tu mohabbat se koi chaal to chal haar jaane ka hausla hai mujhe

meri tanhaaii dekhenge to hairat hi karenge log mohabbat chhod denge ya mohabbat hi karenge log

tum mohabbat ko khel kahte ho ham ne barbaad zindagi kar li

main chahta hooñ mohabbat meraa vo haal kare ki KHvaab men bhi dobara kabhi majaal na ho

tariqe aur bhi hain is tarah parkha nahin jaata charaaghon ko hawa ke saamne rakha nahin jaata mohabbat faisla karti hai pahle chand lamhon men jahaan par ishq hota hai vahaañ socha nahin jaata

ham tere shauq men yuñ KHud ko ganwa baithe hain jaise bacche kisi tyaohar men gum ho jaayen

jaane kis haal men ham hain ki ha men dekh ke log ek pal ke li.e rukte hain guzar jaate hain

vo khaar khaar hai shaakh-e-gulaab kii maanind main zakhm zakhm hooñ phir bhi gale lagaaun use

tere hote hue mehfil men jalate hain charaaghh log kya saada hain suraj ko dikhaate hain charaaghh

ab zameen par koi gautam na mohammad na maseeh aasmaanon se naye log utaare jaayen