tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

shaayad mujhe kisi se mohabbat nahin hui lekin yaqeen sab ko dilaata raha hooñ main

kisi ko ghar se nikalte hi mil gaii manzil koi hamaari tarah umr bhar safar men raha

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

jo khandaani raeis hain vo mizaaj rakhte hain narm apna tumhaara lahjaa bataa raha hai tumhaari daulat nayi nayi hai

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

ham tere shauq men yuñ KHud ko ganwa baithe hain jaise bacche kisi tyaohar men gum ho jaayen

usne nazar nazar men hi aise bhale sukhun kahe maine to uske paanv men saara kalaam rakh diya

use faraaz agar dukh na tha bichhadne ka to kyun vo door talak dekhta raha mujh...ko

kise khabar vo mohabbat thii ya raqabat thii bahut se log tujhe dekh kar hamaare hue