mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

dil se saabit karo ki zinda ho saans lena koi suboot nahin

hamaare baad tere ishq men naye ladke badan to choomenge zulfen nahin sanvaarenge

kuchh baat hai ki hasti mitati nahin hamaari sadiyon raha hai dushman daur e zamaan hamaara

log har mod pe ruk ruk ke sambhalte kyun hain itnaa darte hain to phir ghar se nikalte kyun hain mod hota hai jawaani ka sambhalne ke li.e aur sab log yahiin aa ke fisalte kyun hain

sehra se ho ke baagh men aaya hooñ sair ko haathon men phool hain mere paanv men ret hai

main jis ke saath kaii din guzaar aaya hooñ vo mere saath basar raat kyun nahin karta

main junglon ki taraf chal pada hooñ chhod ke ghar ye kya ki ghar ki udaasi bhi saath ho gaii hai

toot bhi jaaun to teraa kya hai ret se pooch aaina kya hai phir mere saamne usii ka zikr aapke saath masalaa kya hai

vo jis ki chaanv men pacchees saal guzre hain vo ped mujh se koi baat kyun nahin karta