tum ho tum sukoon ho pur-sukoon ho mire ishq ka tum junoon ho main hosh men baahosh men mire jism ka tum KHoon ho tum sard ho barsaat bhi mirii garmiyon ki tum june ho tum ghazal ho ho tum shaayri mirii likhi nazm ki dhun ho mirii hañsi bhi tum mirii khushi bhi tum mire is hayaat ki mamnoon ho tum dhoop ho mirii chaanv bhi tum siyaah raat ka moon ho tum sin ho tum kaaf bhi tum waao ke baad ki noon ho tum sukoon ho pur-sukoon ho mire ishq ka tum junoon ho

naam tumhaara dekho maine nazm likhi hai ik chhote saade kaagaz par ek hañsi hothon par lekar tum isko chupke se padhna log agar kuchh poochen tumse chup hi rahna kuchh mat kehna khwaab mere kuchh likkhe honge kuchh khushiyon ki baatein hongi al saa.e se din kuchh honge kuchh sahmi si raatein hongi ek nadi bhi bahti hogii kuchh pariyaan bhi udti hongi chaand wahin par baitha hogaa thak kar ghar ko lautaa hogaa phool khile honge kaagaz par barsaaton ka mausam hogaa titli hogii panchi honge ithlaata sa saawan hogaa ek andhere se jungle men saawan ki baarish men khilte neel kanwal ko chunne jaate dik jaayenge tumko bacche door kahii ik bastii hogii raat ga.e dekhoge us men ek diya jalta sehama sa au us men jaltee ummeedeinus chhote kaagaz par maine saari duniya likh daali hai saari khushiyaan bhi likkhi hain aur gamon ki hariyaali hai parvat bhi hai jharna bhi hai jeevan hai au marna bhi hai aur KHuda bhi to likkha hai waan to kone men rakha hai tum bhi hairaan soch rahi ho saari baatein khoj rahi ho main tumko paagal lagta hooñ sab likkha hai sach kahtaa hooñ kuchh hi harf likhe the maine in men sab duniya simti hai gaur karo tum phir se dekho naam tumhaara likkha hai bas

tark-e-ishq suno premika oe anamikaa main tumhaare li.e nahin likhta likhte honge jo likhte honge main nahin likhta main likhta hooñ kyonki main banaa hooñ likhne ke li.e main bikta hooñ kyonki main banaa hooñ bikne ke li.e main likhta hooñ kyonki meraa man karta hai tum meri geet men kaise ho tum jaano meri ghazal men kaise ho tum jaano tum meri kavita. men kaise ho tum jaano tum meri nazm men kaise ho tum jaano main kyuuñ jaanoon jab main tumhein nahin likhta aur main kyuuñ likhoon tumhaare li.e kya kiya hai tumne hamaare li.e vahii samajhdari bharii baatein jo tum hamesha se karti aayi ho jab bhi milti samajhdari bharii baatein karti aur main paagalon kii tarah tumhaari haan men haan milta main akshar hi chup rehta tha kyonki kabhi to javaab nahin hote the aur kabhi main sankoch jaata magar tum karti thii kyuuñ nahin karogi tez thii naakarogi hi vaise main tumhein bataa doon ki mujhe chhod jaane ka faisla bhi tumhaara tha pata nahin kisne kah diya ki muhabbat paagalon ko pasand karti hai mujhe to kabhi nahin kiya KHair itnaa badaa faisla tumne kiya itnaa sahi faisla tumne kiya to ye tay raha ki tum samajhdaar thii aur main paagal to paagal likha nahin karte tum samajhdaar ho tez ho tum likhna mere li.e main padhoonga kyonki main paagal hooñ gar be-zubaan nahin likhoonga nahin magar padhoonga aur zaroor padhoonga

nazm kya hai shaayri ki do simfen hain nazm-o-ghazal urdu men in ki shohrat hai baccho atal nazm paaband hai nazm azaad bhi ye kabhi nasr hai aur mu'arra kabhi nazm-e-paaband men vazn hogaa myaan aur azaad men bhi hai is ka nishaan nazm-e-paaband ka tarz hai jo lateef is men paoge tum qaafiya-o-radif nasri nazmon men bas nasr hi nasr hai vazn aur qaafiya hai na hi bahar hai vazn aur qaafiye jin ko mushkil hue nasri naz men umooman vo kahte lage vazn nazm-e-mu'arra men hai dosto is ko tum be-radeef-o-qafaai kaho masnavi ho qaseeda ho ya rakh nazm ka milta hai baccho ham ko pata nazm men silsila hai khayaalaat ka ek dariyaa sa hai dekho jazbaat ka vo mukhammas ho ya ho musaddas koi ye bhi ik shakl hai nazm-e-paaband ki vo ghazal ho ki ho nazm baccho suno dono yaksaan hain shohrat men bas jaan lo josh ki naz men mashhoor hain har jagah hain ghazal ke jigar Vaaqaii baadshah nazm men jo kahaanii kahii jaayegi shauq se ai miyaan vo sooni jaayegi naz men seemaab-o-iqbaal ne bhi likheen jo nihaayat hi mashhoor saabit hui karta hooñ bacchon ke vaaste main dua naz men bacchon ki likhta hooñ haafiz sadaa

sankari si us gali men dono taraf hazaaron jazbaat ki khidkiyaan khulti hai jugnoo timtimaate hai rooi ke fohon se lamhe tairte hain shaam-rang sapne jhilmilaate hain titliyon ke pankhon ka sangeet ghulta hai reshmi lafzon ki KHushboo mehkati hai sankari si us gali men teri aankhoñ se mere dil tak jo pahunchti hai