tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

gale milnaa na milnaa to teri marzi hai lekin tere chehre se lagta hai teraa dil kar raha hai

khu dii ko kar buland itnaa ki har taqdeer se pahle KHuda bande se KHud pooche bataa teri raza kya hai

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ye ek baat samajhne men raat ho gaii hai main us se jeet gaya hooñ ki maat ho gaii hai

vo jis ki chaanv men pacchees saal guzre hain vo ped mujh se koi baat kyun nahin karta

mujh...ko kis dasht se laai thii kahaan chhod gaii in hawaon se koi poochne vaala bhi nahin

main sukhun men hooñ us jagah ki jahaan saans lena bhi shayari hai mujhe

ik teraa hijr daaimi hai mujhe warna har cheez aarzi hai mujhe