ye alag baat ki KHaamosh khade rahte hain phir bhi jo log bade hain vo bade rahte hain

shaakhon se toot jaayen vo patte nahin hain ham aandhi se koi kah de ki auqaat men rahe

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

poochte hain vo ki ghalib kaun hai koi batlaao ki ham batlaayein kya

tere lagaye hue zakhm kyun nahin bharte mere lagaye hue ped sookh jaate hain

jahaan waalon se kah do yahaañ se hat jaayen KHuda ke aur mere darmiyaañ se hat jaayen

bichhad jaayenge ham dono zameen par ye us ne aasmaañ par likh diya hai

dil ki deewaar par siva us ke rang dooja koi chadha hi nahin

tire ehsaas men dooba hua main kabhi sehra kabhi dariyaa hua main

dasht jaisi ujaad hain aañkhen in dareechon se KHvaab kya jhaanken