tumhaara phone aaya hai ajab si oob shaamil ho gayi hai roz jeene men palon ko din men din ko kaat kar jeena maheene men mahj maayusiyaan jagti hain ab kaisi bhi aahat par hazaaron uljhnon ke ghonsle latke hain chaukhat par achaanak sab ki sab ye chuppiyaan ik saath pighli hain ummeedein sab simat kar haath ban jaane ko machli hain mere kamre ke sannaate ne angadaai si to dii hai meri KHaamoshiyon ne ek naghma gungunaaya hai tumhaara phone aaya hai tumhaara phone aaya hai sati ka chaitra dik jaa.e jaise roop-baari men ki jaise chhath ke mauke par jagah mil jaa.e gaa dii men meri awaaz se jaage tumhaare baam-o-dar jaise ye namumkin si hasrat hai khyaali hai magar jaise ba dii naakaamiyon ke baad himmat ki lehar jaise ba dii bechainiyon ke baad raahat ka pahar jaise ba dii gumnaamiyon ke baad shohrat ki mehr jaise subah aur shaam ko saadhe hue ik dopahar jaise bade unwaan ko baandhe hue chhoti bahar jaise nayi dulhan ke sharmate hue shaam-o-sehar jaise hatheli par rachi mehn dii achaanak muskuraai hai meri aankhoñ men aañsu ka sitaara jagmagaya hai tumhaara phone aaya hai tumhaara phone aaya hai

haal-e-dil meri dilruba tum khoobsurat ho soorat se nahin seerat se mujhe tumhaari seerat se muhabbat hai isi li.e seerat ka jaanta hooñ sharm dahshat pareshaani jinhen sukhnavaron kaviyaan ne ishq kii lazzat bataaya hai filhaal ye mere darmiyaañ aa rahe hain bahaal meri chahten tumhaare nafs men dhadkati hain zinda rahtii hain maine tumhein dekha hai dekhte hue mujhe chahte hue mujhe sochte hue aur mere li.e pareshaan hote hue vaise chaahat ho to kehna laazmi hota hai zaroori hota hai lekin ishq kii qaaynaat men lafz KHaamosh rahte hain aur nigaahein baat kar letii hain mujhe pata hai ek din tum meri nigahon se baat kar logi pooch logi aur tumhein javaab milega haan main bhi chahta hooñ khoob chahta hooñ vaise main bhi apne nagmon apni ghazlon men muhabbat khoob likhta hooñ haalaanki sadaqat ye hai ki main bhi kehne men khauf khaata hooñ vaise bura na maanna ki maine tumse kabhi izhaar nahin kiya soch lena ki theory aur practical men farq hota hai khairab jo meraa maujooda haal hai vo ye hai ki aa.e din dil aur dimaagh mas'ala khada kar dete hain dil kahtaa hai tum khoobsurat ho dimaagh kahtaa hai manzil pe ikhtiyaar karo bahaal tum khoobsurat ho tum ziyaada khoobsurat ho tum sabse ziyaada khoobsurat ho tum hi khoobsurat ho

nazm bebasi tere saath guzare dinon kii koii ek dhundli sii tasveer jab bhi kabhi saamne aayegi to ha men ek dua thaamne aayegi budhape kii gahraaiyon men utarte hue teri belaus baanhon ke ghere nahin bhool paayenge ham hamko tere tavassut se hanste hue jo mile the vo chehre nahin bhool paayenge ham tere pahluu men lete huoon ka ajab qarb hai jo raat bhar apni veeraan aankhoñ se tujhe takte the aur tere shaadaab shaanon pe sir rakh ke marne kii KHvaahish men jeete rahe par tere lams ka koii ishaara muyassar nahin tha magar is jahaan ka koii ek hissa unhen tere bistar se behtar nahin tha par mohabbat ko is sab se koii ilaaka nahin tha ek dukh to ham bahaal ham apne seenon men le ke marengay ki hamne mohabbat ke daave ki.e tere maathe par sindoor taanka nahin isse kya fark padta hai door hain tujhse ya paas hain hamko koii aadmi to nahin ham to ehsaas hain jo rahe to hamesha rahenge aur ga.e to mud kar waapis nahin aayenge

kyuuñ hai tum nahin ho yahaañ par phir bhi tumhaare hone ka ehsaas kyuuñ hai kuchh hai nahin mere haath men phir bhi kuchh hone ki ye aas kyuuñ hai badi hairaani hai mujhe ki vo door hokar bhi itnaa paas kyuuñ hai sabne kaha ki vo to paraaya hai vo paraaya hokar bhi itnaa khaas kyuuñ hai j itnaa vo door hai mujhse vo utna hi mujh...ko raas kyuuñ hai baitha hooñ bilkul ekaant men main phir bhi kaanon men uski aawaaz kyuuñ hai khul ke nahin kahti vo kuchh bhi uski aankhoñ men itne raaz kyuuñ hain basi hai dil men vo mere ye meraa dil uskaa aavaas kyuuñ hai us..ko nahin bhula saka main ye uske naam ki har shvaas kyuuñ hai poori kaaynaat uski yaad dilaati hai ye tan-man men uskaa vaas kyuuñ hai vo meri hui nahin hai abhii us..ko khone ke dar se man itnaa badhavaas kyuuñ hai dooriyaan likhi hain jaise darmiyaan meraa naseeb mujhse itnaa naaraaz kyuuñ hai aise shabd kahaan se laaun ki vo samjhe jo gar na samjha paa.e to phir aise alfaaz kyuuñ hain rah to raha hooñ apne nivaas men uske bin lagta ye vanvaas kyuuñ hai gar mil bhi jaa.e sampatti saari duniya ki magar vo saath nahin to phir ye bhogvilaas kyuuñ hai sote hi uske khwaabon men aur jaagte hi uske khyaalon men kaise bhi uskaa ho jaane ki itni pyaas kyuuñ hai jaltee hain ye nazren ab meri in nainon ko har waqt teri talash kyuuñ hai haalaat kah rahe hain ki ye mumkin nahin phir bhi tum pukaarogi ek din mujhe itnaa vishwas kyuuñ hai ab bhi nahin samjhi kyuuñ hai tumhaari bahut yaad aati hai tum bin raha nahin jaata bas baat kuchh yoon hai tumse bepanaah mohabbat thii hai aur rahegi ye satya jyon ka tyon hai kyuuñ hai

bhalii si ek shakl thii bhale dinon ki baat hai bhalii si ek shakl thina ye ki husn-e-taam hona dekhne men aam sina ye ki vo chale to kahkashaan si raahguzaar lage magar vo saath ho to phir bhala bhala safar lage koi bhi rut ho us ki chhab fazaa ka rang-roop thii vo garmiyon ki chaanv thii vo sardiyon ki dhoop thii na muddaton juda rahena saath subh-o-shaam hona rishta-e-wafa pe zidna ye ki izn-e-aam ho na aisi khush-libaasiyaan ki saadgi gilaa karena itni be-takallufi ki aaina haya kare na ikhtilaat men vo ram ki bad-maza hon khwaahisheinna is qadar supurdagi ki zach karen nawaazisheinna aashiqi junoon ki ki zindagi azaab hona is qadar kathor-pan ki dosti KHaraab ho kabhi to baat bhi khafi kabhi sukoot bhi sukhun kabhi to kisht-e-zaafaran kabhi udaasiyon ka ban suna hai ek umr hai muaamalaat-e-dil ki bhi visaal-e-jan-faza to kya firaq-e-jan-gusil ki bhi so ek roz kya hua vafaa pe bahs chhid gaii main ishq ko amar kahooñ vo meri zid se chid gaii main ishq ka aseer tha vo ishq ko qafas kahe ki umr bhar ke saath ko vo bad-tar-az-hawas kahe shajar hazar nahin ki ham hamesha pa-b-gil rahenna dhor hain ki rassiyaan gale men mustaqil rahen mohabbaton ki wusaaten hamaare dast-o-pa men hain bas ek dar se nisbatein sagaan-e-ba-wafa men hain main koi painting nahin ki ik fra men men rahoon vahii jo man ka meet ho usii ke prem men rahoon tumhaari soch jo bhi ho main us mizaaj ki nahin mujhe vafaa se bair hai ye baat aaj ki nahin na us ko mujh pe maan thana mujh ko us pe zoom hi jo ahd hi koi na ho to kya gham-e-shikastagi so apna apna raasta hasi-khushi badal diya vo apni raah chal padi main apni raah chal diya bhalii si ek shakl thii bhalii si us ki dosti ab us ki yaad raat din nahin magar kabhi kabhi

tasveer-kashi jaañ ab tiri tasveer men jo aane lagii hai gul-posh haseen shaam ko bahkaane lagii hai tasveer tiri dil mira bahaalne lagii hai ujde hue gulzaar ko mehkaane lagii hai main baat jo karta tha to ho jaati thii naaraz ab aankh jhuka letii hai sharmane lagii hai jo mujh se lagaataar bachaati rahi nazarein ab mujh pe nazar daal ke muskaane lagii hai jo haath lagaane pe raha karti thii KHaamosh ab she'r sunaati hai ghazal gaane lagii hai main is kii adaaon pe raha mast hamesha ab ye mire ash'aar pe lehraane lagii hai jo pyaar ke lamhaat tire saath guzaare tasveer tiri baarha dohraane lagii hai kal tak jo banii rahtii thii deewaar kii zeenat ab dil ke har ik goshe ko garmaane lagii hai aankhoñ men mirii dekh ke tasveer KHud apni kya jaaniye kis baat pe itraane lagii hai seene ko dhake rakhta tha jo reshmi aanchal do chaar dinon se use sarkaane lagii hai ik roz ise yuñ hi kahiin chhed diya tha ye mujh ko usii roz se ukasaane lagii hai ab ispe bhi kuchh rang tira chadhne laga to bal kha ke mire saamne ithlaane lagii hai ghalti se jo hai dekh li tasveer koii aur murjha ke ab is tarah vo gham khaane lagii hai kal raat bashar hamne jo shaane ko hilaaya kehne lagii so jaao ki neend aane lagii hai

gadaagar kal sadak par ik gadaagar daf'atan jo dik gaya chand sikke bheek dekar maine usse ye kaha bhai tum marzi ke apni maalik-o-mukhtaari ho ik guzarish hai magar jo sunne ko taiyaar ho daur-e-piri hai magar a'zaa to chalte hain abhii bheek men zillat hai dhoondho kaam dhanda tum koii haath phailaana kisi ke saamne achha nahin tumse saalim shaKHs par pesha ye kuchh janchta nahin ek thandi aah bhar kar muskuraya vo zaraa chand lamhe soch kar kuchh usne bola sahiba kis ko hai marzi pe apni is jahaan men ikhtiyaar maine kab chaaha tha ho paamaal yuñ miraa vaqaar main hunar rakhta tha saahib main bhi ik fankaar tha aur fan miraa funoos-e-khaas ka sardaar tha she'r kahtaa tha ghazab ke naam tha har soo miraa sunne waalon pe chala karta tha kya jaadu miraa shohrat-o-izzat bhi thii aur zar bhi tha haasil mujhe zindagi lagti thii misl-e-neemat-e-kaamil mujhe phir hua kuchh yuñ ki ye duniya masheeni ho gaii aur sher-o-naghma kii raftaar dheemi ho gaii ab nahin sajtein kahiin she'r-o-sukhan kii mahfilein ab kahaan vo log jo ghazlein sune naz men sune shaa'irii men ab kisi insaan ko dilchaspi kahaan ab to ye fan ho chuka hai ek bhooli dastaan meri mushkil hai ki maine aur kuchh seekha nahin umr ke is daur men vaise bhi kuchh hota nahin ya'ni mujh jaise to ab ke vaqt men bekar hain maangte hain bheek haan behad zaleel-o-khwaar hain

khilauna tum ko is dil se shikaayat thii ki bekar hai ye har haseena kii muhabbat ka giraftaar hai ye husn ke faiz ka har vaqt talab-gaar hai ye daudte firta hai par asl men beemaar hai ye hamko achchhii nazar aati nahin haalat iski jaao aur jald kara laao marammat iski sun ke ye hukm sar-e-shauq jhukaaya maine dil-e-beemaar tabeebon ko dikhaaya maine haal-e-na-saz b-tafseel sunaaya maine uske farmaanon ko seene se lagaaya maine bole is dil se tumhein haath na dhone denge ik jawaan-saal ko marhoom na hone denge dekhte dekhte takhte pe litaaya mujh...ko phir hadf apni jaraahat ka banaya mujh...ko aalam-e-khwaab men kya kya na sataaya mujh...ko hosh aa jaane pe mujda ye sunaaya mujh...ko aapke pahluu men ab ek dil-e-kaamil hai jiske ausaaf-e-hameeda ka bayaañ mushkil hai saaz kahiye to har ik taar hai umdaa iska aaina kahiye to har aks hai ujla iska hai khilauna to har ik khel anokha iska goya har rang zamaane se niraala iska khanda-peshaani se tum saath ise le jaao jin ko shikwa tha unhen khol ke dil dikhlaao jaan-e-man ye raha vo dil zaraa dekho isko koii shak ho to bade shauq se parkho isko hai nayi cheez naye dhang se jaancho isko jee ko bha jaa.e to phir pyaar se thaamo isko aapke haath se naagaah agar chhoot gaya ik khilauna hi to hai toot gaya toot gaya

duhaai KHuda kare ki shab-e-wasl raas aa.e tujhe hamaari tarah gale se koii lag aa.e tujhe tiri nigaah se chhup kar tire hi kaanon men jo baat hamne kahii thii vahii sun aa.e tujhe mazaa to jab hai ki vo be-khu dii ke aalam men hamaare she'r parhe aur gudgud aa.e tujhe hamaare tarz-e-takallum kii chaashni le kar sama'aton ko tiri choo men aur lubh aa.e tujhe isi mizaaj se le kar shuoor-e-ishq kabhi hamaare saanche men dhal jaa.e aur rijh aa.e tujhe tu rooth jaa.e to uske dil-o-jigar kaapen rundhi zubaan se qasmen bhare manaae tujhe tu uski aankh men jhaanke to ham hi aayen nazar phir aise vaqt men kya kuchh na yaad aa.e tujhe magar jo zikr hamaara chhide to chup rahna jatan vo laakh kare par pakad na paa.e tujhe mile kabhi to bashar be-samajh ko samjhaana junoon-e-ishq bhula kar vo bhool jaa.e tujhe

talaash-e-haq talaash-e-haq hai gar tujhko nazar ko teeron ke rukh par laga de tu hadaf ko dekh duniya ke use pahchaan us ki justajoo men raat-din lag ja tujhe haq bhi milega us talak jaane ka rastaa bhi magar vo raasta chun le to phir to zakham khaane ko jigar bhi saath le aanaa sitam par muskuraane ka hunar bhi saath le aanaa yahii hai intiha us ki yahii anjaam hota hai ki is raaste pe chalne ka yahii inaam hota hai magar is raaste par zakham khaane ka maza kuchh aur hai sun le yahaañ par jaañ dene ki jazaa kuchh aur hai sun le agar tu azm kar le bas zara sa hausla kar le to phir kal kya pata jab phir koi haq ka ho joinda nishaan raaste lahu ke tere koi naqsh-e-pa kar le ki ye duniya to faani hai ye jaañ to yuñ bhi jaani hai talaash-e-haq hai gar tujhko nazar ko teeron ke rukh par laga de tu