hosh waalon ko khabar kya be-khu dii kya cheez hai ishq kijeye phir samjhiye zindagi kya cheez hai

mehrbaan ham pe har ik raat hua karti thii aankh lagte hi mulaqaat hua karti thii hijr ki raat hai aur aankh men aansoo bhi nahin aise mausam men to barsaat hua karti thii

tu mohabbat se koi chaal to chal haar jaane ka hausla hai mujhe

ye dukkh alag hai ki usse main door ho raha hooñ ye gham juda hai vo KHud mujhe door kar raha hai tere bichhurne par likh raha hooñ main taza ghazlen ye teraa gham hai jo mujh...ko mashhoor kar raha hai

maine jo kuchh bhi socha hua hai main vo vaqt aane pe kar jaaunga tum mujhe zahar lagte ho aur main kisi din tumhein pee ke mar jaaunga

sehra se ho ke baagh men aaya hooñ sair ko haathon men phool hain mere paanv men ret hai

tamaam nakhuda saahil se door ho jaayen samundron se akelaa men baat karne hai

is li.e raushni men thandak hai kuchh charaaghon ko nam kiya gaya hai

main sukhun men hooñ us jagah ki jahaan saans lena bhi shayari hai mujhe

main junglon ki taraf chal pada hooñ chhod ke ghar ye kya ki ghar ki udaasi bhi saath ho gaii hai