koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

shaakhon se toot jaayen vo patte nahin hain ham aandhi se koi kah de ki auqaat men rahe

kisi gali men kiraye pe ghar liya usne phir us gali men gharo ke kiraye badhne lage

agar tum ho to ghabraane ki koi baat thodii hai zara si boonda-baan dii hai bahut barsaat thodii hai ye raah-e-ishq hai is men qadam aise hi uthte hain mohabbat sochne waalon ke bas ki baat thodii hai

tum poochho aur main na bataaun aise to haalaat nahin ek zaraa sa dil toota hai aur to koi baat nahin

aisi taariqiyaan aankhoñ men basi hain ki faraaz raat to raat hai ham din ko jalate hain charaaghh

aashiqi men meer jaise KHvaab mat dekha karo baawle ho jaaoge mahtaab mat dekha karo

jaane kis haal men ham hain ki ha men dekh ke log ek pal ke li.e rukte hain guzar jaate hain

lo phir tere labon pe usii be-vafa ka zikr ahmad faraaz tujh se kaha na bahut hua

aankh se door na ho dil se utar jaayega vaqt ka kya hai guzarta hai guzar jaayega