tumhein husn par dastaras hai mohabbat wohabbat badaa jaante ho to phir ye batao ki tum us kii aankhoñ ke baare men kya jaante ho ye jugraafiya falsafa psychology science riyaazi waghera ye sab jaanna bhi ahem hai magar us ke ghar ka pata jaante ho

Ham ne us ko itnaa dekha jitnaa dekha ja sakta tha lekin phir bhi do aankhoñ se kitnaa dekha ja sakta tha

kisi ko ghar se nikalte hi mil gaii manzil koi hamaari tarah umr bhar safar men raha

ham vo hain jo KHuda ko bhool ga.e tum meri jaan kis gumaan men ho

ham bhi dariyaa hain ha men apna hunar maaloom hai jis taraf bhi chal padenge raasta ho jaayega

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

tere baghair bhi to ghaneemat hai zindagi KHud ko ganwa ke kaun teri justuju kare

chala tha zikr zamaane ki be-vafaaii ka so aa gaya hai tumhaara khayal vaise hi

gham-e-duniya bhi gham-e-yaar men shaamil kar lo nashsha badhta hai sharaaben jo sharaabon men milen

usne nazar nazar men hi aise bhale sukhun kahe maine to uske paanv men saara kalaam rakh diya