toofaanon se aankh milaao sailaabon pe vaar karo mallaahon ka chakkar chhodo tair ke dariyaa paar karo

meri tanhaaii dekhenge to hairat hi karenge log mohabbat chhod denge ya mohabbat hi karenge log

pyaar do baar thodii hota hai ho to phir pyaar thodii hota hai yahii behtar hai tum use roko mujhse inkaar thodii hota hai

uski zulfen udaas ho jaa.e is-qadar roshni bhi theek nahin tumne naaraz hona chhod diya itni naarazgi bhi theek nahin

tu mohabbat se koi chaal to chal haar jaane ka hausla hai mujhe

sehra se ho ke baagh men aaya hooñ sair ko haathon men phool hain mere paanv men ret hai

is li.e raushni men thandak hai kuchh charaaghon ko nam kiya gaya hai

main jis ke saath kaii din guzaar aaya hooñ vo mere saath basar raat kyun nahin karta

ik teraa hijr daaimi hai mujhe warna har cheez aarzi hai mujhe

main junglon ki taraf chal pada hooñ chhod ke ghar ye kya ki ghar ki udaasi bhi saath ho gaii hai