajh men jo nahin aa.e vo bas tasleem hai meri tujhe aaghaaz karna hai tujhe anjaam hai dena mile manzil nahin mujh...ko to ye taqdeer hai meri mujhe manzoor hai m itnaa mujhe manzoor marna par mujhe jeene kii khaatir chahiye aawaargi meri tu utri aasmaañ se hai yahaañ dharti pe aayi hai farishta lag rahi hai tu zaroorat ban gaii meri chalo ye baat chhoden ab chalo vo baat karte hain ki KHushboo ban ke phaile kaamyaabi kii mahak teri

chhoti sii mulaqaat ham bachpan men khelte hue yuñ jawaan ho ga.e armaan bina kahe hi sab bayaañ ho ga.e bachpan men khelte the jo chhupne ka khel ham chahte the na Dhoondh paa.e koii chhupte the aise ham ek din pata chala ki haara nahin hai koii Dhoondhaa to ek ne tha pakde ga.e the ham saansen to chhoo rahi thii chup chup khade the ham maana ki dhadkanoon ko roke rahe the ham dil ne na maani baat paseene se naha ga.e dhadkan thii itni tez darne lage the ham aisi mulaqaat kabhi mehsoos na kii thii dono ne kabhi aisi koii baat na kii thii khafa hooñ zindagi se vo waqt beet kyuuñ gaya uske guzar jaane kii koii baat na kii thii uske guzar jaane kii koii baat na kii thii

vo aañsu jo tere qadam pe giraaye vo aañsu jo tere qadam pe giraaye the pooja men arpan tujhi ko chadhaaye vo aañsu jo tere qadam pe giraaye the pooja men arpan tujhi ko chadhaaye main bebas nahin hooñ mujhe ye pata hai tire aage kamzor dil ban ye jaa.e mohabbat ko tarsa hooñ main zindagi men kahaanii bharii dukh kii kaise sunaaye main jeekar bhi jeevan men har pal maraa hooñ mirii laash ko koii kaise jilaaiye sukoon se bhara koii din gar mile to tira saath ho aur duniya bhulaaye tujhe poojna chahta hai mira dil bujhe dil se arjun diya kya jalaae vo aañsu jo tere qadam pe giraaye the pooja men arpan tujhi ko chadhaaye

ishq kii aag chalo phir se aashiqi kii raah par chala jaa.e anjaam jo bhi ho par andaaz kyun badla jaa.e baraf-si dil men jam gaii hai shab-e-tanhaai men to phir vasl-e-yaar kii garmi men pighla jaa.e khabar hai falak kii bijli se mar gaya insaan khaak-e-zulmaat-rang se kab kaun chala jaa.e tab ye jaan jaana ki maut-bar-haq hai agar kyoon na ishq kii aag men jal kar dekha jaa.e