ham vo hain jo KHuda ko bhool ga.e tum meri jaan kis gumaan men ho

gale milnaa na milnaa to teri marzi hai lekin tere chehre se lagta hai teraa dil kar raha hai

kis li.e dekhti ho aaina tum to KHud se bhi khoobsurat ho

ham ko mita sake ye zamaane men dam nahin ham se zamaana KHud hai zamaane se ham nahin

tere siva bhi kaii rang KHush nazar the magar jo tujhko dekh chuka ho vo aur kya dekhe

aisi taariqiyaan aankhoñ men basi hain ki faraaz raat to raat hai ham din ko jalate hain charaaghh

gham-e-duniya bhi gham-e-yaar men shaamil kar lo nashsha badhta hai sharaaben jo sharaabon men milen

ham tere shauq men yuñ KHud ko ganwa baithe hain jaise bacche kisi tyaohar men gum ho jaayen

use faraaz agar dukh na tha bichhadne ka to kyun vo door talak dekhta raha mujh...ko

jaane kis haal men ham hain ki ha men dekh ke log ek pal ke li.e rukte hain guzar jaate hain