shaayad mujhe kisi se mohabbat nahin hui lekin yaqeen sab ko dilaata raha hooñ main

bichadkar uskaa dil lag bhi gaya to kya lagega vo thak jaayega aur mere gale se aa lagega main mushkil men tumhaare kaam aaun ya na aaun mujhe awaaz de lena tumhe achha lagega

mujh se mat poochho ke us shaKHs men kya achha hai achchhe achhon se mujhe meraa bura achha hai kis tarah mujh se muhabbat men koi jeet gaya ye na kah dena ke bistar men badaa achha hai

ilaaj apna karate phir rahe ho jaane kis kis se mohabbat kar ke dekho na mohabbat kyun nahin karte

koi dikkat nahin hai gar tumhein uljha sa lagta hooñ main pahli martaba milne men sabko aisa lagta hooñ zaroori to nahin ham saath hain to koi chakkar ho vo meri dost hai aur main use bas achha lagta hooñ

sehra se ho ke baagh men aaya hooñ sair ko haathon men phool hain mere paanv men ret hai

main jis ke saath kaii din guzaar aaya hooñ vo mere saath basar raat kyun nahin karta

ik teraa hijr daaimi hai mujhe warna har cheez aarzi hai mujhe

jo tere saath rahte hue sogwaar ho laanat ho aise shaKHs pe aur beshumaar ho

chehra dekhen tere hont aur palken dekhen dil pe aañkhen rakhen teri saansen dekhen